Keyo 34
34
Muusi Gutte Bare Yalle Xaqqoon Qanniyoo
(Yibbaatoo 10:1-5)
1Doono Yeeriyoo Muusich ishichiye: “Aafichoommi gutte yalle xaqqoon xaribe. Ne tiicheti, aafi yalle xaqqee toommooch beeti qaareenaꞌon kooremmo taane. 2Qanniree yaach maaddoona Siini guudi toommooch keye. Are guudi cillooch ta aafooch neexebe. 3Neenna tookki asho koniyoona kechaaye; guudooch, amee xaaꞌoochona shaggaaye. Bageenaꞌo woyee emmisheenaꞌo woyee miiminaꞌo guudi baatooch mocoon maayaayeete” iye.
4Ebich Muusi Doono Yeeri biich gettitoommon tuniiꞌi, aafichoommi gutte yalle xaqqoon xariye; maaddoona tiyii ebi are yalle xaqqeenaꞌon yechiꞌi, Siini guudi toommooch kechiye.
Doono Yeeri Muusich Bekko
5Aroochee Doono Yeeri quboona kindiye; aroochaa Muusina tookkii neexeꞌi, bi shigo Doono Yeerin awaajjiye. 6Doono Yeeriyoo ishichii bi shigoon awaajjiibee, Muusi aafoona beshehe: “Ta, Doono Yeeri, Doono Yeeri taane; tawoo ariqqechonaa deꞌoona, kaataa kaareyaano, ta shoodoonaa ta gibeneyoona woddeti Nuggishoo taane. 7Ta shoodoon hume shiijjerooch beddaahaa quyaabeeto, xuꞌoon, hukkoonaa axaaxoonon maariibeeto taane. Tunebaani gonde shuunechon naxeyaanoon cikki qayaachemmo taane. Niheenaꞌo axaaxoyich bushiisheenaꞌon, boonoshi bushaa bushiisheenaꞌon keejjinnee shiijjeroonaa awuddinnee shiijjeroonooch beddaahaa naxemmo taane” iye.#Key. 20:5-6; Had. 14:18; Yibba. 5:9-10; 7:9-10
8Muusiyoo bekkech showooch baroona guufeꞌi goyinnehe; 9ishichiinoo iye: “Ta Doonocho, ne aafoochaa gidoon ta danegaata, hini asheenaꞌo babbereenaꞌo boonoshi tunetaanoona, ta Doonocho, noonna tookki hambe. No xuꞌoonaa no axaaxoonon maaribe. Ne hajjee aagetoon tuniiree noon ciine” iye.
Yeeri Bi Wogoon Andiriyoo
(Keyo 23:14-19; Yibbaatoo 7:1-5; 16:1-17)
10Aroochee Doono Yeeri Muusich ishichiye: “Israꞌeeleenaꞌona tookki wogoon giyemmo taane. Ebiyee aaf showee toommo bulliich, ameexi aagetoyichona aricheyaani, worganikkiti mooyon ne asheenaꞌo bulli aafooch tuniyemmo taane. Boonoshi daggooch ne beeti hini asheenaꞌo, Doono Yeeri ta neenna tuniyaabeeti shuunoo am shaahoon shattiibeeto gaata beeggemminaꞌone.
11“Hanaach neech ta gettaa beeton tuniibe. Amooreenaꞌon, Kanaaneenaꞌon, Hiteenaꞌon, Ferizeenaꞌon, Hiweenaꞌonaa Yebuseenaꞌonon ne aafoochee yoohi kichemmo taane. 12Ne hammaabeeti showeexi asheenaꞌona tookki wogoon ne giyaachemmoyich, ne qelloon ariibe! Ebin ne tuniigaata, neech olloon tunemminaꞌone. 13Boonoshi deejjee gudoon happibote. Boonoshi goyinneebeeti xaqqee giimbeenaꞌon tiishi buricote. Boonoshi nuggishee Asheeri misileenaꞌon kuxi dichibote.#Yibba. 16:21-22 14Ta shigo Qanaatecho getteehe. Doono Yeeri ta, qanaatechi Nuggishoo ta tunetoyich, bare nuggishoyich goyinneyaahine. 15Are showooch beeti asheenaꞌona tookki wogoon ne giyaachemmoyich, ne qelloon ariibe! Wogoon ne giyigaata, boonoshi nuggisheenaꞌoyich boonoshi goyinnehoobinaa deejjoon boonoshi deejjiyoobina, neen boonoshi ataallaa boonoshi deejjee maayoochee maayemmo neene. 16Ne anaami bushiisheenaꞌoyich boonoshi maache bushiisheenaꞌon ne shaakkiitaa, ebi maacheenaꞌo boonoshi nuggisheenaꞌoyich goyinnehooba, ne anaami bushiisheenaꞌo ebin shaahe mooyon boonoshi goyinnemmoyich tuniyemminaꞌone.
17“Qaaqqoona wociitaa shuuneebeeti nuggisheenaꞌochi misiloon neech shuuneyaahine.#Key. 20:4; Lew. 19:4; Yibba. 5:8
18“Shittoo Giyaani Kochi Baaroon baaribe. Abiibi agenooba Gibitsee ne kechetoyich, neech ta gettetoommon, ebi are agenooch shabaatte qemon shittoo giyaani koshon mame.#Key. 12:14-20; Lew. 23:6-8; Had. 28:16-25
19“Maacwaqqo tuneti anaamo bulli taachone. Ne bushiisheenaꞌoochee, wotta ne gijjeenaꞌoochee, ebiyoo ne bagoochee, ne emmishoonaa miimonoochee shiichii shiijjeti anaamo bulli taachone.#Key. 13:12 20Shiichii shiijjeti kuroon bagee baaddoona biishebe. Tunebaani biishoon ne qayigaata, bi qettimixon tiishe. Ittoshi gutenee anaami bushoo bullin biishebote.#Key. 13:13
“Koniyoona shokke kishoon ta aafooch woyaaye.
21“Shiritte qemi daggooch ne shuunemmi shuunoon shuunebe. Tunebaani shabaattinnee qemooba kashebe. Goyee yarimmoonaa maayi qecci gooroona bi tunetaanoona kashebe.#Key. 20:9-10; 23:12; Lew. 23:3; Yibba. 5:13-14
22“Qaabbe ne teepphoon ne qeciyooba, qecci baaroon baaribe. Ebiyoommon maayi kicee baaroon nati ciirooba baaribe.#Lew. 23:15-21,39-43; Had. 28:26-31 23Natooch keejje wottoon anaamo bulli Israꞌeelee Nuggishoo Doono Yeeri ta aafooch giddebe. 24Aageteenaꞌon ne aafoochee yookkemmo taane; ne showoon gamichemmo taane; natooch keejje wottoon ne Nuggishoo Doono Yeeri ta aafooch giddoyich ne kechaa beehooba, ne showoon deꞌoyich koniyoona qaataachemmone.
25“Taach gijjoon ne deejjii beegaata, bi damoon shittoo giyiti koshona tookki giddiyaahine. Beshee Baarooba echeti deejjee meenon decharee maaddooch beddaahaa, yagiyaahine.#Key. 12:10
26“Ne budoochee daneebeeti maayoochee beshe gaaweti maayi cilloon ne Nuggishoo Doono Yeeri ta kexooch giijjibe.
“Emmishee bushoochi meenon bi indeechi ejjoona kiijjaahine” iye.#Key. 23:19; Yibba. 26:2
27Aroochee Doono Yeeri Muusich, “Ebi qaareenaꞌon kooribe. Ebi qaareenaꞌona neennaa Israꞌeeleenaꞌona tookkii wogoon giyaabeeto taane” iye. 28Muusiyoo maayoon maataanoon, aacon uyaanoon, aabbe areddoonaa aabbe xumoonon Doono Yeerina tookkii arooch beehe. Yalle xaqqeenaꞌo toommooch wogee qaareenaꞌon, eboshiyoo aashire geteenaꞌon, kooriye.
Wacciibeeti Muusichi Baroo
29Muusi Doono Yeerina tookkii bi yibbaatetoyich, gutte yalle miixee xaqqeenaꞌon#34:29 Miixee xaqqeenaꞌo, aashire geteenaꞌo kooreeti xaqqeenaꞌone. yechiꞌi Siini guudoochee bi kindiyooba, bi baroo waccii beetone; tunebaani bi ebin ariyaanoone. 30Harooninaa Israꞌeeleenaꞌo bullina Muusin boonoshi beeggiyooba, bi baroo waccii beetone; ebich bi waan giddemmon shattiyeete. 31Tunebaani Muusi boonoshin ceeggiye; ebich Harooninaa iiteenaꞌochi ukkireenaꞌona Muus waan wottee waaheete; biyoo boonoshina tookkii yibbaatehe. 32Aroochee asheenaꞌo bulli bi waan boonoshi giddetaa, Doono Yeeri Siini guudi toommoochaa biich gettiti mooyo bullin boonoshi tuniyemmoyich gettiye.
33Muusi boonoshich yibbaatee bi ciichitoyee gubb, bi baroon kaappiye. 34Tunebaani biinna tookkii yibbaatoyich Doono Yeer waan bi giyiibeeti aabo bullin, bi kechimmi wottoon, bi bareexi kaafoon bajjii beehe. Kechii bi waahooba, bi gettemmoyich Doono Yeeri gettiton Israꞌeeleenaꞌoyich gettii bi beetaa, 35bi baroo wacciibeeto bi tunoon beeggii beeheete. Aroochee Muusi Doono Yeerina tookki yibbaateya wottee bi hammimmi wottoon, bi baroon kaappii beehe.
Currently Selected:
Keyo 34: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Keyo 34
34
Muusi Gutte Bare Yalle Xaqqoon Qanniyoo
(Yibbaatoo 10:1-5)
1Doono Yeeriyoo Muusich ishichiye: “Aafichoommi gutte yalle xaqqoon xaribe. Ne tiicheti, aafi yalle xaqqee toommooch beeti qaareenaꞌon kooremmo taane. 2Qanniree yaach maaddoona Siini guudi toommooch keye. Are guudi cillooch ta aafooch neexebe. 3Neenna tookki asho koniyoona kechaaye; guudooch, amee xaaꞌoochona shaggaaye. Bageenaꞌo woyee emmisheenaꞌo woyee miiminaꞌo guudi baatooch mocoon maayaayeete” iye.
4Ebich Muusi Doono Yeeri biich gettitoommon tuniiꞌi, aafichoommi gutte yalle xaqqoon xariye; maaddoona tiyii ebi are yalle xaqqeenaꞌon yechiꞌi, Siini guudi toommooch kechiye.
Doono Yeeri Muusich Bekko
5Aroochee Doono Yeeri quboona kindiye; aroochaa Muusina tookkii neexeꞌi, bi shigo Doono Yeerin awaajjiye. 6Doono Yeeriyoo ishichii bi shigoon awaajjiibee, Muusi aafoona beshehe: “Ta, Doono Yeeri, Doono Yeeri taane; tawoo ariqqechonaa deꞌoona, kaataa kaareyaano, ta shoodoonaa ta gibeneyoona woddeti Nuggishoo taane. 7Ta shoodoon hume shiijjerooch beddaahaa quyaabeeto, xuꞌoon, hukkoonaa axaaxoonon maariibeeto taane. Tunebaani gonde shuunechon naxeyaanoon cikki qayaachemmo taane. Niheenaꞌo axaaxoyich bushiisheenaꞌon, boonoshi bushaa bushiisheenaꞌon keejjinnee shiijjeroonaa awuddinnee shiijjeroonooch beddaahaa naxemmo taane” iye.#Key. 20:5-6; Had. 14:18; Yibba. 5:9-10; 7:9-10
8Muusiyoo bekkech showooch baroona guufeꞌi goyinnehe; 9ishichiinoo iye: “Ta Doonocho, ne aafoochaa gidoon ta danegaata, hini asheenaꞌo babbereenaꞌo boonoshi tunetaanoona, ta Doonocho, noonna tookki hambe. No xuꞌoonaa no axaaxoonon maaribe. Ne hajjee aagetoon tuniiree noon ciine” iye.
Yeeri Bi Wogoon Andiriyoo
(Keyo 23:14-19; Yibbaatoo 7:1-5; 16:1-17)
10Aroochee Doono Yeeri Muusich ishichiye: “Israꞌeeleenaꞌona tookki wogoon giyemmo taane. Ebiyee aaf showee toommo bulliich, ameexi aagetoyichona aricheyaani, worganikkiti mooyon ne asheenaꞌo bulli aafooch tuniyemmo taane. Boonoshi daggooch ne beeti hini asheenaꞌo, Doono Yeeri ta neenna tuniyaabeeti shuunoo am shaahoon shattiibeeto gaata beeggemminaꞌone.
11“Hanaach neech ta gettaa beeton tuniibe. Amooreenaꞌon, Kanaaneenaꞌon, Hiteenaꞌon, Ferizeenaꞌon, Hiweenaꞌonaa Yebuseenaꞌonon ne aafoochee yoohi kichemmo taane. 12Ne hammaabeeti showeexi asheenaꞌona tookki wogoon ne giyaachemmoyich, ne qelloon ariibe! Ebin ne tuniigaata, neech olloon tunemminaꞌone. 13Boonoshi deejjee gudoon happibote. Boonoshi goyinneebeeti xaqqee giimbeenaꞌon tiishi buricote. Boonoshi nuggishee Asheeri misileenaꞌon kuxi dichibote.#Yibba. 16:21-22 14Ta shigo Qanaatecho getteehe. Doono Yeeri ta, qanaatechi Nuggishoo ta tunetoyich, bare nuggishoyich goyinneyaahine. 15Are showooch beeti asheenaꞌona tookki wogoon ne giyaachemmoyich, ne qelloon ariibe! Wogoon ne giyigaata, boonoshi nuggisheenaꞌoyich boonoshi goyinnehoobinaa deejjoon boonoshi deejjiyoobina, neen boonoshi ataallaa boonoshi deejjee maayoochee maayemmo neene. 16Ne anaami bushiisheenaꞌoyich boonoshi maache bushiisheenaꞌon ne shaakkiitaa, ebi maacheenaꞌo boonoshi nuggisheenaꞌoyich goyinnehooba, ne anaami bushiisheenaꞌo ebin shaahe mooyon boonoshi goyinnemmoyich tuniyemminaꞌone.
17“Qaaqqoona wociitaa shuuneebeeti nuggisheenaꞌochi misiloon neech shuuneyaahine.#Key. 20:4; Lew. 19:4; Yibba. 5:8
18“Shittoo Giyaani Kochi Baaroon baaribe. Abiibi agenooba Gibitsee ne kechetoyich, neech ta gettetoommon, ebi are agenooch shabaatte qemon shittoo giyaani koshon mame.#Key. 12:14-20; Lew. 23:6-8; Had. 28:16-25
19“Maacwaqqo tuneti anaamo bulli taachone. Ne bushiisheenaꞌoochee, wotta ne gijjeenaꞌoochee, ebiyoo ne bagoochee, ne emmishoonaa miimonoochee shiichii shiijjeti anaamo bulli taachone.#Key. 13:12 20Shiichii shiijjeti kuroon bagee baaddoona biishebe. Tunebaani biishoon ne qayigaata, bi qettimixon tiishe. Ittoshi gutenee anaami bushoo bullin biishebote.#Key. 13:13
“Koniyoona shokke kishoon ta aafooch woyaaye.
21“Shiritte qemi daggooch ne shuunemmi shuunoon shuunebe. Tunebaani shabaattinnee qemooba kashebe. Goyee yarimmoonaa maayi qecci gooroona bi tunetaanoona kashebe.#Key. 20:9-10; 23:12; Lew. 23:3; Yibba. 5:13-14
22“Qaabbe ne teepphoon ne qeciyooba, qecci baaroon baaribe. Ebiyoommon maayi kicee baaroon nati ciirooba baaribe.#Lew. 23:15-21,39-43; Had. 28:26-31 23Natooch keejje wottoon anaamo bulli Israꞌeelee Nuggishoo Doono Yeeri ta aafooch giddebe. 24Aageteenaꞌon ne aafoochee yookkemmo taane; ne showoon gamichemmo taane; natooch keejje wottoon ne Nuggishoo Doono Yeeri ta aafooch giddoyich ne kechaa beehooba, ne showoon deꞌoyich koniyoona qaataachemmone.
25“Taach gijjoon ne deejjii beegaata, bi damoon shittoo giyiti koshona tookki giddiyaahine. Beshee Baarooba echeti deejjee meenon decharee maaddooch beddaahaa, yagiyaahine.#Key. 12:10
26“Ne budoochee daneebeeti maayoochee beshe gaaweti maayi cilloon ne Nuggishoo Doono Yeeri ta kexooch giijjibe.
“Emmishee bushoochi meenon bi indeechi ejjoona kiijjaahine” iye.#Key. 23:19; Yibba. 26:2
27Aroochee Doono Yeeri Muusich, “Ebi qaareenaꞌon kooribe. Ebi qaareenaꞌona neennaa Israꞌeeleenaꞌona tookkii wogoon giyaabeeto taane” iye. 28Muusiyoo maayoon maataanoon, aacon uyaanoon, aabbe areddoonaa aabbe xumoonon Doono Yeerina tookkii arooch beehe. Yalle xaqqeenaꞌo toommooch wogee qaareenaꞌon, eboshiyoo aashire geteenaꞌon, kooriye.
Wacciibeeti Muusichi Baroo
29Muusi Doono Yeerina tookkii bi yibbaatetoyich, gutte yalle miixee xaqqeenaꞌon#34:29 Miixee xaqqeenaꞌo, aashire geteenaꞌo kooreeti xaqqeenaꞌone. yechiꞌi Siini guudoochee bi kindiyooba, bi baroo waccii beetone; tunebaani bi ebin ariyaanoone. 30Harooninaa Israꞌeeleenaꞌo bullina Muusin boonoshi beeggiyooba, bi baroo waccii beetone; ebich bi waan giddemmon shattiyeete. 31Tunebaani Muusi boonoshin ceeggiye; ebich Harooninaa iiteenaꞌochi ukkireenaꞌona Muus waan wottee waaheete; biyoo boonoshina tookkii yibbaatehe. 32Aroochee asheenaꞌo bulli bi waan boonoshi giddetaa, Doono Yeeri Siini guudi toommoochaa biich gettiti mooyo bullin boonoshi tuniyemmoyich gettiye.
33Muusi boonoshich yibbaatee bi ciichitoyee gubb, bi baroon kaappiye. 34Tunebaani biinna tookkii yibbaatoyich Doono Yeer waan bi giyiibeeti aabo bullin, bi kechimmi wottoon, bi bareexi kaafoon bajjii beehe. Kechii bi waahooba, bi gettemmoyich Doono Yeeri gettiton Israꞌeeleenaꞌoyich gettii bi beetaa, 35bi baroo wacciibeeto bi tunoon beeggii beeheete. Aroochee Muusi Doono Yeerina tookki yibbaateya wottee bi hammimmi wottoon, bi baroon kaappii beehe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.