Hiziqeeli 22
22
Yerusaalemi Asheenaꞌo Shuuneti Axaaxoo
1Doono Yeeri taach ishichiye: 2“Ashi bushoocho, nalloyich qannitine? Damoon ukkiibeeti katemee toommooch nalloyich qannitine? Bi shuuneti ciigiiti shuunoo bullin bi toommooch awaajjibe. 3Ishichiree gete: ‘Nuggishoo Doono Yeeri ishichiye: Ne aabo shaggemmoyich ne daggoochaa damoo ufeebeeti, shahalloon shuunoona ne qelloon eeꞌiiti katemeene! 4Ne ukkiti damoona xuꞌechi tuneti neene; ne shuuneti shahalloona eeꞌeti neene; ne aaboon katichihine; ne yemeenoonoo qamichihine; ebich aageteenaꞌona ne naakkemmoyich, showeenaꞌonoo ne cooneyemmoyich tuniito taane. 5Ne shigo aalleti, hukkoona ceenneti katemeene! Ne katinooch beetinaꞌonaa wohooch beetinaꞌona neen coonemminaꞌone.
6“ ‘Ebiyoche, ne daggooch beeti Israꞌeelee iraasheenaꞌo, boono ikkikkoona, damoon ukkoyich boonoshi giidoon gaachee beetinaꞌone. 7Ne daggoochaa indeenaa nihoona qallayeeheete; ne daggoochaa dallaaweenaꞌo xukkeheete; ne daggoochaa nihaalleenaꞌonaa xuumeenaꞌona duꞌeheete.#Key. 20:12; 22:21-22; Yibba. 5:16; 24:17 8Ta yaafe mooyinaꞌon hoxeeton tuniihote; ta shambetoonoo eeꞌiihote.#Lew. 19:30; 26:2 9Ashi damoon ukkiyoyich koottii beetinaꞌo ne daggooch beetinaꞌone; guudi toommoochaa deejjeeton maa beetinaꞌonaa yahechinaꞌona ne daggooch beetinaꞌone. 10Ne daggoochaa boonoshi nihimecheen qemona boonoshi niheenaꞌon giishiiheete; ne daggoochaa qechechi maacheen giidoona yechii qeyiyeete. 11Ikkikkeenaꞌo boonoshi giyoochi mecheena tookkii shunoon maaheete; bareenaꞌo boonoshi naamecheenaꞌon qeyiyeete; bareenaꞌo wotta boonoshi nihoo bushee tuneti boonoshi hajjee maneen qeyiyeete.#Lew. 18:7-20 12Ne daggoochaa damoon ukkoyich xucco maaheete; newoo shimonaa koyitoonon deqqeti neene; ne xibeenaꞌo waanee daboona gaacoon daneti neene; taanoo batteti neene, iye Nuggishoo Doono Yeeri.#Key. 22:25; 23:8; Lew. 25:36-37; Yibba. 16:19; 23:19
13“ ‘Daboona ne daneti gaacoonaa ne daggooch ufeti damoonoyich ta kishoon qahemmo taane. 14Neen ta naxehooba kuppheree neexoon hakkenne? Ne mochoo kupphoon hakkehe? Doono Yeeri ta getteto taane; ebinoo tuniyemmo taane. 15Aageteenaꞌo daggooch neen shaccemmo taane; showee toommoochoo neen bitinnemmo taane; ne eeꞌittinoonoo ne waanee aalliyemmo taane. 16Ne, aageteenaꞌo aafooch cooneyemmi neene; Doono Yeeri ta tunoonoo ariyemmi neene’ itone gete” iye.
17Doono Yeeri taach ishichiye: 18“Ashi bushoocho, Israꞌeelee macceenaꞌo taach gaacaani mooyon tunetinaꞌone; boonoshi bulli xure birewoo wocciibeeti gemmooch echeebeeti, gaacaalli gooshoon, qoriqoroon, xuuroonaa budoonon taach shaahiyeete. 19Ebich Nuggishoo Doono Yeeri ta ishichiyoye: Ittoshi bulliyona ebiyoommi gaacaallo ittoshi tunetoyich Yerusaalem ittoshin kicemmo taane. 20Asho birewoon, gooshoon, xuuroon, budoonaa qoriqoroonon xuuroo wocciibeeti mooyooch geddiichii bi woccemmoyich qaaqqoon bi yooppoommon ta kaaroona wottoo ta neboona ittoshin kiciichi wociyemmo taane. 21Ittoshin kicemmo taane; ta kaaree qaaqqoonoo ittoshi toommooch yooppemmo taane; bi daggoochaanoo woccemmo ittoshine. 22Birewoo xuuroo wocciibeeti qiicoochaa bi wocoommon ittoshiyoo aroochaa woccemmo ittoshine; Doono Yeeri tawoo ta neboon ittoshi toommooch woniito ta tunoon ariyemmo ittoshine” iye.
Israꞌeelee Ukkireenaꞌochi Axaaxoo
23Doono Yeeri taach ishichiye: 24“Ashi bushoocho, Israꞌeelee showoon ‘Hini xalleyaaneene, ta kaaree aabooba amiyo ne toommooch dihaachemmine’ gete. 25Bi daggooch beeti iraasheenaꞌo, boonoshi dabbee yechiti moochi guudoona guuddiichii gigeebeeti daahereenaꞌoomminaꞌone; ashoon maatinaꞌone; ashi yaaphoonaa aaxxe mooyinaꞌonon boggiyeete; wodde maacheenaꞌonoo xuumeenaꞌon tuniiheete. 26Bi qeesheenaꞌo ta sheeroon shaaddeheete; ta yaafee kechi mooyinaꞌon eeꞌiiheete; yaafeetonaa yaafeyaanoonon bariyaacheete; xalloonaa eeꞌoonochi daggooch beeti barbarittinoon dojjaacheete; ta shambetoon qallayiyeete; ebina boonoshi daggoochaa qallayehoye. 27Bi daggooch beeti iraasheenaꞌo bi wuxiton yangixxiibeeti okeroomminaꞌone. Tateyaani gommona gaace danoyich ashi damoon ukkii beetinaꞌone. 28Bi keemechinaꞌo dufooch booroon huutoommon huuttiibee eboshichi axaaxoon qeriyeete. Koote yaaꞌoon beeggiyeete; kootoon boonoshich kaayiyeete; Doono Yeeri ta boonoshich getaanoon ‘Ebi Nuggishoo Doono Yeerichi qaaroone’ iyeete. 29Showee asheenaꞌo xuqqiyeete; boggiyeete; girechinaꞌonaa iritechinaꞌonon xuuxiiheete; shiqqoon xuqqiyeete.
30“Showoon ta aalliyaachemmoyich, uxeroon wochi uxeremmi, tiishetoochaa ta aafooch neexemmi ashoon boonoshi daggooch qaawiyoye; tunebaani daneyaano taane. 31Ebich ta kaaroon boonoshi toommooch kindiihoye; ta nebee qaaqqoona boonoshin aalliihoye; boonoshi shuunetoommon boonoshich shuunehoye” iye Nuggishoo Doono Yeeri.
Currently Selected:
Hiziqeeli 22: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Hiziqeeli 22
22
Yerusaalemi Asheenaꞌo Shuuneti Axaaxoo
1Doono Yeeri taach ishichiye: 2“Ashi bushoocho, nalloyich qannitine? Damoon ukkiibeeti katemee toommooch nalloyich qannitine? Bi shuuneti ciigiiti shuunoo bullin bi toommooch awaajjibe. 3Ishichiree gete: ‘Nuggishoo Doono Yeeri ishichiye: Ne aabo shaggemmoyich ne daggoochaa damoo ufeebeeti, shahalloon shuunoona ne qelloon eeꞌiiti katemeene! 4Ne ukkiti damoona xuꞌechi tuneti neene; ne shuuneti shahalloona eeꞌeti neene; ne aaboon katichihine; ne yemeenoonoo qamichihine; ebich aageteenaꞌona ne naakkemmoyich, showeenaꞌonoo ne cooneyemmoyich tuniito taane. 5Ne shigo aalleti, hukkoona ceenneti katemeene! Ne katinooch beetinaꞌonaa wohooch beetinaꞌona neen coonemminaꞌone.
6“ ‘Ebiyoche, ne daggooch beeti Israꞌeelee iraasheenaꞌo, boono ikkikkoona, damoon ukkoyich boonoshi giidoon gaachee beetinaꞌone. 7Ne daggoochaa indeenaa nihoona qallayeeheete; ne daggoochaa dallaaweenaꞌo xukkeheete; ne daggoochaa nihaalleenaꞌonaa xuumeenaꞌona duꞌeheete.#Key. 20:12; 22:21-22; Yibba. 5:16; 24:17 8Ta yaafe mooyinaꞌon hoxeeton tuniihote; ta shambetoonoo eeꞌiihote.#Lew. 19:30; 26:2 9Ashi damoon ukkiyoyich koottii beetinaꞌo ne daggooch beetinaꞌone; guudi toommoochaa deejjeeton maa beetinaꞌonaa yahechinaꞌona ne daggooch beetinaꞌone. 10Ne daggoochaa boonoshi nihimecheen qemona boonoshi niheenaꞌon giishiiheete; ne daggoochaa qechechi maacheen giidoona yechii qeyiyeete. 11Ikkikkeenaꞌo boonoshi giyoochi mecheena tookkii shunoon maaheete; bareenaꞌo boonoshi naamecheenaꞌon qeyiyeete; bareenaꞌo wotta boonoshi nihoo bushee tuneti boonoshi hajjee maneen qeyiyeete.#Lew. 18:7-20 12Ne daggoochaa damoon ukkoyich xucco maaheete; newoo shimonaa koyitoonon deqqeti neene; ne xibeenaꞌo waanee daboona gaacoon daneti neene; taanoo batteti neene, iye Nuggishoo Doono Yeeri.#Key. 22:25; 23:8; Lew. 25:36-37; Yibba. 16:19; 23:19
13“ ‘Daboona ne daneti gaacoonaa ne daggooch ufeti damoonoyich ta kishoon qahemmo taane. 14Neen ta naxehooba kuppheree neexoon hakkenne? Ne mochoo kupphoon hakkehe? Doono Yeeri ta getteto taane; ebinoo tuniyemmo taane. 15Aageteenaꞌo daggooch neen shaccemmo taane; showee toommoochoo neen bitinnemmo taane; ne eeꞌittinoonoo ne waanee aalliyemmo taane. 16Ne, aageteenaꞌo aafooch cooneyemmi neene; Doono Yeeri ta tunoonoo ariyemmi neene’ itone gete” iye.
17Doono Yeeri taach ishichiye: 18“Ashi bushoocho, Israꞌeelee macceenaꞌo taach gaacaani mooyon tunetinaꞌone; boonoshi bulli xure birewoo wocciibeeti gemmooch echeebeeti, gaacaalli gooshoon, qoriqoroon, xuuroonaa budoonon taach shaahiyeete. 19Ebich Nuggishoo Doono Yeeri ta ishichiyoye: Ittoshi bulliyona ebiyoommi gaacaallo ittoshi tunetoyich Yerusaalem ittoshin kicemmo taane. 20Asho birewoon, gooshoon, xuuroon, budoonaa qoriqoroonon xuuroo wocciibeeti mooyooch geddiichii bi woccemmoyich qaaqqoon bi yooppoommon ta kaaroona wottoo ta neboona ittoshin kiciichi wociyemmo taane. 21Ittoshin kicemmo taane; ta kaaree qaaqqoonoo ittoshi toommooch yooppemmo taane; bi daggoochaanoo woccemmo ittoshine. 22Birewoo xuuroo wocciibeeti qiicoochaa bi wocoommon ittoshiyoo aroochaa woccemmo ittoshine; Doono Yeeri tawoo ta neboon ittoshi toommooch woniito ta tunoon ariyemmo ittoshine” iye.
Israꞌeelee Ukkireenaꞌochi Axaaxoo
23Doono Yeeri taach ishichiye: 24“Ashi bushoocho, Israꞌeelee showoon ‘Hini xalleyaaneene, ta kaaree aabooba amiyo ne toommooch dihaachemmine’ gete. 25Bi daggooch beeti iraasheenaꞌo, boonoshi dabbee yechiti moochi guudoona guuddiichii gigeebeeti daahereenaꞌoomminaꞌone; ashoon maatinaꞌone; ashi yaaphoonaa aaxxe mooyinaꞌonon boggiyeete; wodde maacheenaꞌonoo xuumeenaꞌon tuniiheete. 26Bi qeesheenaꞌo ta sheeroon shaaddeheete; ta yaafee kechi mooyinaꞌon eeꞌiiheete; yaafeetonaa yaafeyaanoonon bariyaacheete; xalloonaa eeꞌoonochi daggooch beeti barbarittinoon dojjaacheete; ta shambetoon qallayiyeete; ebina boonoshi daggoochaa qallayehoye. 27Bi daggooch beeti iraasheenaꞌo bi wuxiton yangixxiibeeti okeroomminaꞌone. Tateyaani gommona gaace danoyich ashi damoon ukkii beetinaꞌone. 28Bi keemechinaꞌo dufooch booroon huutoommon huuttiibee eboshichi axaaxoon qeriyeete. Koote yaaꞌoon beeggiyeete; kootoon boonoshich kaayiyeete; Doono Yeeri ta boonoshich getaanoon ‘Ebi Nuggishoo Doono Yeerichi qaaroone’ iyeete. 29Showee asheenaꞌo xuqqiyeete; boggiyeete; girechinaꞌonaa iritechinaꞌonon xuuxiiheete; shiqqoon xuqqiyeete.
30“Showoon ta aalliyaachemmoyich, uxeroon wochi uxeremmi, tiishetoochaa ta aafooch neexemmi ashoon boonoshi daggooch qaawiyoye; tunebaani daneyaano taane. 31Ebich ta kaaroon boonoshi toommooch kindiihoye; ta nebee qaaqqoona boonoshin aalliihoye; boonoshi shuunetoommon boonoshich shuunehoye” iye Nuggishoo Doono Yeeri.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.