Yaasi 15
15
Yihudi Yoodoyich Ixoona Shaggiti Showoo
1Yihudi yoodoyich boonoshi yari yaroona ixoona shaggiti showoo Edoomee showee danooch beddaahaa, ebiyoo deshi-waan beeti Tsiini barahee ciirooch beddaahaane.
2Ebi deshi-waani Yihudichi showee dano, Kiikki baharee deshi-waanee tiijjiꞌi, 3Aqirabiimi deshee dambaa deshi-waanina besheꞌi, Tsiin beddiichii, Qadeesh Barinaa deshi-waanina, Hetsiroon besheꞌi Adaar shaggiichii, Karika guudditone. 4Aroochee Azimoon shaggiꞌi, Gibitsee aacon dabbiꞌi, Meditiraanee baharooch shaggiye. Illa deshi-waani Yihudichi showee dano ebine.
5Aabi-keyo waani Yihudichi showee dano wotta, Kiikki baharo tuneechii, Yoordaanoosi aaco Kiikki baharooch giyiibeeti xaaꞌooch beddaahaane.
Dambi-waani Yihudi showee dano, Yoordaanoosi aaco Kiikki baharooch giyiibeeti xaaꞌoochee tiijjiꞌi, 6Beet Hogila shaggii beetone. Aroochee Beet Arabaa deshi-waanina besheꞌi, Roobeeli bushoo Bohaanichi xaqqooch shaggii beetone. 7Akoori bamboochee tiijjiꞌi Debiiri katemooch kechiichii, bamboochaa deshi-waan beeti Adumiimi deshee damba besheebeeti kaattee ciinoona tuniiꞌi, dambi-waanaa Galigala waan guuddii beetone. En Shemeesh besheꞌi, En Rogeel beddaahaa kechii beetone. 8Aroochee showee dano Hinoomi bushoo bamboon dabbiꞌi, Yebuseenaꞌochi katemoo tuneti Yerusaalem beeti geppoochaa deshi-waan besheꞌi, Refayee bamboochaa deshi-waanaa tuniiꞌi, Hinoomi bamboochaa aabi-gimo waan beeti geppee cillooch shaggii beetone. 9Aroochee daakkiꞌi guudi toommoochee tiyiꞌi, Nefitoohi aachi xuupheenaꞌooch, wotta Efirooni guudi gaꞌooch beeti katemeenaꞌooch shaggiꞌi, Qiriyaat Yeꞌariimi getteeti Baali katemooch guuddii beetone. 10Aroochee Baalaa aabi-gimo waanaa tuniiꞌi, Seyiree guudooch guuddii, Kesalooni getteeti Yeꞌariimi guudoochee dambi-waani gaadooch besheꞌi, dugilla Beet Shemeeshi katemooch shaggii, Timinaahi katemee gaꞌoona beshee beetone. 11Wotta showee dano Eqiroonaa dambi-waan beeti geppee gaadoona tuniiꞌi, Shikerooni katemooch guuddii, Baali guudooch besheꞌi, Yabineeli katemooch shaggii beetone; aroochee danee ciiro Meditiraanee baharooch neexehe.
12Aabi-gimo waani bi dano Meditiraanee baharee gocone. Illa Yihudi yoodoochi yari yaree showee dano ebine.
Kaaleebi Kebirooninaa Debiirinon Kochii Yesho
(Woraaferasheenaꞌo 1:11-15)
13Yaasi, Doono Yeeri biich gettitoommon, Yihudi yoodee qoodoochee qoodiꞌi Qiriyaat Aribi getteeti Kebiroonin Yefuuni bushoo Kaaleebich immiye. Aribi Anaaqichi nihoone. 14Kaaleebiyoo Anaaqichi keejje bushiisheenaꞌo tuneti Sheshaayi, Ahimaaninaa Talimayinochi shiijjereenaꞌon Kebiroonee yookkii kichiye.#Wora. 1:20 15Aroochee Debiiri katemeexi asheenaꞌon kocha hammiye. Aroyee aaf Debiiri, Qiriyaat Sefeeri gettee beetone. 16Kaaleebi “Qiriyaat Sefeerin kochii yechimmoyich ta bushee Akisaahin immemmo taane” iye. 17Ebich Kaaleebi manoochi bushoo Otineeli are katemoon kochii yechiye. Biyoo Qenaazi bushoone. Kaaleebiyoo bi bushee Akisaahin biich immiye.
18Akisaahi Otineel waan bi waati gaaree aabooba, bi nihoo Kaaleeb waanee goyee budon bi qollemmoyich Otineeli bushech gettiye.#15:18 Hibiree Yaafe Macaafo “Bushee Otineelich gettahan” iye. Busheyoo bi kuree toommoochee kindiyan. Kaaleebiyoo biich “Amoon neech ta tuniyemmoyichiye ne qaawaabeeto?” iye.
19Busheyoo “Taach wojjoon imbe. Taach ne immeti showoo beeto Negeebi barahoochiye. Ebich aachi xuupheenaꞌon taach imbe” iyan. Kaaleebiyoo dambee aachi xuuphoonaa deshi aachi xuuphoonon biich immiye.
Yihudi Yoodoyich Icheti Katemeenaꞌo
20Yihudi yoodo boonoshi yari yaroona boonoshi woraashiti showoo ebine: 21-32Boonoshich icheti, deshi-waan wokkiꞌi beeti, Edoomee showee daaro waan beeti hiyaa yiixiye katemeenaꞌo: Kabizeeli, Edeeri, Yaguuri, Qinaahi, Dimonaahi, Adadahi, Qedeeshi, Hatsoori, Itinaani, Ziifi, Xeleemi, Beꞌalooti, Hatsoor Hadaati, Qiriyoot Hetsirooni getteeti Hatsoori, Amaami, Shemayi, Molaadi, Hatsaar Gadaahi, Heshimooni, Beet Phaleexi, Hatsaar Shuwaali, Beershaabi, Biziyotayi, Baali, Iyimi, Eseemi, Elitolaadi, Kesiili, Horimi, Tsiqilaagi, Madimaani, Sansaani, Lebaꞌooti, Shilihiimi, Ayininaa Rimooninane. Ebi katemeenaꞌo bullichi guudoona gafeenaꞌo beetinaꞌone.
33-36Worebooch beeti aaraa awudde katemeenaꞌo: Eshitaꞌooli, Tsoriꞌi, Ashinaahi, Zanoohi, En Ganiimi, Taphuuhi, Enaami, Yarimuuti, Adulaami, Sokoohi, Azeqi, Shaꞌarayimi, Aditayimi, Gedeerinaa Gederotayiminane. Ebi katemeenaꞌo bullichi guudoona gafeenaꞌo beetinaꞌone.
37-41Aaraa shiritte katemeenaꞌo: Tsenaani, Hadaashi, Migidaal Gaadi, Dilaani, Mitsiphi, Yoqiteeli, Lakishi, Botsiqaati, Egilooni, Kabooni, Lahimaami, Kitiliishi, Gederooti, Beet Daagooni, Naꞌaaminaa Maqidinane. Ebi katemeenaꞌo bullichi guudoona gafeenaꞌo beetinaꞌone.
42-44Yiixiye katemeenaꞌo: Libini, Eteeri, Ashaani, Yifitaahi, Ashinaahi, Neziibi, Qeꞌili, Akiziibinaa Mareshinane. Ebi katemeenaꞌo bullichi guudoona gafeenaꞌo beetinaꞌone.
45-46Wotta Eqirooni, bi guudoona beeti katemeenaꞌonaa gafeenaꞌonane; Eqiroonee tiijjiꞌi, Meditiraanee baharooch beddaahaa Ashidoodi gaꞌooch beeti katemeenaꞌo bullinaa ebi katemeenaꞌochi guudoona beeti gafeenaꞌonane. 47Ashidoodinaa Gaazina, wotta boonoshi guudoona beeti, katemeenaꞌonaa gafeenaꞌonoochee tiijjiꞌi, Gibitsee aaconaa Meditiraanee baharee gashoonooch beddaahaa beeti showoonane.
48-51Geppechi showooch beeti aaraa ikke katemeenaꞌo: Shamiiri, Yatiiri, Sokoohi, Danaahi, Debiiri getteeti Qiriyaat Sanaahi, Anaabi, Eshitemoohi, Aniimi, Goosheni, Holooninaa Gilooninane. Ebi katemeenaꞌo bullichi guudoona gafeenaꞌo beetinaꞌone.
52-54Yiixiye katemeenaꞌo, Arabi, Dumaahi, Eshaani, Yaniimi, Beet Taphuuhi, Afeqaahi, Humitaahi, Kebirooni getteeti Qiriyaat Aribinaa Tsiꞌoorinane. Ebi katemeenaꞌo bullichi guudoona gafeenaꞌo beetinaꞌone.
55-57Aashire katemeenaꞌo, Maꞌooni, Qermeloosi, Ziifi, Yuxaahi, Yezireeli, Yokidaami, Zanoohi, Qayini, Gibaahinaa Timinaahinane. Ebi katemeenaꞌochi guudoona gafeenaꞌo beetinaꞌone.
58-59Shiritte katemeenaꞌo: Halihuuli, Beet Suuri, Gedoori, Maraati, Beet Anootinaa Eliteqooninane. Ebi katemeenaꞌo bullichi guudoona gafeenaꞌo beetinaꞌone.
60Gutte katemeenaꞌo: Qiriyaat Yeꞌariimi getteeti Qiriyaat Baꞌaalinaa Raabinane. Ebi katemeenaꞌochi guudoona gafeenaꞌo beetinaꞌone.
61-62 Barahooch beeti shiritte katemeenaꞌo: Beet Arabi, Midiini, Sekakaahi, Nibishaani, Kiikki katemoonaa En Geedinane. Ebi katemeenaꞌo bullichi guudoona gafeenaꞌo beetinaꞌone.
63Tunebaani Yihudee yoodeenaꞌo Yerusaalem beeti Yebuseenaꞌon yookkii kichoon hakkaaneenaꞌone. Ebich hanaach beddaahaa Yebuseenaꞌo Yihudee asheenaꞌona tookkii Yerusaalem beetinaꞌone.#Wora. 1:21; 2 Saam. 5:6-7; 1 Kiin. 11:4
Currently Selected:
Yaasi 15: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
