Keyo 33
33
Siini Guudon Gawukkiree Boonoshi Hammemmoyich Doono Yeeri Geto
1Aroochee Doono Yeeri Muusich ishichiye: “Hiniichee tiyiree hambe. Neennaa Gibitsee ne kichiti asheenaꞌona hini xaaꞌoon gawukkiree, ‘Ne shiijjereenaꞌoyich immemmo taane’ iyaꞌa Abrahamich, Yisaaqinaa Yaaqobinoyich ta wogeti showooch hambote.#Hal. 12:7; 26:3; 28:13 2Maraakoon ne aaf shiichiiree, Kanaaneenaꞌon, Amooreenaꞌon, Hiteenaꞌon, Ferizeenaꞌon, Hiweenaꞌonaa Yebuseenaꞌonon yoohi kichemmo taane. 3Ejjoonaa eeyona xuupphiibeeti showooch hambote. Tunebaani babberoo ittoshi tunetoyich, gommoochaa ittoshin ta aalliyaachemmoyich, ittoshina tookki hamaachemmo taane” iye.
4Asheenaꞌo ebi ayinikkiti mooyon waayeꞌi, ayinii tuummiyeete; aroobiyee tiijjiꞌi koniyoona shashoon gedaanoone.
5Ebiyoo Doono Yeeri Muusich “Israꞌeeleenaꞌon, ‘Ittoshi babberoo ittoshi tunetoyich, qillifee yexx bedoonona ittoshina tookkii ta hammeto gaata, ittoshin aalliyesho taane. Andoo ittoshi geddiibeeti shashoon kichibote. Ittoshi toommooch amoon ta tuniyemmo gaata maaccemmo taane’ gete” bi itoyichiye. 6Ebich asheenaꞌo boonoshi geddiibeeti shashoon Kooreebi guudoochaa kichiyeete; aroyee gubb gedaaneenaꞌone.
Danee Duukkaanoo
7Muusi, duukkaanoon kaamboyee maach wokkiꞌi beeti xaaꞌooch xogii beehe. Aroonoo “Danee duukkaanoo”#33:7 Hini xaaꞌoochaa getteeti danee duukkaanoo Muusi kaamboyee maach daammii xogiti giishi duukkaaneene. iye. Doono Yeerin qaawiibeeti asho bulli, kaamboyee maach beeti danee duukkaanooch hammii beehe. 8Muusi ebi duukkaanooch bi hammiibeeti aabo bullin, asho bulli bi duukkaani duukkaanee kellooch kechii neexeechii, arooch bi giyimmi wottoon ciinnii beehe. 9Muusi duukkaanooch bi giyimmona, giimboochoommon neexeebeeti qubo kindiꞌi duukkaanee kellooch neexee beehe; Doono Yeeriyoo Muusina tookkii yibbaatee beehe. 10Asheenaꞌo duukkaanee kellooch giimboochoommon neexeebeeti quboon boonoshi beeggiyooba, bulliyona boonoshi duukkaani duukkaanee kellooch neexeechii goyinnee beeheete. 11Asho bi shunechona tookkii yibbaatoommon, Doono Yeeri Muusina tookkii baroona daneꞌi yibbaatee beehe. Aroochee Muusi bi hilla wottee kaambooch waa beehe; tunebaani Muusichi gaachoo tuneti gurimaashoo, Nuuni bushoo Yaasi duukkaanoochee barii ariyaanoone.
Bi Asheenaꞌona Tookki Tunemmo Bi Tunoon Doono Yeeri Gibenikkoo
12Muusiyoo Doono Yeerich ishichiye: “ ‘Hini asheenaꞌon yaabibe’ ito neene; tunebaani taanna tookki konin ne daachiyemmo gaata taach arichiyaano neene. Wotta ‘Neen, ne shigoona ariito taane; ta aafoochaa gidoon daneto neene’ ito neene. 13Gidoon daneto ta tunegaata, neen ta ariyemmonaa ne aafoochaa gaawe aafoona ciiche ta beeyemmonoyich, and ne gommon taach ne bekkiyemmoyich neen qollehoye. Wotta hini aagetoo ne aagetoo bi tunoon gabibe” iye.
14Doono Yeeriyoo “Ta neenna tookki hammemmo taane; neenoo kashiyemmo taane” iye.
15Aroochee Muusi wochiꞌi, “Noonna tookki hamaachemmo ne tunegaata, hiniichee noon kichiyaahine. 16Ne, noonna tookkii hamo qayigaata, taannaa ne asheenaꞌona ne aafoochaa gidoon dano amoona arichehe? Taannaa ne asheenaꞌona showee toommo bulliich beeti asheenaꞌo bulliyee barito no tuno bi aricheebeeto, ne, noonna tookkaa ne hamona toone?” iye.
17Doono Yeeriyoo Muusich, “Ta aafoochaa gidoon ne danetoyich, wotta ne shigoona neen ta ariitoyich, ne echeti are mooyon tuniyemmo taane” iye.
18Arooba Muusi, “Ne oogee yiiroon taach ne bekkiyemmoyich neen qollehoye” iye.
19Doono Yeeriyoo ishichiye: “Ta gaawittino bulli ne aafoona bi beshemmoyich tuniyemmo taane; ne aafoochoo ta shigo Doono Yeerin awaajjemmo taane. Ariqqeya ta qaawiti ashoyich ariqqemmo taane; maariya ta qaawiti ashoonoo maaremmo taane. 20Tunebaani koniyoona taan beegiree kashoona beemon hakkaachemmo bi tunetoyich, taan aafoona ciinon hakkaachine” iye.
21Aroochee Doono Yeeri ishichiye: “Xaqqee guudi toommooch ne neexemmi xaaꞌoo ta gaꞌooch beetone. 22Ta oogee yiiroo beshe beetaa, neen xaqqee goggini daggooch geddemmo taane; aroona ta beshemmi wottoon, ta kishoona neen qeremmo taane. 23Aroochee ta kishoon tiijjemmo taane; ta gubboon beeggemmo neene; tunebaani ta aafoon beego hakkeyaanoone” iye.
Currently Selected:
Keyo 33: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Keyo 33
33
Siini Guudon Gawukkiree Boonoshi Hammemmoyich Doono Yeeri Geto
1Aroochee Doono Yeeri Muusich ishichiye: “Hiniichee tiyiree hambe. Neennaa Gibitsee ne kichiti asheenaꞌona hini xaaꞌoon gawukkiree, ‘Ne shiijjereenaꞌoyich immemmo taane’ iyaꞌa Abrahamich, Yisaaqinaa Yaaqobinoyich ta wogeti showooch hambote.#Hal. 12:7; 26:3; 28:13 2Maraakoon ne aaf shiichiiree, Kanaaneenaꞌon, Amooreenaꞌon, Hiteenaꞌon, Ferizeenaꞌon, Hiweenaꞌonaa Yebuseenaꞌonon yoohi kichemmo taane. 3Ejjoonaa eeyona xuupphiibeeti showooch hambote. Tunebaani babberoo ittoshi tunetoyich, gommoochaa ittoshin ta aalliyaachemmoyich, ittoshina tookki hamaachemmo taane” iye.
4Asheenaꞌo ebi ayinikkiti mooyon waayeꞌi, ayinii tuummiyeete; aroobiyee tiijjiꞌi koniyoona shashoon gedaanoone.
5Ebiyoo Doono Yeeri Muusich “Israꞌeeleenaꞌon, ‘Ittoshi babberoo ittoshi tunetoyich, qillifee yexx bedoonona ittoshina tookkii ta hammeto gaata, ittoshin aalliyesho taane. Andoo ittoshi geddiibeeti shashoon kichibote. Ittoshi toommooch amoon ta tuniyemmo gaata maaccemmo taane’ gete” bi itoyichiye. 6Ebich asheenaꞌo boonoshi geddiibeeti shashoon Kooreebi guudoochaa kichiyeete; aroyee gubb gedaaneenaꞌone.
Danee Duukkaanoo
7Muusi, duukkaanoon kaamboyee maach wokkiꞌi beeti xaaꞌooch xogii beehe. Aroonoo “Danee duukkaanoo”#33:7 Hini xaaꞌoochaa getteeti danee duukkaanoo Muusi kaamboyee maach daammii xogiti giishi duukkaaneene. iye. Doono Yeerin qaawiibeeti asho bulli, kaamboyee maach beeti danee duukkaanooch hammii beehe. 8Muusi ebi duukkaanooch bi hammiibeeti aabo bullin, asho bulli bi duukkaani duukkaanee kellooch kechii neexeechii, arooch bi giyimmi wottoon ciinnii beehe. 9Muusi duukkaanooch bi giyimmona, giimboochoommon neexeebeeti qubo kindiꞌi duukkaanee kellooch neexee beehe; Doono Yeeriyoo Muusina tookkii yibbaatee beehe. 10Asheenaꞌo duukkaanee kellooch giimboochoommon neexeebeeti quboon boonoshi beeggiyooba, bulliyona boonoshi duukkaani duukkaanee kellooch neexeechii goyinnee beeheete. 11Asho bi shunechona tookkii yibbaatoommon, Doono Yeeri Muusina tookkii baroona daneꞌi yibbaatee beehe. Aroochee Muusi bi hilla wottee kaambooch waa beehe; tunebaani Muusichi gaachoo tuneti gurimaashoo, Nuuni bushoo Yaasi duukkaanoochee barii ariyaanoone.
Bi Asheenaꞌona Tookki Tunemmo Bi Tunoon Doono Yeeri Gibenikkoo
12Muusiyoo Doono Yeerich ishichiye: “ ‘Hini asheenaꞌon yaabibe’ ito neene; tunebaani taanna tookki konin ne daachiyemmo gaata taach arichiyaano neene. Wotta ‘Neen, ne shigoona ariito taane; ta aafoochaa gidoon daneto neene’ ito neene. 13Gidoon daneto ta tunegaata, neen ta ariyemmonaa ne aafoochaa gaawe aafoona ciiche ta beeyemmonoyich, and ne gommon taach ne bekkiyemmoyich neen qollehoye. Wotta hini aagetoo ne aagetoo bi tunoon gabibe” iye.
14Doono Yeeriyoo “Ta neenna tookki hammemmo taane; neenoo kashiyemmo taane” iye.
15Aroochee Muusi wochiꞌi, “Noonna tookki hamaachemmo ne tunegaata, hiniichee noon kichiyaahine. 16Ne, noonna tookkii hamo qayigaata, taannaa ne asheenaꞌona ne aafoochaa gidoon dano amoona arichehe? Taannaa ne asheenaꞌona showee toommo bulliich beeti asheenaꞌo bulliyee barito no tuno bi aricheebeeto, ne, noonna tookkaa ne hamona toone?” iye.
17Doono Yeeriyoo Muusich, “Ta aafoochaa gidoon ne danetoyich, wotta ne shigoona neen ta ariitoyich, ne echeti are mooyon tuniyemmo taane” iye.
18Arooba Muusi, “Ne oogee yiiroon taach ne bekkiyemmoyich neen qollehoye” iye.
19Doono Yeeriyoo ishichiye: “Ta gaawittino bulli ne aafoona bi beshemmoyich tuniyemmo taane; ne aafoochoo ta shigo Doono Yeerin awaajjemmo taane. Ariqqeya ta qaawiti ashoyich ariqqemmo taane; maariya ta qaawiti ashoonoo maaremmo taane. 20Tunebaani koniyoona taan beegiree kashoona beemon hakkaachemmo bi tunetoyich, taan aafoona ciinon hakkaachine” iye.
21Aroochee Doono Yeeri ishichiye: “Xaqqee guudi toommooch ne neexemmi xaaꞌoo ta gaꞌooch beetone. 22Ta oogee yiiroo beshe beetaa, neen xaqqee goggini daggooch geddemmo taane; aroona ta beshemmi wottoon, ta kishoona neen qeremmo taane. 23Aroochee ta kishoon tiijjemmo taane; ta gubboon beeggemmo neene; tunebaani ta aafoon beego hakkeyaanoone” iye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.