Hosee'i 3
3
Hoseeꞌinaa Yahechi Ureenochi Mooyo
1Doono Yeeri taach ishichiye: “Israꞌeeleenaꞌo bare nuggisheenaꞌo waan boonoshi wottetaanona, woyinee aafee nuuphon giddiyoon boonoshi shunnitaanona Doono Yeeri ta, andoo boonoshin shunnaabeeto taane. Newoo ebiyoommon bare ashoon shunneti shunimaayee waan hamiree biin shune” iye.
2Tawoo aaraa uuche sheqeelee xure birewoonaa ikke xaanaa yambee sheqoona biin kemehoye. 3Tawoo biich “Yahaanoon, bare ashoonoo qaawaanoon wodde aaboon taan quye beebe! Tawoo ebiyoommon neech tuniyemmo taane” iyo. 4Ebiyoo Israꞌeeleenaꞌo taataalloon, ukkiraalloon, deejjaalloon, goyinnee xaqqee giimbaalloon, efoodaalloon, shahalleenaꞌochi terafimaalloon,#3:4 Terafimo, ashoon shaahiitaa shuuneeti shahalloone. wodde aaboon kotemminaꞌo boonoshi tunetoyichiye. 5Ebiyee gubb, Israꞌeeleenaꞌo wotteree boonoshi Nuggishoo Doono Yeerinaa boonoshi taatoo Daawitinon qaawemminaꞌone. Gubbi yemeenooch Doono Yeerin shatiree bi waan wottemminaꞌone; bi diiroonoo deqqemminaꞌone.
Currently Selected:
Hosee'i 3: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
