Hosee'i Gimo
Gimo
Keemechi Hoseeꞌi, wochii wochii Efreemi iꞌi bi ceeggiibeeti, dambi-waani Israꞌeelee taatee showee ashoone. Hoseeꞌi keemee keemooch bi giyito, digeni taatoo Yeroboꞌami qitoyee, ebiyoo K.sh.a. 753 natoobiyee shiichiꞌi shaahii beetone. Ebi keemoon bi keemmito Shamaari katemoo, K.sh.a. 722 natooba dihoyee giishechoon shiichiꞌi tuno qayaache.
Haaree 1-3 beddaahaa beeto Hoseeꞌi biich gibeneyaani mechee Gomeerin bi shunone. Ebi ureechi gibeneyee qayo bi bekkiibeeto, Israꞌeeleenaꞌo wogoona boonoshi yesheti boonoshi Nuggishoyich gibeneyee boonoshi qayoniye. Israꞌeeleenaꞌo boonoshi Nuggishoo boonoshin bi diiritoyich biin galletoonaa shunonon qajjiichii boonoshi maayee deejjoon shahalleenaꞌoyich deejjiyeete. Dayinnetoon boonoshi dabiyoonaa bareenaꞌon boonoshi xuꞌona Yeerin, wotta boonoshi showee asheenaꞌon boonoshi shunni qayon bekkiitone.
Inde Moochi Sheqqo
Hoseeꞌinaa bi kechi asheenaꞌonochi mooyo (1:1–3:5)
Israꞌeeleenaꞌo axaaxoon shuuno (4:1–6:3)
Israꞌeeleenaꞌo sheereyoo (6:4–10:15)
Yeerichi nalloonaa bi ariqqoona (11:1–14:9)
Currently Selected:
Hosee'i Gimo: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.