2 Saameeli 8
8
Daawiti Bi Guudoona Beeti Asheenaꞌon Kochii Wochoo
(1 Kiinoo 18:1-17)
1Ebiyee gubb, Daawiti wochinnoon Filsixeemeenaꞌona koyeꞌi, boonoshin kochii wochiye. Meteeg Amahi katemoon boonoshi kishoochee deqqiye.
2Ebiyoommon wotta Moꞌabeenaꞌon kochii wochiye. Boonoshinoo showooch qeejjiichii, woderoona qellayiye. Ebi qellayeetinaꞌoochee gutte beeroon wuxiichii, ikke beeroon wuxaanoon echiihe. Ebina Moꞌabee asheenaꞌo Daawitich hajjeeꞌi biich gibiroon qocciyeete.
3Daawiti Efiraaxisi aachi gaꞌooch beeti showoon wochi yecha hammii beehe. Hammiibee gommoochaa, Sooriyeenaꞌo beeti, Tsobaahee taatoo tuneti, Rehoobi bushoo Hadadezeerin kochii wochiye. 4Daawitiyoo hareshechi ikke humaa shabaatte balle ginee naayinaꞌonaa baatechi hiye hume ginee naayinaꞌonon kecciye. Balle gaarin geechemmi haresheenaꞌon baach echiichii echetinaꞌo bullichi tingoon qeccee kuxxiye.
5Damaasiqa beeti Sooriyeenaꞌo Tsobaahee taatoo Hadadezeerin gaacheya waataa, Daawiti boonoshi daggoochee hiyaa gutte hume asheenaꞌon wuxiye. 6Aroochee Sooriyee showooch beeti Damaasiqa bi ginee kaamboon kotiihe. Ebina Sooriyeenaꞌo Daawitich hajjeeꞌi biich gibiroon qocciyeete. Doono Yeeriyoo Daawiti bi hammito aabiichaanona, wudoon bi danemmoyich tuniihe.
7Daawiti Hadadezeerichi naayinaꞌo yechiibeeti, aachoochee shuuneeti gaacheenaꞌon deqqiꞌi Yerusaalem daammiye. 8Wotta oogeti wodde gooshoon Hadadezeerichi katemeenaꞌo tuneti Bexaahinaa Berotayinoochee daammiye.
9Hamaatee taatoo Tooꞌi, Daawiti Hadadezeerichi ginee naayinaꞌo bullin kochii bi wochoon waayehe. 10Hadadezeeri Tooꞌina tookkii wodde kaalloon koyeebee echetone. Biyoo taatoo Daawitin bi diggiyemmonaa Hadadezeerin kochii bi wochitoyich biin bi galletemmonoyich, bi bushoo Yoraamin daachiihe. Yoraamiyoo aachoochee, birewoonaa gooshoonoochee shuuneeti qiiceenaꞌon Daawitich deebiye.
11Taatoo Daawiti ebi qiiceenaꞌon, shiichiꞌi kochii bi wochiti asheenaꞌo showoochee bi daneti aachoonaa birewoona tookkii Doono Yeerich kichiye. 12Ebi biich hajjeeti asheenaꞌo, Edoomeenaꞌo, Moꞌabeenaꞌo, Amooneenaꞌo, Filsixeemeenaꞌonaa Amaleeqeenaꞌonane. Ebiyoommon wotta Tsobaahee taatoo Hadadezeer waanee bi deqqiti kecoon Doono Yeerich kichiye.
13Daawitiyoo aaraa shimitte hume Edoomee asheenaꞌon Kiikki bamboochaa wuxiꞌi bi wottetoyee gubb, bi shigo beshoon arichehe.
14Edoomee showoo bulliich bi ginee kaamboon kotiihe. Edoomeenaꞌo bulliyoo biich hajjeeheete. Doono Yeeriyoo Daawiti bi hammito aabiichaanona, wudoon bi danemmoyich tuniihe.
15Daawitiyoo Israꞌeelee showoo bulliich taatehe; bi asheenaꞌo bullinoo tachiꞌi gaawe dayinnetoona qeejjiye. 16Tseruuyi bushoo Yoꞌaabi bi ginee iraashoone. Ahiluudi bushoo Yoshafaaxi wotta kiinee koorechone. 17Ebiyoommon wotta Akixuubi bushoo Sadooqinaa Abiyataari bushoo Ahimeleekina qeesheenaꞌone. Seraayiyoo taatoochi koorechone. 18Yoyaadi bushoo Beenayi taatoochi quyee naayinaꞌo tuneti Kereeteenaꞌonaa Feleeteenaꞌonochi toommooch ukkiroone. Daawitichi anaami bushiisheenaꞌo wotta mikkirechinaꞌone.#8:18 Hibiree Yaafe Macaafo “Qeesheenaꞌone” iye.
Currently Selected:
2 Saameeli 8: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
2 Saameeli 8
8
Daawiti Bi Guudoona Beeti Asheenaꞌon Kochii Wochoo
(1 Kiinoo 18:1-17)
1Ebiyee gubb, Daawiti wochinnoon Filsixeemeenaꞌona koyeꞌi, boonoshin kochii wochiye. Meteeg Amahi katemoon boonoshi kishoochee deqqiye.
2Ebiyoommon wotta Moꞌabeenaꞌon kochii wochiye. Boonoshinoo showooch qeejjiichii, woderoona qellayiye. Ebi qellayeetinaꞌoochee gutte beeroon wuxiichii, ikke beeroon wuxaanoon echiihe. Ebina Moꞌabee asheenaꞌo Daawitich hajjeeꞌi biich gibiroon qocciyeete.
3Daawiti Efiraaxisi aachi gaꞌooch beeti showoon wochi yecha hammii beehe. Hammiibee gommoochaa, Sooriyeenaꞌo beeti, Tsobaahee taatoo tuneti, Rehoobi bushoo Hadadezeerin kochii wochiye. 4Daawitiyoo hareshechi ikke humaa shabaatte balle ginee naayinaꞌonaa baatechi hiye hume ginee naayinaꞌonon kecciye. Balle gaarin geechemmi haresheenaꞌon baach echiichii echetinaꞌo bullichi tingoon qeccee kuxxiye.
5Damaasiqa beeti Sooriyeenaꞌo Tsobaahee taatoo Hadadezeerin gaacheya waataa, Daawiti boonoshi daggoochee hiyaa gutte hume asheenaꞌon wuxiye. 6Aroochee Sooriyee showooch beeti Damaasiqa bi ginee kaamboon kotiihe. Ebina Sooriyeenaꞌo Daawitich hajjeeꞌi biich gibiroon qocciyeete. Doono Yeeriyoo Daawiti bi hammito aabiichaanona, wudoon bi danemmoyich tuniihe.
7Daawiti Hadadezeerichi naayinaꞌo yechiibeeti, aachoochee shuuneeti gaacheenaꞌon deqqiꞌi Yerusaalem daammiye. 8Wotta oogeti wodde gooshoon Hadadezeerichi katemeenaꞌo tuneti Bexaahinaa Berotayinoochee daammiye.
9Hamaatee taatoo Tooꞌi, Daawiti Hadadezeerichi ginee naayinaꞌo bullin kochii bi wochoon waayehe. 10Hadadezeeri Tooꞌina tookkii wodde kaalloon koyeebee echetone. Biyoo taatoo Daawitin bi diggiyemmonaa Hadadezeerin kochii bi wochitoyich biin bi galletemmonoyich, bi bushoo Yoraamin daachiihe. Yoraamiyoo aachoochee, birewoonaa gooshoonoochee shuuneeti qiiceenaꞌon Daawitich deebiye.
11Taatoo Daawiti ebi qiiceenaꞌon, shiichiꞌi kochii bi wochiti asheenaꞌo showoochee bi daneti aachoonaa birewoona tookkii Doono Yeerich kichiye. 12Ebi biich hajjeeti asheenaꞌo, Edoomeenaꞌo, Moꞌabeenaꞌo, Amooneenaꞌo, Filsixeemeenaꞌonaa Amaleeqeenaꞌonane. Ebiyoommon wotta Tsobaahee taatoo Hadadezeer waanee bi deqqiti kecoon Doono Yeerich kichiye.
13Daawitiyoo aaraa shimitte hume Edoomee asheenaꞌon Kiikki bamboochaa wuxiꞌi bi wottetoyee gubb, bi shigo beshoon arichehe.
14Edoomee showoo bulliich bi ginee kaamboon kotiihe. Edoomeenaꞌo bulliyoo biich hajjeeheete. Doono Yeeriyoo Daawiti bi hammito aabiichaanona, wudoon bi danemmoyich tuniihe.
15Daawitiyoo Israꞌeelee showoo bulliich taatehe; bi asheenaꞌo bullinoo tachiꞌi gaawe dayinnetoona qeejjiye. 16Tseruuyi bushoo Yoꞌaabi bi ginee iraashoone. Ahiluudi bushoo Yoshafaaxi wotta kiinee koorechone. 17Ebiyoommon wotta Akixuubi bushoo Sadooqinaa Abiyataari bushoo Ahimeleekina qeesheenaꞌone. Seraayiyoo taatoochi koorechone. 18Yoyaadi bushoo Beenayi taatoochi quyee naayinaꞌo tuneti Kereeteenaꞌonaa Feleeteenaꞌonochi toommooch ukkiroone. Daawitichi anaami bushiisheenaꞌo wotta mikkirechinaꞌone.#8:18 Hibiree Yaafe Macaafo “Qeesheenaꞌone” iye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.