Hiziqeeli 23
23
Axaaxechi Maache Maneenaꞌo
1Doono Yeeri taach ishichiye: 2“Ashi bushoocho, ikke indee bushiishoo tuneti gutte maneenaꞌo beeheete. 3Boonoshiyoo batt busheebee Gibitsee showooch beechii yahiyeete; aroochaa boonoshi xano huusheehe; aroochaa boonoshi gidiidoo aallehe. 4Boonoshi shigo, qaabbeecho Oholaahi, guucheecho Oholibahine. Guttiyona taachinaꞌo tuneheete; anaaminaꞌonaa maacheenaꞌona tuneti bushiisheenaꞌon shiyiheete. Oholaahi Shamaari tunemmona Oholibahi wotta Yerusaalemine.
5“Oholaahi taachi tunaabeenolla yahoochee wotteyaache iyan; bi shunimaayeenaꞌo tuneti Asooreenaꞌona tookkii yahiyan. 6Boonoshiyoo damere tahoon taheti koyechi ginee iraasheenaꞌonaa ukkireenaꞌona, mallet gaawe gurimaasheenaꞌoonane; bulliyona hareshechi koyechinaꞌone. 7Asooree iraasheenaꞌoyich bi qelloon beshiyaa immahan; biinna tookkii shunoon maatinaꞌochi shahalleenaꞌo bullina bi qelloon eeꞌiihan. 8Gibitsee showooch bi beehooba bi doyiti yahoon qayaaneene; aroochaa bi bushittinoona anaaminaꞌo biinna tookkii qeyiyeete; gidiidittinee bi xanonoo huushiyeete; biin qeyiyeete; boonoshi yahoonoo bi toommooch woniiheete.
9“Ebich boonoshina tookkii bi yahiibeeti, bi shunechi Asooreenaꞌo kishooch biin beshiyaa immeho. 10Boonoshiyoo bi tahoon shoottiꞌi hulloon echiiheete; bi anaami bushiishoonaa maache bushiishoonon keccii daammiyeete; biinoo goraadoona wuxiyeete. Bi toommoochoo nalloo kindiye; biyoo maacheenaꞌo daggooch tochoo tunaa echahan.
11“Bi manee Oholibahiyoo ebin bi beeggetaanona biyee beshoon shunee mamona eeꞌehan; bi maneyee beshoon yahoon woddiihan. 12Areyoo iraasheenaꞌonaa ukkireenaꞌona, malletechi tahoon taheti koyechinaꞌonaa hareshoon yebbeꞌi koyeebeeti mallet gaawe gurimaasheenaꞌona tuneti Asooreenaꞌona tookkii yahiyan. 13Tawoo eeꞌeti bi tunoon beeggeho; boonoshi guttiyona ikke boochoona hammiyeete.
14-15“Biyoo shaddoona beshii beshii hammahan; boonoshi shimetooch shachoon cuyeti, boonoshi qelloochoo malletechi qelli caacoon caacciti, ceelle qalemoona dufee toommooch shicheeti Baabloonee asheenaꞌochi misiloon ciinnahan; ebi misilooch beeti asheenaꞌo Baabloonee shiijjeroon shaaheenaꞌo, bulliyona ginee iraashoon shaaheenaꞌone. 16Ebi asheenaꞌochi misiloon bi beegiyooba, bi mullo tiyiye; Baabloonee showooch boonoshi waan wocheyechinaꞌon daachiihan. 17Baabloonee asheenaꞌo shunee mamoyich bi waan waaheete; biinoo eeꞌiiheete; boonoshina bi eeꞌetoyee gubb boonoshin ciigaꞌa badd wottahan. 18Bi achoon addibaaboochaa gaxxaa yahechi bi tunoon xalla arichiihan; tawoo bi manee waanee ta wottoommon, biin ciigaꞌa bi waanee badd wotteho. 19Tunebaani Gibitsee showoochaa shaddiibee bi echeti bi bushittinee yemeenoon gabiibee yahoon meechiyanalli ebin aaxxiyaaneene. 20Aroochaa boonoshi anaami achoo kuroochoommo, boonoshi keeroo hareshoochoommo tuneti bi shunimaayeenaꞌona tookkii shaddiyan. 21Oholibahe, Gibitsee showoochaa ne achoonaa ne bushittinee xanonon ne huusheeti ne bushittinee gonde mooyon qaatihine.
22“Ebich Oholibahe, Nuggishoo Doono Yeeri ishichiye: Ciigaꞌa ne wokketi ne shunimaayeenaꞌo ne toommooch tiyemmoyich tuniyemmo taane; ne guudo bulliichee ne toommooch boonoshi woyemmoyich tuniyemmo taane. 23Baablooneenaꞌon, Kalideenaꞌo bullin, Feqoodee asheenaꞌon, Shoꞌahee asheenaꞌon, Koꞌahee asheenaꞌon, Asooreenaꞌo bullinoo deejjemmo taane; mallet gaawe gurimaasheenaꞌon, ukkireenaꞌonaa ginee iraasheenaꞌona bullin, iraasheenaꞌonaa mikkirechinaꞌonon deejjemmo taane; eboshi bulliyoo hareshoon yebbeꞌi koyee beetinaꞌone. 24Boonoshiyoo ginee qiicoon, ginee gaarinaꞌonaa bare gaarinaꞌonon, dofee ginee naayinaꞌonoo yeshi woyemminaꞌone; neen koyoyich ogooge gaachoonaa gishiishi gaachoonon yeshi xuuree ukoonoo ukeree neen giichemminaꞌone; tawoo ne toommooch bi nalleyemmoyich boonoshi kishooch neen beshii immemmo taane; boonoshi sheeroommon ne toommooch nallemminaꞌone. 25Ta qanaatoona neen ta kaaretoyich boonoshiyoo oogeti kaaroona tiyemminaꞌone; ne muddoonaa ne waamonon kuxxemminaꞌone; ne daggoochee echeto goraadoona dihemmone; ne anaami bushiishoonaa maache bushiishoonon keci daammemminaꞌone; ne daggoochee echeton qaaqqoo maayemmone. 26Ne tahoon shoottemminaꞌone; gaawe ne shashoon daammemminaꞌone. 27Yahoonaa Gibitsee ne deebeti qocee gondoonon ne waanee aalliyemmo taane; newoo ne aafoon Gibitsee asheenaꞌo waan wochaachemmi neene; ebiyee bekk boonoshin gabaachemmi neene” iye.
28Nuggishoo Doono Yeeri ishichiye: “Shixxaa tiyaaraꞌa ne wokketi asheenaꞌochi kishooch neen beshiiree immemmo taane. 29Boonoshiyoo neen shixona ne waan giddemminaꞌone; ne aajjeto bullin bogi daammemminaꞌone; yahechichoommon neen shokke hullaachoo echiyemminaꞌone. Ne qocee gondoonaa ne yahoona 30ebi bulli ne toommooch woyemmoyich tuniitone; ebiyoo aageteenaꞌona tookkii ne shadditonaa boonoshi shahalleenaꞌona ne eeꞌetonoyichiye. 31Ne maneechi gommon dabbiti neene; ebich ne maneechi naxee xoofoon neech immemmo taane” iye.
32Nuggishoo Doono Yeeri ishichiye:
“Ne maneechi xoofoon uchemmi neene;
ebiyoo desh qappoonaa gaminoonane;
woddoonoo yechii beetonane;
miicceyemmi neene; cooneyemmi neene.
33Newoo mashe ayinemmi neene;
ne manee Shamaari uchetoommi,
keqqee, aallee xoofoon uchemi neene.
34Uchemmi neene; cangemmi neene;
xoofoon tiichemmi neene; ne xanonoo maaccemmi neene;
Nuggishoo Doono Yeeri ta, ebin getteto taane” iye.
35Ebich Nuggishoo Doono Yeeri ishichiye: “Taan ne battetoyich, ne gubboon taach ne immetoyich, ne qocee gondoonaa ne yahoonoyich naxeyemmi neene” iye.
Manaamaneenaꞌo Toommooch Nalleyemmi Yeerichi Nalloo
36Doono Yeeri taach ishichiye: “Ashi bushoocho, Oholaahinaa Oholibahinochi toommooch nalloyich qannitine? Ciigiiti boonoshi mooyon boonoshi toommooch awaajjibe. 37Shadditinaꞌone; damoo boonoshi kishooch beetone. Shahalleenaꞌona tookkii shadditinaꞌone; taach boonoshi shiyiti bushiishoon boonoshich maayi deejjoo tuniiꞌi giddiitinaꞌone. 38Boonoshi shuuneti gondo ebi baach toonoone; arooba ta yaafee kexon eeꞌiitinaꞌone; ta shambetoonoo eeꞌiiheete. 39Boonoshi bushiishoon shahalloyich boonoshi deejjiyooba, eeꞌiyoyich ta yaafee kexooch giyiyeete; ebiyoommi mooyon ta kexooch tuniiheete.
40“Anaaminaꞌo ooge wohi showoochee woyemmoyich, wocheyechinaꞌon daachiiheete; boonoshiyoo waaheete; ebi gutte maneenaꞌo boonoshi achoon macheheete; boono aafoonoo huuteheete; boono shashoonoo geddiyeete. 41Gaawe qeenooch koteheete; boonoshi aafoochoo ta ixaanoonaa ta zayitoonooch beddaahaa beeti gaawi gaawe mooyinaꞌo beeti madoon kotiiheete.
42“Buraaqiibeeti asheenaꞌochi qaaro boonoshi guudoona beetone; barahoochee waati mashechinaꞌo boonoshina tookkii beetinaꞌone; ebi mashechinaꞌo boonoshi kishooch shagaamoon, boonoshi qelloochoo gaawe gubbichoon geddiyeete. 43Tawoo ta mulloona ‘Shaddoona boonoshi ashittino ciireti genneenaꞌona tookkii ebi asheenaꞌo yahiiniye boonoshi beeto’ iyo. 44Asheenaꞌo yahechi waan hamoommon boonoshi waan hammiꞌi ebi qoci gonde Oholaahinaa Oholibahina tookkii yahiyeete. 45Tunebaani cadiqe asheenaꞌo yahechinaꞌonaa ashi damoon ukkiti ebi genneenaꞌonochi toommooch nallemminaꞌone; ebiyoo shaddii beetinaꞌo wottoo ashi damoo boonoshi kishooch beeto bi tunetoyichiye” iye.
46Nuggishoo Doono Yeeri ishichiye: “Dofee ashoon boonoshi toommooch deebe; boonoshin keqqoonaa bosheeyoonoyich beshiiree imbe. 47Ebi dofee asheenaꞌo xaqqoona boonoshin qiceete; goraadoonoo qeccebeete; boonoshi anaami bushiishoonaa maache bushiishoonon wuxibeete; boonoshi kexinaꞌon qaaqqoona michibeete.
48“Ebi gutte maneenaꞌochoommon maacheenaꞌo bulli qocoo gondeyaachemmonaa cuuqqemmonoyich qocee gondoon showee toommoochee aalliyemmo taane. 49Ebi manaamaneenaꞌo ittoshi guttiyoo qocee gondee gatiyoon danemmo ittoshine; shahalloyich ittoshi goyinnetoyich naxeyemmo ittoshine; ebina Nuggishoo Doono Yeeri ta tunoon ariyemmo ittoshine” iye.
Currently Selected:
Hiziqeeli 23: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Hiziqeeli 23
23
Axaaxechi Maache Maneenaꞌo
1Doono Yeeri taach ishichiye: 2“Ashi bushoocho, ikke indee bushiishoo tuneti gutte maneenaꞌo beeheete. 3Boonoshiyoo batt busheebee Gibitsee showooch beechii yahiyeete; aroochaa boonoshi xano huusheehe; aroochaa boonoshi gidiidoo aallehe. 4Boonoshi shigo, qaabbeecho Oholaahi, guucheecho Oholibahine. Guttiyona taachinaꞌo tuneheete; anaaminaꞌonaa maacheenaꞌona tuneti bushiisheenaꞌon shiyiheete. Oholaahi Shamaari tunemmona Oholibahi wotta Yerusaalemine.
5“Oholaahi taachi tunaabeenolla yahoochee wotteyaache iyan; bi shunimaayeenaꞌo tuneti Asooreenaꞌona tookkii yahiyan. 6Boonoshiyoo damere tahoon taheti koyechi ginee iraasheenaꞌonaa ukkireenaꞌona, mallet gaawe gurimaasheenaꞌoonane; bulliyona hareshechi koyechinaꞌone. 7Asooree iraasheenaꞌoyich bi qelloon beshiyaa immahan; biinna tookkii shunoon maatinaꞌochi shahalleenaꞌo bullina bi qelloon eeꞌiihan. 8Gibitsee showooch bi beehooba bi doyiti yahoon qayaaneene; aroochaa bi bushittinoona anaaminaꞌo biinna tookkii qeyiyeete; gidiidittinee bi xanonoo huushiyeete; biin qeyiyeete; boonoshi yahoonoo bi toommooch woniiheete.
9“Ebich boonoshina tookkii bi yahiibeeti, bi shunechi Asooreenaꞌo kishooch biin beshiyaa immeho. 10Boonoshiyoo bi tahoon shoottiꞌi hulloon echiiheete; bi anaami bushiishoonaa maache bushiishoonon keccii daammiyeete; biinoo goraadoona wuxiyeete. Bi toommoochoo nalloo kindiye; biyoo maacheenaꞌo daggooch tochoo tunaa echahan.
11“Bi manee Oholibahiyoo ebin bi beeggetaanona biyee beshoon shunee mamona eeꞌehan; bi maneyee beshoon yahoon woddiihan. 12Areyoo iraasheenaꞌonaa ukkireenaꞌona, malletechi tahoon taheti koyechinaꞌonaa hareshoon yebbeꞌi koyeebeeti mallet gaawe gurimaasheenaꞌona tuneti Asooreenaꞌona tookkii yahiyan. 13Tawoo eeꞌeti bi tunoon beeggeho; boonoshi guttiyona ikke boochoona hammiyeete.
14-15“Biyoo shaddoona beshii beshii hammahan; boonoshi shimetooch shachoon cuyeti, boonoshi qelloochoo malletechi qelli caacoon caacciti, ceelle qalemoona dufee toommooch shicheeti Baabloonee asheenaꞌochi misiloon ciinnahan; ebi misilooch beeti asheenaꞌo Baabloonee shiijjeroon shaaheenaꞌo, bulliyona ginee iraashoon shaaheenaꞌone. 16Ebi asheenaꞌochi misiloon bi beegiyooba, bi mullo tiyiye; Baabloonee showooch boonoshi waan wocheyechinaꞌon daachiihan. 17Baabloonee asheenaꞌo shunee mamoyich bi waan waaheete; biinoo eeꞌiiheete; boonoshina bi eeꞌetoyee gubb boonoshin ciigaꞌa badd wottahan. 18Bi achoon addibaaboochaa gaxxaa yahechi bi tunoon xalla arichiihan; tawoo bi manee waanee ta wottoommon, biin ciigaꞌa bi waanee badd wotteho. 19Tunebaani Gibitsee showoochaa shaddiibee bi echeti bi bushittinee yemeenoon gabiibee yahoon meechiyanalli ebin aaxxiyaaneene. 20Aroochaa boonoshi anaami achoo kuroochoommo, boonoshi keeroo hareshoochoommo tuneti bi shunimaayeenaꞌona tookkii shaddiyan. 21Oholibahe, Gibitsee showoochaa ne achoonaa ne bushittinee xanonon ne huusheeti ne bushittinee gonde mooyon qaatihine.
22“Ebich Oholibahe, Nuggishoo Doono Yeeri ishichiye: Ciigaꞌa ne wokketi ne shunimaayeenaꞌo ne toommooch tiyemmoyich tuniyemmo taane; ne guudo bulliichee ne toommooch boonoshi woyemmoyich tuniyemmo taane. 23Baablooneenaꞌon, Kalideenaꞌo bullin, Feqoodee asheenaꞌon, Shoꞌahee asheenaꞌon, Koꞌahee asheenaꞌon, Asooreenaꞌo bullinoo deejjemmo taane; mallet gaawe gurimaasheenaꞌon, ukkireenaꞌonaa ginee iraasheenaꞌona bullin, iraasheenaꞌonaa mikkirechinaꞌonon deejjemmo taane; eboshi bulliyoo hareshoon yebbeꞌi koyee beetinaꞌone. 24Boonoshiyoo ginee qiicoon, ginee gaarinaꞌonaa bare gaarinaꞌonon, dofee ginee naayinaꞌonoo yeshi woyemminaꞌone; neen koyoyich ogooge gaachoonaa gishiishi gaachoonon yeshi xuuree ukoonoo ukeree neen giichemminaꞌone; tawoo ne toommooch bi nalleyemmoyich boonoshi kishooch neen beshii immemmo taane; boonoshi sheeroommon ne toommooch nallemminaꞌone. 25Ta qanaatoona neen ta kaaretoyich boonoshiyoo oogeti kaaroona tiyemminaꞌone; ne muddoonaa ne waamonon kuxxemminaꞌone; ne daggoochee echeto goraadoona dihemmone; ne anaami bushiishoonaa maache bushiishoonon keci daammemminaꞌone; ne daggoochee echeton qaaqqoo maayemmone. 26Ne tahoon shoottemminaꞌone; gaawe ne shashoon daammemminaꞌone. 27Yahoonaa Gibitsee ne deebeti qocee gondoonon ne waanee aalliyemmo taane; newoo ne aafoon Gibitsee asheenaꞌo waan wochaachemmi neene; ebiyee bekk boonoshin gabaachemmi neene” iye.
28Nuggishoo Doono Yeeri ishichiye: “Shixxaa tiyaaraꞌa ne wokketi asheenaꞌochi kishooch neen beshiiree immemmo taane. 29Boonoshiyoo neen shixona ne waan giddemminaꞌone; ne aajjeto bullin bogi daammemminaꞌone; yahechichoommon neen shokke hullaachoo echiyemminaꞌone. Ne qocee gondoonaa ne yahoona 30ebi bulli ne toommooch woyemmoyich tuniitone; ebiyoo aageteenaꞌona tookkii ne shadditonaa boonoshi shahalleenaꞌona ne eeꞌetonoyichiye. 31Ne maneechi gommon dabbiti neene; ebich ne maneechi naxee xoofoon neech immemmo taane” iye.
32Nuggishoo Doono Yeeri ishichiye:
“Ne maneechi xoofoon uchemmi neene;
ebiyoo desh qappoonaa gaminoonane;
woddoonoo yechii beetonane;
miicceyemmi neene; cooneyemmi neene.
33Newoo mashe ayinemmi neene;
ne manee Shamaari uchetoommi,
keqqee, aallee xoofoon uchemi neene.
34Uchemmi neene; cangemmi neene;
xoofoon tiichemmi neene; ne xanonoo maaccemmi neene;
Nuggishoo Doono Yeeri ta, ebin getteto taane” iye.
35Ebich Nuggishoo Doono Yeeri ishichiye: “Taan ne battetoyich, ne gubboon taach ne immetoyich, ne qocee gondoonaa ne yahoonoyich naxeyemmi neene” iye.
Manaamaneenaꞌo Toommooch Nalleyemmi Yeerichi Nalloo
36Doono Yeeri taach ishichiye: “Ashi bushoocho, Oholaahinaa Oholibahinochi toommooch nalloyich qannitine? Ciigiiti boonoshi mooyon boonoshi toommooch awaajjibe. 37Shadditinaꞌone; damoo boonoshi kishooch beetone. Shahalleenaꞌona tookkii shadditinaꞌone; taach boonoshi shiyiti bushiishoon boonoshich maayi deejjoo tuniiꞌi giddiitinaꞌone. 38Boonoshi shuuneti gondo ebi baach toonoone; arooba ta yaafee kexon eeꞌiitinaꞌone; ta shambetoonoo eeꞌiiheete. 39Boonoshi bushiishoon shahalloyich boonoshi deejjiyooba, eeꞌiyoyich ta yaafee kexooch giyiyeete; ebiyoommi mooyon ta kexooch tuniiheete.
40“Anaaminaꞌo ooge wohi showoochee woyemmoyich, wocheyechinaꞌon daachiiheete; boonoshiyoo waaheete; ebi gutte maneenaꞌo boonoshi achoon macheheete; boono aafoonoo huuteheete; boono shashoonoo geddiyeete. 41Gaawe qeenooch koteheete; boonoshi aafoochoo ta ixaanoonaa ta zayitoonooch beddaahaa beeti gaawi gaawe mooyinaꞌo beeti madoon kotiiheete.
42“Buraaqiibeeti asheenaꞌochi qaaro boonoshi guudoona beetone; barahoochee waati mashechinaꞌo boonoshina tookkii beetinaꞌone; ebi mashechinaꞌo boonoshi kishooch shagaamoon, boonoshi qelloochoo gaawe gubbichoon geddiyeete. 43Tawoo ta mulloona ‘Shaddoona boonoshi ashittino ciireti genneenaꞌona tookkii ebi asheenaꞌo yahiiniye boonoshi beeto’ iyo. 44Asheenaꞌo yahechi waan hamoommon boonoshi waan hammiꞌi ebi qoci gonde Oholaahinaa Oholibahina tookkii yahiyeete. 45Tunebaani cadiqe asheenaꞌo yahechinaꞌonaa ashi damoon ukkiti ebi genneenaꞌonochi toommooch nallemminaꞌone; ebiyoo shaddii beetinaꞌo wottoo ashi damoo boonoshi kishooch beeto bi tunetoyichiye” iye.
46Nuggishoo Doono Yeeri ishichiye: “Dofee ashoon boonoshi toommooch deebe; boonoshin keqqoonaa bosheeyoonoyich beshiiree imbe. 47Ebi dofee asheenaꞌo xaqqoona boonoshin qiceete; goraadoonoo qeccebeete; boonoshi anaami bushiishoonaa maache bushiishoonon wuxibeete; boonoshi kexinaꞌon qaaqqoona michibeete.
48“Ebi gutte maneenaꞌochoommon maacheenaꞌo bulli qocoo gondeyaachemmonaa cuuqqemmonoyich qocee gondoon showee toommoochee aalliyemmo taane. 49Ebi manaamaneenaꞌo ittoshi guttiyoo qocee gondee gatiyoon danemmo ittoshine; shahalloyich ittoshi goyinnetoyich naxeyemmo ittoshine; ebina Nuggishoo Doono Yeeri ta tunoon ariyemmo ittoshine” iye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.