Hiziqeeli Gimo
Gimo
Hini macaafo bi shigeto keemechi Hiziqeelichi shigoonane. Hiziqeeli geto “Nuggishoo Yeeri giidechone” getone. Hini macaafooch beeti wochoon bi gettiti yemeeno, K.sh.a. 593-571 beeti natoochiye; wochoon bi gettito kecaa hammiꞌi biinna tookkii Baabloonee showooch beeti asheenaꞌoyichiye.
Hiziqeeli shiijjeto K.sh.a. 623 natoobane; qeeshee yaroochee shiijjeꞌi bi diccito Yeerichi yaafee kexooch, Yerusaalemiye; K.sh.a. 597 natooba meeti asheenaꞌona tookkii Baabloonee showooch kecaa hammiye. K.sh.a. 593 Yeeri yaaꞌoona biich bekkeꞌi keemecho bi tunemmoyich biin ceeggiye.
Hiziqeeli maddeti yemeenee batti batti qatooch beeti wocho Erimiyaasi gettiti wochooch beeti mooyona shaahoone; ebiyoo asheenaꞌochi axaaxee naboona, shahalloyich boonoshi goyinnee naboonoo Yerusaaleminaa yaafee kexona happee aallemmo bi tunoone.
Yerusaalemi K.sh.a. 586 natooba happee aalleti bi tunee woroo Baabloonee showooch bi shaggiyooba, Hiziqeeli bare wochoon getooch giyiye; ebi wocho gaawe gibenoon yechiti wocho, wotta boonoshi showoonaa wonnee boonoshi beemi yawoonooch wottemminaꞌo boonoshi tunoon bekkiibeeti wochoone. Nuggishoo Yeeri Israꞌeeleenaꞌon boonoshi kecaa hammiti showee tuggo bulliichee wochi deebiree, boonoshi showooch kotiyemmo bi tunoon gettitone. Israꞌeeleenaꞌo wotteyaachemmoyich tuniiya qiiccemmi aagetee asheenaꞌo koyaa dihemminaꞌone; boonoshi toommoochoo nalleyemmone.
Inde Moochi Sheqqo
Keemecho bi tunemmoyich Hiziqeeli ceekko (1:1–3:27)
Yerusaalemi asheenaꞌo shuuneti axaaxoonaa katemee happee aalloona (4:1–24:27)
Bare aagetee asheenaꞌocho keemmeti keemo (25:1–32:32)
Boonoshi showooch wotteecho gibenikkeeti gibeno (33:1–39:29)
Israꞌeeleenaꞌo boonoshi showooch wotto (40:1–48:35).
Currently Selected:
Hiziqeeli Gimo: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.