Yibbaatoo Gimo
Gimo
Yibbaatee Macaafo guttinnoon getteeti sheeroone. Aabbe nato beshetoyee gubb, Israꞌeeleenaꞌo gibenee showoo Kanaan giya katinniyeete. Tunebaani boonoshi gimoyee shiichiꞌi, boonoshich Muusi shalligichoyich qaawiti mooyo beehe. Ebiyoo besheti boonoshi mooyon, Doono Yeeri boonoshich tuniiti mooyo bullinaa Yeerina kaacheti asheenaꞌo boonoshi tunetoyich, boonoshi quyemmi sheeroononiye.
Shiichiꞌi beeti Muusi yibbaatoo asheenaꞌoyich bi shalligichiibeeto, boonoshi shaꞌeti gommo bulliichaa Yeeri boonoshich bi gaawoonaa Kanaanee showoon boonoshich bi imononiye. Muusichi guttinnee yibbaatoo Yeerichi geteenaꞌo bullin, ebiyoo aashire geteenaꞌonaa bare geteenaꞌo bullinon, qaminona kotiitone. Muusiyoo asheenaꞌoyich Yeeri boonoshin diiraa kuxeyaani emiroona boonoshi beeyemmoyich, boonoshi Nuggishoo Doono Yeerin ceeni boonoshi mulloona, ceeni boonoshi kashoonaa ceeni boonoshi giidoona boonoshi shunnemmoyich gettiye. Muusi wotta daakkiꞌi, asheenaꞌoyich, boonoshi bushiisheenaꞌo Doono Yeerin shunnemmonaa biich deꞌa gettemmonoyich, boonoshi dojjoo qaawiibeeti mooyo bi tunoon manjiiꞌi gettiye. Ebiyoo Yeerina tookkii boonoshich beeti ikkittino kuxeyaanoon bi beeyemmoyichiye.
Yibbaatee Macaafee ciiroochaa beeto, Yeeri boonoshina tookkii giyiti wogo asheenaꞌoyich getteyoo (haaree 29), Yaasi yaabii qeejjecho tuneꞌi bi kaacceyoonaa (haaree 30), Muusi qitoonane (haaree 34). Muusi qitoon gettiibeeti haaroyee besh, Yibbaatee Macaafo bullin koorito Muusine.
Inde Moochi Sheqqo
Muusichi ikkinnee yibbaatoo: Israꞌeeleenaꞌochi ebiyee aafi mooyo (1:1–4:43)
Muusichi guttinnee yibbaatoo: Sheeroo wochinnoon getteyoo (4:44–11:32)
Qemi qemona tuneebeeti mooyoyich tunemmi sheeroo (12:1–26:19)
Yeerich deꞌa getonaa getti qayona deebiibeeti mooyo (27:1–28:68)
Wogo wochinnoon andiro (29:1–30:20)
Muusi Israꞌeeleenaꞌon diiroonaa bi qitoona (31:1–34:12)
Currently Selected:
Yibbaatoo Gimo: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.