Hiziqeeli 24
24
Oshereti Shexxeechi Shaahiyoo
1Kecee no hammeti yiixiyinnee natooba, aashirinnee agenee aashirinnee qemooba Doono Yeeri taach ishichiye: 2“Ashi bushoocho, hanaachi aabo Baabloonee taatoo Yerusaalemin bi giichiti aabo bi tunetoyich, hanaachi aaboon koberooch kooribe.#2 Taat. 25:1; Erim. 52:4 3Hukkechi Israꞌeelee macceenaꞌoyich shaahiyoon gete: Nuggishoo Doono Yeeri ishichiye gete:
‘Shexxoon gemmooch ne kotiitoye gubb;
aacon arooch hakkebe;
4meechi tumoon,
gaawi gaawe tumo bullin,
galloonaa wochoonon, arooch gede;
gaawe shaawushechi meenonoo arooch ceechibe.
5Bageenaꞌoochee beshe gaaweton daambe;
shexxee dechiich qaaqqoon gaawichi shoohe;
meenonaa shaawushoona gaawichi kashe’ itone gete” iye.
6Ebich Nuggishoo Doono Yeeri ishichiye: “Ebi shexxoochoommon bi oshero maac beeti, bi oshero gawukkaani, damee katemoyich woowo! Ixoo dufaanoon meechi tumoon bi ikkikkoona kichibe. 7Bi ukkiti damoo and beddaahaa bi daggooch beetone; ebi damoon bi ukkito xalla bekkeebeeti xaqqee toommoochani butto qeremmi showooch toonoone. 8Ta neboon ta kindiyemmoyich, nichoon ta gaaccemmoyich, bi ukkiti damoo qereyaachemmoyich xalla bekkeebeeti xaqqee toommooch tuniihoye” iye.
9Ebich Nuggishoo Doono Yeeri ishichiye: “Damoon ukkiti katemeyich woowo! Ta, mixon woddiiree shookkemmo taane. 10Mixon woddiiree qaaqqoon shoohe; meenon gaawichiree kachiibe; cabboon shaawujjibe; shaawushoo mice. 11Aroochee ebi xuuree shexxoon gecheti qaaqqooch ne kotiitaa gaamiree bi xuuroo ceellebe; ebina bi kiino woccemmo, bi oshero miccemmo tunemmone. 12Tummeeti bi oshero qaaqqoonolla gawukkaano bi tunetoyich, aayo bulli duubo tunetone.
13“Yerusaaleme, shunee mamona eeꞌeti neene; neen xalliiya ta qaawitaanona ne xalleyaane neene; ta kaaree shiixxoo kindii beshemmi wottoon ne eeꞌoochee xalleyaachemmi neene.
14“Doono Yeeri ta getteto taane; ta tuniyemmi aabo katinnitone; gubb wotteyaachemmo taane; ariqqeyaachemmo taane; axireyaachemmo taane; ne gommoommona, ne shuunoommonoo ne toommooch nallemmo taane” iye Nuggishoo Doono Yeeri.
Keemechochi Mechee Qitoo
15Doono Yeeri taach ishichiye: 16“Ashi bushoocho, kashkuxoon ne shunnaabeeti mooyon naxoona daammemmo taane; newoo muushene eeppaahine; ne acimoonoo ukkiyaahine. 17Ne qaaroon waayiyaanoon yiineballi qititoyich eeppaahine; ne qelli caacoon caace; ne caammoon gede; ne noonoon oppeyaahine; aakkee maayoonoo maayaahine” iye.
18Tawoo maaddoona asheenaꞌona tookkii yibbaateebee heecho; bi xumich ta mechee qitiyan. Bi dechara taach getteetoommon tuniiho. 19Asheenaꞌoo “Ebi ne tuniibeeto ama geto gaata nooch getaachemmo neene?” iyeete.
20Tawoo boonoshich ishichiyo: “Doono Yeeri taach ishichitone: 21‘Israꞌeelee macceenaꞌoyich, Nuggishoo Doono Yeeri ishichiye: Ittoshi yebeneebeeti, kashkuxoon ittoshi shunniibeeti, wottoo ittoshi mullee emiroo tuneti ta yaafee kexo eeꞌemmoyich tuniyemmo taane; Yerusaalem echeti ittoshi anaami bushiisheenaꞌonaa maache bushiisheenaꞌona goraadoona dihemminaꞌone. 22Ebiyooba ittoshiyoo ta tuniitoommon tuniyemmo ittoshine; ittoshi noonoon oppeyaachemmo ittoshine; aakkee maayoon maataachemmo ittoshine. 23Ittoshi qelli caaco ittoshi qellooch, ittoshi caammoo ittoshi baatooch beeyemmone; muushene eefaachemmo ittoshine; ittoshi axaaxee naboona kinikinnemmo ittoshine; ittoshinaa ittoshina gaashillemmo ittoshine. 24Ebina Hiziqeeli ittoshich malletoo tunemmone; bi tuniito bulliyoommon ittoshiyoo tuniyemmo ittoshine; ebi tunehooba ta, Nuggishoo Doono Yeeri ta tunoon ariyemmo ittoshine’ itone” iyo.
25Doono Yeeri ishichiye: “Ashi bushoocho, boonoshi emiroonaa oogoonon tuneti, kashkuxoon boonoshi shunnii beetonaa boonoshi mullee emiroona tuneti, boonoshi gibeneebeeti yaafee kexon, boonoshi anaami bushiishoonaa maache bushiishoononoo ta tiijjiyooba, 26ebiyooba muriccito ebi mooyon getta ne waan woyemmone. 27Ebiyooba ne noonoo biichetaa biinna tookki yibbaatemmo neene; aroyee gubb dudoo tuneyaachemmo neene. Asheenaꞌoyichoo malletoon tunemmo neene; boonoshiyoo Doono Yeeri ta tunoon ariyemminaꞌone” iye.
Currently Selected:
Hiziqeeli 24: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Hiziqeeli 24
24
Oshereti Shexxeechi Shaahiyoo
1Kecee no hammeti yiixiyinnee natooba, aashirinnee agenee aashirinnee qemooba Doono Yeeri taach ishichiye: 2“Ashi bushoocho, hanaachi aabo Baabloonee taatoo Yerusaalemin bi giichiti aabo bi tunetoyich, hanaachi aaboon koberooch kooribe.#2 Taat. 25:1; Erim. 52:4 3Hukkechi Israꞌeelee macceenaꞌoyich shaahiyoon gete: Nuggishoo Doono Yeeri ishichiye gete:
‘Shexxoon gemmooch ne kotiitoye gubb;
aacon arooch hakkebe;
4meechi tumoon,
gaawi gaawe tumo bullin,
galloonaa wochoonon, arooch gede;
gaawe shaawushechi meenonoo arooch ceechibe.
5Bageenaꞌoochee beshe gaaweton daambe;
shexxee dechiich qaaqqoon gaawichi shoohe;
meenonaa shaawushoona gaawichi kashe’ itone gete” iye.
6Ebich Nuggishoo Doono Yeeri ishichiye: “Ebi shexxoochoommon bi oshero maac beeti, bi oshero gawukkaani, damee katemoyich woowo! Ixoo dufaanoon meechi tumoon bi ikkikkoona kichibe. 7Bi ukkiti damoo and beddaahaa bi daggooch beetone; ebi damoon bi ukkito xalla bekkeebeeti xaqqee toommoochani butto qeremmi showooch toonoone. 8Ta neboon ta kindiyemmoyich, nichoon ta gaaccemmoyich, bi ukkiti damoo qereyaachemmoyich xalla bekkeebeeti xaqqee toommooch tuniihoye” iye.
9Ebich Nuggishoo Doono Yeeri ishichiye: “Damoon ukkiti katemeyich woowo! Ta, mixon woddiiree shookkemmo taane. 10Mixon woddiiree qaaqqoon shoohe; meenon gaawichiree kachiibe; cabboon shaawujjibe; shaawushoo mice. 11Aroochee ebi xuuree shexxoon gecheti qaaqqooch ne kotiitaa gaamiree bi xuuroo ceellebe; ebina bi kiino woccemmo, bi oshero miccemmo tunemmone. 12Tummeeti bi oshero qaaqqoonolla gawukkaano bi tunetoyich, aayo bulli duubo tunetone.
13“Yerusaaleme, shunee mamona eeꞌeti neene; neen xalliiya ta qaawitaanona ne xalleyaane neene; ta kaaree shiixxoo kindii beshemmi wottoon ne eeꞌoochee xalleyaachemmi neene.
14“Doono Yeeri ta getteto taane; ta tuniyemmi aabo katinnitone; gubb wotteyaachemmo taane; ariqqeyaachemmo taane; axireyaachemmo taane; ne gommoommona, ne shuunoommonoo ne toommooch nallemmo taane” iye Nuggishoo Doono Yeeri.
Keemechochi Mechee Qitoo
15Doono Yeeri taach ishichiye: 16“Ashi bushoocho, kashkuxoon ne shunnaabeeti mooyon naxoona daammemmo taane; newoo muushene eeppaahine; ne acimoonoo ukkiyaahine. 17Ne qaaroon waayiyaanoon yiineballi qititoyich eeppaahine; ne qelli caacoon caace; ne caammoon gede; ne noonoon oppeyaahine; aakkee maayoonoo maayaahine” iye.
18Tawoo maaddoona asheenaꞌona tookkii yibbaateebee heecho; bi xumich ta mechee qitiyan. Bi dechara taach getteetoommon tuniiho. 19Asheenaꞌoo “Ebi ne tuniibeeto ama geto gaata nooch getaachemmo neene?” iyeete.
20Tawoo boonoshich ishichiyo: “Doono Yeeri taach ishichitone: 21‘Israꞌeelee macceenaꞌoyich, Nuggishoo Doono Yeeri ishichiye: Ittoshi yebeneebeeti, kashkuxoon ittoshi shunniibeeti, wottoo ittoshi mullee emiroo tuneti ta yaafee kexo eeꞌemmoyich tuniyemmo taane; Yerusaalem echeti ittoshi anaami bushiisheenaꞌonaa maache bushiisheenaꞌona goraadoona dihemminaꞌone. 22Ebiyooba ittoshiyoo ta tuniitoommon tuniyemmo ittoshine; ittoshi noonoon oppeyaachemmo ittoshine; aakkee maayoon maataachemmo ittoshine. 23Ittoshi qelli caaco ittoshi qellooch, ittoshi caammoo ittoshi baatooch beeyemmone; muushene eefaachemmo ittoshine; ittoshi axaaxee naboona kinikinnemmo ittoshine; ittoshinaa ittoshina gaashillemmo ittoshine. 24Ebina Hiziqeeli ittoshich malletoo tunemmone; bi tuniito bulliyoommon ittoshiyoo tuniyemmo ittoshine; ebi tunehooba ta, Nuggishoo Doono Yeeri ta tunoon ariyemmo ittoshine’ itone” iyo.
25Doono Yeeri ishichiye: “Ashi bushoocho, boonoshi emiroonaa oogoonon tuneti, kashkuxoon boonoshi shunnii beetonaa boonoshi mullee emiroona tuneti, boonoshi gibeneebeeti yaafee kexon, boonoshi anaami bushiishoonaa maache bushiishoononoo ta tiijjiyooba, 26ebiyooba muriccito ebi mooyon getta ne waan woyemmone. 27Ebiyooba ne noonoo biichetaa biinna tookki yibbaatemmo neene; aroyee gubb dudoo tuneyaachemmo neene. Asheenaꞌoyichoo malletoon tunemmo neene; boonoshiyoo Doono Yeeri ta tunoon ariyemminaꞌone” iye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.