Yaasi 16
16
Efreeminaa Minaasinochi Yoodeenaꞌoyich Icheti Showoo
1Yooseefi shiijjereenaꞌoyich ixoona shaggiti, deshi-waan beeti showee daaro Yoordaanoosi aacoochee, Yoordaanoosi aachi gaꞌooch beeti Yaariki aachi xuupheenaꞌoochaa aabi-keyo waanee tiijjiꞌi, Yaariki gaꞌoona besheꞌi, barahoon kuxxii, geppe showooch beeti Beeteeli shaggii beetone. 2Beeteelee tiyiꞌi, Luuza shaggii, Arikeenaꞌo showooch beeti Axarooti katemooch beddii beetone. 3Aroochee aabi-gimo waanaa dugilla Yafileteenaꞌo showoo beeti, Deshi Beet Horoonee showooch beddiꞌi, Gezeeri katemooch shaggii, Meditiraanee baharooch neexehe. 4Ebina Yooseefichi shiijjereenaꞌo, Efreemi yoodoonaa Minaasi yoodoona boonoshi qoodee showoon woraashiyeete.
5Efreemee asheenaꞌo boonoshi yari yaroona boonoshich icheti showoo ebine:
Boonoshi showee daaro aabi-keyo waanaa Axaroot Adaari katemoochee tiijjiꞌi, Dambee Beet Horoonee showooch shaggii, 6Meditiraanee baharooch beddii beetone. Dambi-waanaa Mikimetaati katemoo beetone. Showee daaro aabi-keyo waanaa Tanaat Shiloohi katemooch guuddii, aabi-keyo waan beshee, Yanoohi katemooch beddii beetone. 7Yanoohee tiyiꞌi, dugilla beeti Axarooti katemoonaa Naari katemoonooch shaggii, Yaarikin besheꞌi, Yoordaanoos neexehe. 8Bi daaro andoo Taphuuhi katemoochee aabi-gimo waan beeti Qaani aacooch shaggiꞌi, Meditiraanee baharooch neexehe. Illa Efreemee asheenaꞌo boonoshi yari yaroona qoodeeti showoo ebine. 9Wotta Minaasi yoodoochi showee daggooch, Efreemi yoodoyich qoodeeti katemeenaꞌonaa boonoshi guudoona beeti gafeenaꞌona beetinaꞌone.
10Tunebaani Efreemi yoodo Gezeer beeti Kanaaneenaꞌon yookkii kichaanoone. Ebich hanaach beddaahaa Kanaaneenaꞌo Efreemi yoodoochi daggooch beetinaꞌone. Ebi Kanaanee asheenaꞌo guunon tuneꞌi boonoshich maddee beetinaꞌone.#Wora. 1:29
Currently Selected:
Yaasi 16: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
