Keyo 32
32
Harooni Maanji Misiloon Aachoochee Shuuno
(Yibbaatoo 9:6-29)
1Muusi wotteyaanoon, guudi toommooch bi yagoon boonoshi beeggiyooba, asheenaꞌo Haroon waan giddeꞌi ishichiyeete: “Tiyiree, no aafooch shiichi noon yaabemmi nuggisheenaꞌon nooch shuunebe. Gibitsee noon kichiti, are uro Muusi aabichii bi ito gaata ariyaano noone” iyeete.
2Harooniyoo boonoshich, “Ittoshi mecheenaꞌo, anaami bushiisheenaꞌonaa maache bushiisheenaꞌonochi waameexi aachoon kichiree taach deebote” iye. 3Ebich asho bulli bi waameexi aachoon kichiꞌi, Haroonich deebii immiye. 4Biyoo boonoshi immiton kicii daammii ukkiꞌi, shahalloon maamochi shaahoona shuunehe. Aroochee asheenaꞌo “Israꞌeelee ashoocho, Gibitsee neen kichiti nuggishoo hinine” iyeete.
5Harooni ebin beeggiꞌi, aachoochee shuuneeti maamochi aafooch deejjee gudoon shuunehe. Biyoo “Yaach Doono Yeerich baaroo tunemmone” ii awaajjiye. 6Asheenaꞌo dechara maaddoona tiyiꞌi, micciibeeti deejjoon deejjiyeete; ikkittinee deejjoonoo deejjiyeete; aroyee gubb, mamonaa uyonoyich koteheete; tekki kaayibee duubba tiyiyeete.
Doono Yeeri Kaaro
7Arooba Doono Yeeri Muusich ishichiye: “Gibitsee ne kichiti ne asheenaꞌo duubetinaꞌone; ebich boonoshi waan kaateree hambe. 8Boonoshich ta getteti getoochee kaatee shokiyeete; aachoon ukkiꞌi, shahalloon maamochi shaahoona boonoshi qellich shuuneheete; aroyichoo goyinnee, deejjoonoo biich deejjiꞌi, ‘Israꞌeelee ashoocho, Gibitsee neen kichiti nuggishoo hinine’ iyeete” iye.
9Doono Yeeriyoo daakkiꞌi Muusich ishichiye: “Ebi asheenaꞌon beeggeto taane; boonoshiyoo babbereenaꞌone. 10Eke ne qayaa, kupphe ta kaaroon boonoshi toommooch kindii aaxxiiree, boonoshin aalliibona. Aroochee neennaa ne shiijjereenaꞌonon oogeti aagetoon tuniyemmo taane” iye.
Muusi Corootiti Corooto
11Tunebaani Muusi bi Nuggishoo Doono Yeerichi ariqqoon qolleebee ishichiye: “Doono Yeero, ooge ne hakkoonaa giidechi ne mochoona Gibitsee ne kichiti, ne asheenaꞌo toommooch ebi shaahoon oogichaa amoyich kaarenne? 12Gibitseenaꞌo ‘Guudinaꞌo toommoochaa boonoshin wuxiya, showee toommoocheenoo boonoshin ciroona aalliiya gabiiniye, boonoshin bi kichito’ getiree, amoyich geteeta? Kupphe ne kaaroochee wottebe. Ne asheenaꞌo toommooch kindiiya ne gabiti mooyon qaye. 13Ne guuninaꞌo Abrahamin, Yisaaqinaa Israꞌeelinon shalligibe. Boonoshich, ‘Ittoshi shiijjereenaꞌon shimaayeexi xojjenoochoommon meechemmo taane; imma ta gibenikkiti hini showoo bullin ittoshi shiijjereenaꞌoyich immemmo taane; bulli yemeenoon boonoshi hajjoo tunemmone’ iyaꞌa neenna ne wogeti wogoon shalligibe” iye. 14Doono Yeeriyoo bi gaboon shaddiꞌi, bi asheenaꞌo toommooch deeba bi gabiti mooyon deebaanoon qajjiye.
Muusi Yalle Xaqqeenaꞌon Tiisho
15Muusiyoo gutte yalle miixee xaqqeenaꞌon bi kishooch yechiꞌi, guudi toommoochee kindiye; ebi yalle xaqqeenaꞌo aafinaa gubbinon kooreetinaꞌone. 16Boonoshiyoo Yeeri shuunetinaꞌone; ebi yalle xaqqeenaꞌo toommooch qiicii koorito, Yeerine. 17Yaasi asheenaꞌo cookee qaaroon waayeꞌi Muusich, “Kaamboochee waayeebeeto, ginee koyee qaaroone” iye.
18Muusiyoo
“Ebi, kochii wochiꞌi wudoo danee qaaro toonoone;
kocheꞌi gubb wottee qaaroo toonoone;
shoddee qaarooniye ta waayaabeeto” iye.
19Muusi kaambooch katinnii, ebi maamonaa capphii duubbiibeeti asheenaꞌonon beeggiꞌi, oogeton ippee shinehe; bi kishooch beeti yalle xaqqeenaꞌon, guudi baatoochaa ceqqeꞌi kewucciye. 20Boonoshi shuuneti maamon daammii qaaqqooch michiye; aroochee buddino bi tunemmi wottoon, yiikkehe; aroonoo aachi daggooch shacciye; Israꞌeeleenaꞌo uchemmoyichoo tuniihe.
Muusi Haroonin Kaaro
21Aroochee Muusi Haroonin “Ebi shaahe magge axaaxoon boonoshi shuunemmoyich ne tuniito, ebi asheenaꞌo neen aabicheenane?” iye.
22Harooniyoo wochiꞌi ishichiye: “Ta doonocho, ippeyaahine. Hini asheenaꞌo bulli aaboon gondo waan gaꞌeebeeti asheenaꞌo boonoshi tunoon ariibeeto neene. 23Boonoshiyoo, ‘No aafooch shiichi noon yaabemmi nuggisheenaꞌon nooch shuunebe. Gibitsee noon kichiti, are uro Muusi, aabichii bi ito gaata ariyaano noone’ iyeete. 24Ebich, ‘Aachee qiico bi waan beeto koniyoona kichibe’ iyoye. Aroochee aachoon taach immiyeete; tawoo qaaqqooch geddoye; ebina hini maanji misilo tunehe” iye.
Leweenaꞌo Meeti Asheenaꞌon Wuxoo
25Asheenaꞌo gawukkeenaꞌo boonoshi tunoon, Harooniyoo boonoshin boonoshi gaba gawukkito bi tunoonaa boonoshi etteenaꞌona cooqqireetinaꞌo boonoshi tunoonon Muusi beeggiye. 26Biyoo kaambooch giyeebeeti kellooch neexeechii, “Doono Yeericho tunetinaꞌote, ta waan wobote” ii cookiye. Leweenaꞌo bulli bi waan kiceeheete.
27Aroochee boonoshich, “Israꞌeelee Nuggishoo Doono Yeeri ishichitone: ‘Asho bi ikkikkoona bi goraadoon cuyebe. Kaambooch giyi, ikke kelloochee bare kellooch besheree, bi ikkikkoona bi manoon, bi addaaroonaa bi giyoonon wuxibe’ itone” iye. 28Leweenaꞌoo Muusi gettiton ceechiyeete; arooba asheenaꞌo daggoochee keejje hum bede asheenaꞌon wuxiyeete. 29Aroochee Muusi ishichiye: “Ittoshi anaami bushiisheenaꞌonaa ittoshi maneenaꞌonon wuxoona, Doono Yeerich maddoyich hanaach yaafeeto ittoshine; biyoo hanaach ittoshin diiritone” iye.
Muusi Wochinnoon Corootoo
30 Dechara Muusi asheenaꞌoyich ishichiye: “Oogeti gonde axaaxoon shuuneto ittoshine. Tunebaani and Doono Yeer waan kechemmo taane; diqqich ittoshi axaaxoyich maaroon daniyemmo taane” iye.
31Ebich Muusi Doono Yeer waan wottee hammiꞌi ishichiye: “Ebi asheenaꞌo magge axaaxoon shuunetinaꞌone. Aachoochee nuggishoon boonoshich shuunetinaꞌone. 32Boonoshi axaaxoon ne maaremmoyich neen qollehoye. Ebi tuno qayigaata, ne kobereti macaafoochee ta shigoon hidibe” iye.
33Doono Yeeriyoo Muusich ishichiꞌi wochiye: “Taan xuqqitinaꞌoniye ta macaafoochee ta hidemmo. 34And hamiree, neech ta getteti xaaꞌooch asheenaꞌon yaabibe. Ta maraakoo ne aafooch hammemmone. Tunetaa ta naxemmi aabo shagiyooba, boonoshi axaaxoyich hini asheenaꞌon naxemmo taane” iye.
35Ebich Doono Yeeri asheenaꞌon naxoona yexxiye. Ebiyoo Harooni maamon bi shuunemmoyich boonoshi tuniitoyichiye.
Currently Selected:
Keyo 32: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Keyo 32
32
Harooni Maanji Misiloon Aachoochee Shuuno
(Yibbaatoo 9:6-29)
1Muusi wotteyaanoon, guudi toommooch bi yagoon boonoshi beeggiyooba, asheenaꞌo Haroon waan giddeꞌi ishichiyeete: “Tiyiree, no aafooch shiichi noon yaabemmi nuggisheenaꞌon nooch shuunebe. Gibitsee noon kichiti, are uro Muusi aabichii bi ito gaata ariyaano noone” iyeete.
2Harooniyoo boonoshich, “Ittoshi mecheenaꞌo, anaami bushiisheenaꞌonaa maache bushiisheenaꞌonochi waameexi aachoon kichiree taach deebote” iye. 3Ebich asho bulli bi waameexi aachoon kichiꞌi, Haroonich deebii immiye. 4Biyoo boonoshi immiton kicii daammii ukkiꞌi, shahalloon maamochi shaahoona shuunehe. Aroochee asheenaꞌo “Israꞌeelee ashoocho, Gibitsee neen kichiti nuggishoo hinine” iyeete.
5Harooni ebin beeggiꞌi, aachoochee shuuneeti maamochi aafooch deejjee gudoon shuunehe. Biyoo “Yaach Doono Yeerich baaroo tunemmone” ii awaajjiye. 6Asheenaꞌo dechara maaddoona tiyiꞌi, micciibeeti deejjoon deejjiyeete; ikkittinee deejjoonoo deejjiyeete; aroyee gubb, mamonaa uyonoyich koteheete; tekki kaayibee duubba tiyiyeete.
Doono Yeeri Kaaro
7Arooba Doono Yeeri Muusich ishichiye: “Gibitsee ne kichiti ne asheenaꞌo duubetinaꞌone; ebich boonoshi waan kaateree hambe. 8Boonoshich ta getteti getoochee kaatee shokiyeete; aachoon ukkiꞌi, shahalloon maamochi shaahoona boonoshi qellich shuuneheete; aroyichoo goyinnee, deejjoonoo biich deejjiꞌi, ‘Israꞌeelee ashoocho, Gibitsee neen kichiti nuggishoo hinine’ iyeete” iye.
9Doono Yeeriyoo daakkiꞌi Muusich ishichiye: “Ebi asheenaꞌon beeggeto taane; boonoshiyoo babbereenaꞌone. 10Eke ne qayaa, kupphe ta kaaroon boonoshi toommooch kindii aaxxiiree, boonoshin aalliibona. Aroochee neennaa ne shiijjereenaꞌonon oogeti aagetoon tuniyemmo taane” iye.
Muusi Corootiti Corooto
11Tunebaani Muusi bi Nuggishoo Doono Yeerichi ariqqoon qolleebee ishichiye: “Doono Yeero, ooge ne hakkoonaa giidechi ne mochoona Gibitsee ne kichiti, ne asheenaꞌo toommooch ebi shaahoon oogichaa amoyich kaarenne? 12Gibitseenaꞌo ‘Guudinaꞌo toommoochaa boonoshin wuxiya, showee toommoocheenoo boonoshin ciroona aalliiya gabiiniye, boonoshin bi kichito’ getiree, amoyich geteeta? Kupphe ne kaaroochee wottebe. Ne asheenaꞌo toommooch kindiiya ne gabiti mooyon qaye. 13Ne guuninaꞌo Abrahamin, Yisaaqinaa Israꞌeelinon shalligibe. Boonoshich, ‘Ittoshi shiijjereenaꞌon shimaayeexi xojjenoochoommon meechemmo taane; imma ta gibenikkiti hini showoo bullin ittoshi shiijjereenaꞌoyich immemmo taane; bulli yemeenoon boonoshi hajjoo tunemmone’ iyaꞌa neenna ne wogeti wogoon shalligibe” iye. 14Doono Yeeriyoo bi gaboon shaddiꞌi, bi asheenaꞌo toommooch deeba bi gabiti mooyon deebaanoon qajjiye.
Muusi Yalle Xaqqeenaꞌon Tiisho
15Muusiyoo gutte yalle miixee xaqqeenaꞌon bi kishooch yechiꞌi, guudi toommoochee kindiye; ebi yalle xaqqeenaꞌo aafinaa gubbinon kooreetinaꞌone. 16Boonoshiyoo Yeeri shuunetinaꞌone; ebi yalle xaqqeenaꞌo toommooch qiicii koorito, Yeerine. 17Yaasi asheenaꞌo cookee qaaroon waayeꞌi Muusich, “Kaamboochee waayeebeeto, ginee koyee qaaroone” iye.
18Muusiyoo
“Ebi, kochii wochiꞌi wudoo danee qaaro toonoone;
kocheꞌi gubb wottee qaaroo toonoone;
shoddee qaarooniye ta waayaabeeto” iye.
19Muusi kaambooch katinnii, ebi maamonaa capphii duubbiibeeti asheenaꞌonon beeggiꞌi, oogeton ippee shinehe; bi kishooch beeti yalle xaqqeenaꞌon, guudi baatoochaa ceqqeꞌi kewucciye. 20Boonoshi shuuneti maamon daammii qaaqqooch michiye; aroochee buddino bi tunemmi wottoon, yiikkehe; aroonoo aachi daggooch shacciye; Israꞌeeleenaꞌo uchemmoyichoo tuniihe.
Muusi Haroonin Kaaro
21Aroochee Muusi Haroonin “Ebi shaahe magge axaaxoon boonoshi shuunemmoyich ne tuniito, ebi asheenaꞌo neen aabicheenane?” iye.
22Harooniyoo wochiꞌi ishichiye: “Ta doonocho, ippeyaahine. Hini asheenaꞌo bulli aaboon gondo waan gaꞌeebeeti asheenaꞌo boonoshi tunoon ariibeeto neene. 23Boonoshiyoo, ‘No aafooch shiichi noon yaabemmi nuggisheenaꞌon nooch shuunebe. Gibitsee noon kichiti, are uro Muusi, aabichii bi ito gaata ariyaano noone’ iyeete. 24Ebich, ‘Aachee qiico bi waan beeto koniyoona kichibe’ iyoye. Aroochee aachoon taach immiyeete; tawoo qaaqqooch geddoye; ebina hini maanji misilo tunehe” iye.
Leweenaꞌo Meeti Asheenaꞌon Wuxoo
25Asheenaꞌo gawukkeenaꞌo boonoshi tunoon, Harooniyoo boonoshin boonoshi gaba gawukkito bi tunoonaa boonoshi etteenaꞌona cooqqireetinaꞌo boonoshi tunoonon Muusi beeggiye. 26Biyoo kaambooch giyeebeeti kellooch neexeechii, “Doono Yeericho tunetinaꞌote, ta waan wobote” ii cookiye. Leweenaꞌo bulli bi waan kiceeheete.
27Aroochee boonoshich, “Israꞌeelee Nuggishoo Doono Yeeri ishichitone: ‘Asho bi ikkikkoona bi goraadoon cuyebe. Kaambooch giyi, ikke kelloochee bare kellooch besheree, bi ikkikkoona bi manoon, bi addaaroonaa bi giyoonon wuxibe’ itone” iye. 28Leweenaꞌoo Muusi gettiton ceechiyeete; arooba asheenaꞌo daggoochee keejje hum bede asheenaꞌon wuxiyeete. 29Aroochee Muusi ishichiye: “Ittoshi anaami bushiisheenaꞌonaa ittoshi maneenaꞌonon wuxoona, Doono Yeerich maddoyich hanaach yaafeeto ittoshine; biyoo hanaach ittoshin diiritone” iye.
Muusi Wochinnoon Corootoo
30 Dechara Muusi asheenaꞌoyich ishichiye: “Oogeti gonde axaaxoon shuuneto ittoshine. Tunebaani and Doono Yeer waan kechemmo taane; diqqich ittoshi axaaxoyich maaroon daniyemmo taane” iye.
31Ebich Muusi Doono Yeer waan wottee hammiꞌi ishichiye: “Ebi asheenaꞌo magge axaaxoon shuunetinaꞌone. Aachoochee nuggishoon boonoshich shuunetinaꞌone. 32Boonoshi axaaxoon ne maaremmoyich neen qollehoye. Ebi tuno qayigaata, ne kobereti macaafoochee ta shigoon hidibe” iye.
33Doono Yeeriyoo Muusich ishichiꞌi wochiye: “Taan xuqqitinaꞌoniye ta macaafoochee ta hidemmo. 34And hamiree, neech ta getteti xaaꞌooch asheenaꞌon yaabibe. Ta maraakoo ne aafooch hammemmone. Tunetaa ta naxemmi aabo shagiyooba, boonoshi axaaxoyich hini asheenaꞌon naxemmo taane” iye.
35Ebich Doono Yeeri asheenaꞌon naxoona yexxiye. Ebiyoo Harooni maamon bi shuunemmoyich boonoshi tuniitoyichiye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.