Woraaferasheenaꞌo Gimo
Gimo
Hini macaafo gettiibeeto, Yaasi qitoochee tiijjiꞌi Saameeli Yeerich maddeti aabooch beddaahaa beeti yemeenooch tuneti Israꞌeeleenaꞌo mooyoniye. Ebi yemeeno bi aricheebeeto, Israꞌeelee yoodeenaꞌon yaabii qeejjiti, woraaferasheenaꞌo getteeti ginee anaaminaꞌo mooyonane. Woraaferasheenaꞌochi yemeenooch tuneti mooyinaꞌochi koto yaari yaaroona ebine:
1) Israꞌeeleenaꞌo Doono Yeerin shunniꞌi biich maddee boonoshi beehooba, diggoona boonoshi beemo;
2) Israꞌeeleenaꞌo Doono Yeerin batteꞌi shahalleenaꞌoyich boonoshi goyinno;
3) Doono Yeeri bare yoodeenaꞌo waa koyiree bi asheenaꞌon hajjemmoyich tuniiꞌi bi sheeroo;
4) Israꞌeeleenaꞌo Yeer waan wotteꞌi maaroon boonoshi qollo;
5) Doono Yeeri bi asheenaꞌon bi maaroonaa woraaferasheenaꞌon tiijjiibee, boonoshi etteenaꞌon koyi boonoshi wochemmoyich tuniiꞌi boonoshin bi wodiyoona.
Aroobee Israꞌeeleenaꞌochi yemeenooch ebi mooyo yaari yaaroona wochii wochii tuneebee echetone.
Aroobee yemeenooch Israꞌeeleenaꞌon yaabii qeejjiti aaraa uuche woraaferasheenaꞌochi shigo hini macaafooch kooreetone. Eboshi daggoochee beshoon arichetinaꞌo Diiboori, Geediyooninaa Samsooninane.
Inde Moochi Sheqqo
Woraaferasheenaꞌochi yemeenooch tuneti mooyo (1:1–3:6)
Israꞌeeleenaꞌon kochii wochiti bare yoodeenaꞌo mooyonaa boonoshin yaabii qeejjiti woraaferasheenaꞌo mooyona (3:7–16:31)
Israꞌeeleenaꞌo shahalloyich goyinnoonaa boonoshinaa boonoshina daggooch tiyiti koyoona (17:1–21:35)
Currently Selected:
Woraaferasheenaꞌo Gimo: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.