Yaasi 12
12
Israꞌeeleenaꞌo Kochii Wochiti Taateenaꞌo
1Israꞌeeleenaꞌo shiichii kochii wochiꞌi boonoshi yechiti, Yoordaanoosi aachee beqach aabi-keyo waan beeti showoon, ebiyoo Arinooni bamboochee Hermooni guudooch beddaahaa, Yoordaanoosi bamboyee beqach beeti showoo bullin hajjiti gutte taateenaꞌo eboshine:
2Heshibon beechii qeejjiti, Amooreenaꞌo taatoo Sihooni, Arinooni bambee gocooch beeti Aroꞌeeri katemoonaa bambee daggoochee tiijjiꞌi, Amooneenaꞌochi daaro tuneti Yaabooqi aacooch beddaahaa beeti showoonon hajjitone; ebiyoo Gilaadee showee qatone. 3Ebiyoommon Kinerootee baharoochee tiijjiꞌi, aabi-keyo waan beeti Kiikki baharee gaꞌooch beeti, Beet Yeshimooti katemoonaa aroochee deshi-waan beeti, Fisigi guudi baatoonooch beddaahaa beeti Yoordaanoosi bamboo bullin hajjitone.
4Wotta bi beeyi xaaꞌoon Ashitarooti katemoonaa Edireyi katemoonooch tuniiti, Refayeenaꞌoochee curo tuneꞌi echeti asheenaꞌo daggoochee ikkoo, Bashaanee taatoo Oogi, 5Hermooni guudonaa Saleeki katemoonon, Geshuureenaꞌo showee danoonaa Maꞌakeenaꞌo showee danoonooch beddaahaa beeti Bashaanee showoo bullin, ebiyoommon Heshiboni taatoo Sihoonichi showee danooch beddaahaa beeti Gilaadee showee qaton hajjitone.#Had. 21:21-35; Yibba. 2:26–3:11
6Doono Yeeri guuno Muusinaa Israꞌeeleenaꞌona ebi gutte taateenaꞌon kochii wochiyeete. Doono Yeeri guuno Muusi boonoshi showoon qoodii, Roobeelinaa Gaadinochi yoodeenaꞌonaa Minaasi yoodoochee qatinaꞌonoyich maaccitone.#Had. 32:33; Yibba. 3:12-13
7Yaasinaa Israꞌeeleenaꞌona kochii wochiti taateenaꞌo, Yoordaanoosi aacoochaa aabi-gimo waan, Libanoosi bambee daggooch beeti Baꞌaal Gaadee tiijjiꞌi, Seyiree showee gaꞌooch beeti Halaaqi guudooch beddaahaa beeti showoo bullin hajjiti taateenaꞌone. Yaasiyoo ebi taateenaꞌo showoon qoodii, Israꞌeeleenaꞌoyich boonoshi yoodi yoodoona maaccitone. 8Boonoshich bi maacciti showoo, Hiteenaꞌocho, Amooreenaꞌocho, Kanaaneenaꞌocho, Ferizeenaꞌocho, Hiweenaꞌochonaa Yebuseenaꞌochona tuneti showoo, ebiyoo geppe showoo, worebe showoo, Yoordaanoosi bambeexi showoo, sharebe showoonaa Negeebi baraheexi showoonone. 9Ebi are taateenaꞌo eboshine: Yaariki taatoo, Beeteeli gaꞌooch beeti Aayi taatoo, 10Yerusaalemi taatoo, Kebirooni taatoo, 11Yarimuuti taatoo, Lakishi taatoo, 12Egilooni taatoo, Gezeeri taatoo, 13Debiiri taatoo, Gedeeri taatoo, 14Horimi taatoo, Araadi taatoo, 15Libini taatoo, Adulaami taatoo, 16Maqidi taatoo, Beeteeli taatoo, 17Taphuuhi taatoo, Hefeeri taatoo, 18Afeeqi taatoo, Lasharooni taatoo, 19Madooni taatoo, Hatsoori taatoo, 20Shimiroon Merooni taatoo, Akishaafi taatoo, 21Tanaaki taatoo, Megidi taatoo, 22Qedeeshi taatoo, Qermeloosi guudooch beeti Yoqiniyami taatoo, 23baharee gashooch beeti Doori taatoo, Galigal beeti Goyimi taatoonaa 24Tiritsi taatoonane. Eboshi bulli shaashaa ikke taateenaꞌone.
Currently Selected:
Yaasi 12: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
