Keyo 35
35
Shambetee Doyeenaꞌo
1Muusi Israꞌeelee iitoo bullin kiciꞌi ishichiye: “Ittoshi tuniyemmoyich Doono Yeeri gettiti mooyinaꞌo eboshine: 2Shiritte qemon shuunoon shuunemmo ittoshine; tunebaani shabaattinnee qemo, kashe ittoshi heechemmi, Doono Yeeri taach yaafeeti shambetoone; arooba shuunoon shuunemmo koniyoona qitibe.#Key. 20:8-11; 23:12; 31:15; 34:21; Lew. 23:3; Yibba. 5:12-14 3Shambetee aabooba ittoshi beeyi kexoochaa qaaqqoon shookkaahote” iye.
Yaafee Duukkaanoon Shuunoyich Tunemmi Wojjoo
(Keyo 25:1-9)
4Muusi Israꞌeelee iitoo bullich ishichiye: “Doono Yeeri gettito ebine: 5Ittoshich beeto bulliichee Doono Yeerich wojjoon imbote. Bi mullo tiyaa imoyich daaggito koniyoona, aachoon woyee birewoon woyee gooshoon wojjoo tuniiree Doono Yeerich deebe. 6Shimaayito, dameroonaa ceelloona tuneti woshiqoona, wotta muttee tuppoochee ciciitaa yokkeeti woshiqoona shippeti qoreddoon; emmishee eexoochee shippeti qoreddoon; 7qucaa shuuneeti, bagee baaddoochi gooqqoon; gaawichaa qucheti bare gijjee gooqqoon; geellee mixon; 8ceechoyich tunemmi zayitoon; huutee zayitoonaa cinnechi ixaanoonoyich tunemmi qimaamoon; 9qeeshee guudoochi efoodoonaa geteexi kiisoonochi toommooch geddeyemmi shohaamee aaxxe xaqqoonaa bare aaxxe xaqqeenaꞌonon wojjoo tuniiree deebe.
10“Ittoshi daggoochee shuunee ariyechi asho bulli waaree, Doono Yeeri gettito bullin shuunebe. 11Duukkaanoon, bi qeroon, bi qamaaxireenaꞌon, bi tureenaꞌon, bi yareenaꞌon, bi giimbeenaꞌonaa bi baateenaꞌonon; 12wogee taabootoon, bi yareenaꞌon, axaaxoon maariyee guufoonaa biin qeroyich tunemmi maccillaatoonon; 13madelloon, bi yareenaꞌon, bi qiico bullinaa Yeeri aafooch beeyemmi, yaafeeti yaaree koshonon; 14aaxxeebeeti ceechoyich tunemmi maqirajjoon, bi qiiceenaꞌon, bi ceecheenaꞌonaa ceechoyich tunemmi zayitoonon; 15ixaanee deejjee gudoon, bi yareenaꞌon, bi huutee zayitoonaa cinnechi bi ixaanoonon; yaafee duukkaanee kelloyich tunemmi maccillaatoon; 16micciibeeti deejjoyich tunemmi deejjee gudoon, tulloo kechemmoyich tunemmi, gooshoochee shuuneeti, dabboommi bi mooyon, bi yareenaꞌonaa bi qiico bullinon; machee aaco koteebeeti gafetoonaa bi kotoonon; 17addibaabee maccillaateenaꞌon, boonoshi giimbeenaꞌonaa boonoshi neexemmi baateenaꞌonon; addibaabee kelloyich tunemmi maccillaatoon; 18yaafee duukkaanoonaa addibaaboonoyich tunemmi xogeenaꞌonaa wodereenaꞌonon; 19Yaafe Xaaꞌoochaa maddoyich taheyemmi, malletiitaa shuuneeti taheenaꞌon, eboshiyoo Harooninaa bi anaami bushiisheenaꞌona qeesheenaꞌo tuneree, tahemmi yaafeeti taheenaꞌon shuunebeete” iye.
Asheenaꞌo Doono Yeerich Wojjoon Giddiyoo
20Aroochee Israꞌeelee iitoo bulli Muusi aafoochee kechii hammiye. 21Bi mullo tiyito bulli danee duukkaanee shuunoyich, maddoo bullich tunemmi qiiceenaꞌonaa yaafeeti taheenaꞌonoyich tunemmi wojjoon Doono Yeerich deebiye. 22Boonoshi mullo shunnitinaꞌo bulli, anaaminaꞌoo maacheenaꞌoo tahooch geddeebeeti aachoon, boonoshi waameexi aachoon, boonoshi kisheexi axxaamittoon, boonoshi qetteexi aachoonaa baribare aachoo bullinon deebiyeete. Boonoshi bulliyoo aachoon yaafeeti wojjoo tuniiꞌi Doono Yeerich giddiiheete. 23Shimaayite woshiqoon, damere woshiqoon, ceelle woshiqoon, muttee tuppoochee ciciitaa yokkeeti qoreddoon, emmishee eexoochee shippeti qoreddoon, qucaa shuuneeti, bagee baaddoochi gooqqoon, gaawichaa qucheti, bare gijjee gooqqoon, asho biich beeti beeton deebiye. 24Birewee wojjoon woyee gooshee wojjoon imoyich hakkito bulli Doono Yeerich deebiye; shuunoyich tunemmi geellee mixo biich beeti asho bulliyoo deebiye. 25Shuunee ariyechi maacheenaꞌo bulli boonoshi yokketi, shimaayito, dameroonaa ceelloona tuneti woshiqoon, wotta muttee tuppoochee ciciiꞌi boonoshi yokketi woshiqoon deebiyeete. 26Boonoshi mullo tiyiti, shuunee ariyechi genneenaꞌo bulli emmishee eexoochee woshiqoon yookkeheete. 27Ukkireenaꞌo efoodoonaa geteexi kiisoonochi toommooch geddeyemmi, shohaamee aaxxe xaqqeenaꞌonaa baribare aaxxe xaqqeenaꞌonon deebiyeete. 28Ebiyoommon ceechoyich, huutee zayitoyich, cinnechi ixaanoyichoo tunemmi qimaamoonaa zayitoonon deebiyeete. 29Doono Yeeri Muusina bi gettiti shuunoyich tunemmi mooyo amoonolla imoyich boonoshi mullo tiyiti Israꞌeeleenaꞌo bulli, anaaminaꞌonaa maacheenaꞌona, mullee daaggoona Doono Yeerich wojjoon deebiyeete.
Muusi Betsaleelinaa Oholiyaabinon Yeeri Kaacon Asheenaꞌoyich Geto
(Keyo 31:1-11)
30Aroochee Muusi Israꞌeeleenaꞌoyich ishichiye: “Ebiyoche, Doono Yeeri Yihudi yoodoochee tuneti Huuri bushoochi bushoo, Uriyi bushoo Betsaleelin kaaccitone. 31Doono Yeeri bi Ayaanoona bi ceennemmoyich tuniitone; kishee shuunoo tuneti mooyo amoyichona hakkoon, ariyoonaa mulloonon biich immitone. 32Ebiyoo, ebi kishee shuunoon bi qoppemmoyich, aachoona, birewoonaa gooshoona shuuneebeeti qiiceenaꞌon bi shuunemmoyich, 33qebbooch geddeyemmi aaxxe xaqqeenaꞌon bi qiicemmonaa mixon bi qiicemmonoyich, kishee shuunoo bullinoo bi shuunemmoyichiye. 34Bareenaꞌon boonoshi dojjemmi hakkoon biinnaa Daani yoodoochee tuneti Ahisamaaki bushoo Oholiyaabinoyich immitone. 35Kishee shuunee ariyechinaꞌo, shuunee qoppechinaꞌo, shimaayito, dameroonaa ceelloona tuneti woshiqoona, wotta muttee tuppoochee ciciitaa yokkeeti woshiqoona shashiyechinaꞌonaa shippechinaꞌona tuneree boonoshi shuunemmoyich, hakkoon boonoshich immitone. Boonoshiyoo shuunoo aabinona shuunechinaꞌonaa qoppechinaꞌonane.
Currently Selected:
Keyo 35: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Keyo 35
35
Shambetee Doyeenaꞌo
1Muusi Israꞌeelee iitoo bullin kiciꞌi ishichiye: “Ittoshi tuniyemmoyich Doono Yeeri gettiti mooyinaꞌo eboshine: 2Shiritte qemon shuunoon shuunemmo ittoshine; tunebaani shabaattinnee qemo, kashe ittoshi heechemmi, Doono Yeeri taach yaafeeti shambetoone; arooba shuunoon shuunemmo koniyoona qitibe.#Key. 20:8-11; 23:12; 31:15; 34:21; Lew. 23:3; Yibba. 5:12-14 3Shambetee aabooba ittoshi beeyi kexoochaa qaaqqoon shookkaahote” iye.
Yaafee Duukkaanoon Shuunoyich Tunemmi Wojjoo
(Keyo 25:1-9)
4Muusi Israꞌeelee iitoo bullich ishichiye: “Doono Yeeri gettito ebine: 5Ittoshich beeto bulliichee Doono Yeerich wojjoon imbote. Bi mullo tiyaa imoyich daaggito koniyoona, aachoon woyee birewoon woyee gooshoon wojjoo tuniiree Doono Yeerich deebe. 6Shimaayito, dameroonaa ceelloona tuneti woshiqoona, wotta muttee tuppoochee ciciitaa yokkeeti woshiqoona shippeti qoreddoon; emmishee eexoochee shippeti qoreddoon; 7qucaa shuuneeti, bagee baaddoochi gooqqoon; gaawichaa qucheti bare gijjee gooqqoon; geellee mixon; 8ceechoyich tunemmi zayitoon; huutee zayitoonaa cinnechi ixaanoonoyich tunemmi qimaamoon; 9qeeshee guudoochi efoodoonaa geteexi kiisoonochi toommooch geddeyemmi shohaamee aaxxe xaqqoonaa bare aaxxe xaqqeenaꞌonon wojjoo tuniiree deebe.
10“Ittoshi daggoochee shuunee ariyechi asho bulli waaree, Doono Yeeri gettito bullin shuunebe. 11Duukkaanoon, bi qeroon, bi qamaaxireenaꞌon, bi tureenaꞌon, bi yareenaꞌon, bi giimbeenaꞌonaa bi baateenaꞌonon; 12wogee taabootoon, bi yareenaꞌon, axaaxoon maariyee guufoonaa biin qeroyich tunemmi maccillaatoonon; 13madelloon, bi yareenaꞌon, bi qiico bullinaa Yeeri aafooch beeyemmi, yaafeeti yaaree koshonon; 14aaxxeebeeti ceechoyich tunemmi maqirajjoon, bi qiiceenaꞌon, bi ceecheenaꞌonaa ceechoyich tunemmi zayitoonon; 15ixaanee deejjee gudoon, bi yareenaꞌon, bi huutee zayitoonaa cinnechi bi ixaanoonon; yaafee duukkaanee kelloyich tunemmi maccillaatoon; 16micciibeeti deejjoyich tunemmi deejjee gudoon, tulloo kechemmoyich tunemmi, gooshoochee shuuneeti, dabboommi bi mooyon, bi yareenaꞌonaa bi qiico bullinon; machee aaco koteebeeti gafetoonaa bi kotoonon; 17addibaabee maccillaateenaꞌon, boonoshi giimbeenaꞌonaa boonoshi neexemmi baateenaꞌonon; addibaabee kelloyich tunemmi maccillaatoon; 18yaafee duukkaanoonaa addibaaboonoyich tunemmi xogeenaꞌonaa wodereenaꞌonon; 19Yaafe Xaaꞌoochaa maddoyich taheyemmi, malletiitaa shuuneeti taheenaꞌon, eboshiyoo Harooninaa bi anaami bushiisheenaꞌona qeesheenaꞌo tuneree, tahemmi yaafeeti taheenaꞌon shuunebeete” iye.
Asheenaꞌo Doono Yeerich Wojjoon Giddiyoo
20Aroochee Israꞌeelee iitoo bulli Muusi aafoochee kechii hammiye. 21Bi mullo tiyito bulli danee duukkaanee shuunoyich, maddoo bullich tunemmi qiiceenaꞌonaa yaafeeti taheenaꞌonoyich tunemmi wojjoon Doono Yeerich deebiye. 22Boonoshi mullo shunnitinaꞌo bulli, anaaminaꞌoo maacheenaꞌoo tahooch geddeebeeti aachoon, boonoshi waameexi aachoon, boonoshi kisheexi axxaamittoon, boonoshi qetteexi aachoonaa baribare aachoo bullinon deebiyeete. Boonoshi bulliyoo aachoon yaafeeti wojjoo tuniiꞌi Doono Yeerich giddiiheete. 23Shimaayite woshiqoon, damere woshiqoon, ceelle woshiqoon, muttee tuppoochee ciciitaa yokkeeti qoreddoon, emmishee eexoochee shippeti qoreddoon, qucaa shuuneeti, bagee baaddoochi gooqqoon, gaawichaa qucheti, bare gijjee gooqqoon, asho biich beeti beeton deebiye. 24Birewee wojjoon woyee gooshee wojjoon imoyich hakkito bulli Doono Yeerich deebiye; shuunoyich tunemmi geellee mixo biich beeti asho bulliyoo deebiye. 25Shuunee ariyechi maacheenaꞌo bulli boonoshi yokketi, shimaayito, dameroonaa ceelloona tuneti woshiqoon, wotta muttee tuppoochee ciciiꞌi boonoshi yokketi woshiqoon deebiyeete. 26Boonoshi mullo tiyiti, shuunee ariyechi genneenaꞌo bulli emmishee eexoochee woshiqoon yookkeheete. 27Ukkireenaꞌo efoodoonaa geteexi kiisoonochi toommooch geddeyemmi, shohaamee aaxxe xaqqeenaꞌonaa baribare aaxxe xaqqeenaꞌonon deebiyeete. 28Ebiyoommon ceechoyich, huutee zayitoyich, cinnechi ixaanoyichoo tunemmi qimaamoonaa zayitoonon deebiyeete. 29Doono Yeeri Muusina bi gettiti shuunoyich tunemmi mooyo amoonolla imoyich boonoshi mullo tiyiti Israꞌeeleenaꞌo bulli, anaaminaꞌonaa maacheenaꞌona, mullee daaggoona Doono Yeerich wojjoon deebiyeete.
Muusi Betsaleelinaa Oholiyaabinon Yeeri Kaacon Asheenaꞌoyich Geto
(Keyo 31:1-11)
30Aroochee Muusi Israꞌeeleenaꞌoyich ishichiye: “Ebiyoche, Doono Yeeri Yihudi yoodoochee tuneti Huuri bushoochi bushoo, Uriyi bushoo Betsaleelin kaaccitone. 31Doono Yeeri bi Ayaanoona bi ceennemmoyich tuniitone; kishee shuunoo tuneti mooyo amoyichona hakkoon, ariyoonaa mulloonon biich immitone. 32Ebiyoo, ebi kishee shuunoon bi qoppemmoyich, aachoona, birewoonaa gooshoona shuuneebeeti qiiceenaꞌon bi shuunemmoyich, 33qebbooch geddeyemmi aaxxe xaqqeenaꞌon bi qiicemmonaa mixon bi qiicemmonoyich, kishee shuunoo bullinoo bi shuunemmoyichiye. 34Bareenaꞌon boonoshi dojjemmi hakkoon biinnaa Daani yoodoochee tuneti Ahisamaaki bushoo Oholiyaabinoyich immitone. 35Kishee shuunee ariyechinaꞌo, shuunee qoppechinaꞌo, shimaayito, dameroonaa ceelloona tuneti woshiqoona, wotta muttee tuppoochee ciciitaa yokkeeti woshiqoona shashiyechinaꞌonaa shippechinaꞌona tuneree boonoshi shuunemmoyich, hakkoon boonoshich immitone. Boonoshiyoo shuunoo aabinona shuunechinaꞌonaa qoppechinaꞌonane.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.