2 Saameeli 7
7
Doono Yeeri Daawitich Gibenikkiti Gibeno
(1 Kiinoo 17:1-15)
1Taatoo Daawiti bi taatee kexooch bi kotetoyee gubb, wotta Doono Yeeri bi guudoona beeti bi etteenaꞌo waanee biin bi kashiitoyee gubb, 2keemechi Naataanich ishichiye: “Ta, yigee mixoochee hakkeeti kexooch beeto taane. Tunebaani Yeerichi taabooto duukkaanoochiye bi beeto” iye.
3Naataaniyoo taatoyich “Doono Yeeri neenna tookkii bi tunetoyich, ne mullooch beeto bullin tuniibe” iye.
4Tunebaani aroobee xum Doono Yeeri Naataanich ishichiye: 5“Ta guuno Daawit waan hamiree, Doono Yeeri ishichiye: ‘Ta beeyemmi kexon taach shuunemmo, ne toono neene. 6Israꞌeeleenaꞌon Gibitsee ta kichiti aaboochee tiijjaꞌa hanaach beddaahaa, duukkaanoon ta beeyi xaaꞌoo tuniyaꞌa, xaaꞌoochee xaaꞌooch guuddaa beehoani, kexooch beetaano taane. 7Israꞌeeleenaꞌo bullina tookkaa ta shaꞌeti xaaꞌoo bulliichaa, ta asheenaꞌo tuneti Israꞌeeleenaꞌon boonoshi quyemmoyich ta getteti ukkireenaꞌo daggoochee, “Yigee mixoochee kexon taach ittoshi hago qajjito, amoyichiye?” iyaꞌa ta echeto beete?’ gete.
8“Andoo ta guuno Daawitich ishichibe: Beshe Mawe Doono Yeeri ishichiye: ‘Neen gaddoochee, bagee quyoochee daammaꞌa, ta asheenaꞌo tuneti Israꞌeeleenaꞌo toommooch ne iraashemmoyich tuniihoye. 9Ne hammeti gommo bulliich neenna tookkaa tunehoye. Ne etteenaꞌo bullin ne aafoochee aalliihoye. Andoo ne shigoon, showee toommooch beeti ogooge iraasheenaꞌochoommon aricheton tuniyemmo taane. 10-11Ta asheenaꞌo tuneti Israꞌeeleenaꞌoyich xaaꞌoon immemmo taane; boonoshinoo arooch manjiyemmo taane. Keqqaalloon boonoshi hajjee xaaꞌooch kotemminaꞌone. Ebiyee aafichoommon, ta asheenaꞌo tuneti Israꞌeeleenaꞌo toommooch woraaferasheenaꞌon ta ukkiriiti yemeenoochoommon gonde asheenaꞌo boonoshin neexi hajjaachemminaꞌone. Ne etteenaꞌo bulli waanee neen kashiyemmo taane. Andoo daakkaꞌa Doono Yeeri ta, taatoo tunemmi shiijjeroon neech immemmo taane. 12Qitaꞌa ne qaabbechinaꞌo duukketooch ne duukkehooba, ne gutenoochee kechiti ne bushoon taatiyemmo taane; bi taatittinoonoo manjiyemmo taane.#Shod. 132:11 13Taach kexon haggemmo, biine. Bi taatittinee qeenonoo bulli yemeenoon manjiyemmo taane. 14Tawoo biich nihoo tunemmo taane; biyoo taach bushoon tunemmone. Gonde mooyon bi shuunehooba, nihoo bi bushoon sheeroommon, gumboona biin sheeremmo taane. 15Tunebaani bi xaaꞌooch ne tunemmoyich, Saaꞌooli toommoochee ta deꞌittinoon ta wokkiitoommon, bi waanee wokkiyaachemmo taane. 16Ne kexonaa ne taatittinoona ta aafooch bulli yemeenoon manjiree beeyemmone. Ne taatee qeenoo bulli yemeenoon manjiree beeyemmone’ itone gete” iye.#Shod. 89:35-37
17Naataani ebi Yeeri biich bekkiiti mooyo bullin Daawitich gettiye.
Daawiti Yeerin Corootoona Galleto
(1 Kiinoo 17:16-27)
18Aroochee taatoo Daawiti danee duukkaanooch giyiye. Doono Yeeri aafooch koteechii ishichiye: “Nuggishoo Doono Yeero, ebiich taan ne bechiti ta, halla koni taane? Ta kechi ashochi, konine? 19Nuggishoo Doono Yeero, ebi ne tuniiti mooyo, ne aafoochaa giisheche mooyon tuneꞌi bekkehe; gubb woyemmi ta shiijjereenaꞌochon gibenikkihine. Nuggishoo Doono Yeero, halla ashich ebiyoommi mooyon tuniyaabeeto neene? 20Nuggishoo Doono Yeero, ne guuno taan ariyaabeeto ne tunetoyich, illa ebiyee beshe amoon neech geton hakkehote. 21Taan dojjoyicha iyaꞌa ebi shaahe ooge mooyon tuniito neene. Ebin ne tuniito, ne gibenikkiti gibenoommona, wotta ne daaggoommonane. 22Nuggishoo Doono Yeero, am shaahe oogoo neene! Neen shaahemmo koniyoona aalloone. No waamona no waayetoommon, neyee bare nuggishoo aalloone. 23Ne hajjee asheenaꞌon tuniyoyich guuchittinoochee ne biisheti Israꞌeeleenaꞌoommi asho showee toommooch aalloone. Boonoshich ne tuniiti, oogeti, worganikkiti mooyona ne shigo showee toommo bulliich arichetone. Ne hajjee asheenaꞌo boonoshi tunemmoyich, Gibitsee ne biisheti asheenaꞌo aaf boonoshi hammimmona, bare asheenaꞌonaa boonoshi nuggisheenaꞌonon boonoshi aafoochee gashaa kichihine.#Yibba. 4:34 24Ne asheenaꞌo tuneti Israꞌeeleenaꞌon bulli yemeenoon ne hajjee asheenaꞌo boonoshi tunemmoyich manjiito neene. Doono Yeero, newoo boonoshich Nuggishoon tunehine.
25“Illa and Nuggishoo Doono Yeero, ne guuno taannaa ta shiijjeroonoyich ne gibenikkiti gibenoon bulli yemeenoon ceechibe; ne gettetoommonoo tuniibe. 26Ne shigo bulli yemeenoon oogeton tunemmone. Asheenaꞌo ‘Beshe Mawe Doono Yeeri Israꞌeelee Nuggishoone’ gettemminaꞌone. Tayee gubb woyemmi, ne guuno ta kechi asheenaꞌo ne aafooch manjoo tunemminaꞌone.
27“Beshe Mawe Doono Yeero, Israꞌeelee Nuggishoocho, ‘Ta neech kexon haggemmo taane’ iyaꞌa ebi mooyon taach ne arichiitoyich, ne guuno ta ebi corootoon ne waan corootoyich aafoon kuppheto taane. 28Nuggishoo Doono Yeero, ne, Nuggishoo neene; ne qaaroo gibeneetone. Ebi gaawe mooyon ne guuno taach gibenikkito neene. 29Ebich and, ne aafooch bulli yemeenoon manjiree bi beeyemmoyich, ne guuno ta shiijjeroon diiribe. Nuggishoo Doono Yeero, ebin ne, ne qelloona gibenikkito neene. Ne diiroo bulli yemeenoon ta kechi asheenaꞌo toommooch tunemmone” iye.
Currently Selected:
2 Saameeli 7: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
2 Saameeli 7
7
Doono Yeeri Daawitich Gibenikkiti Gibeno
(1 Kiinoo 17:1-15)
1Taatoo Daawiti bi taatee kexooch bi kotetoyee gubb, wotta Doono Yeeri bi guudoona beeti bi etteenaꞌo waanee biin bi kashiitoyee gubb, 2keemechi Naataanich ishichiye: “Ta, yigee mixoochee hakkeeti kexooch beeto taane. Tunebaani Yeerichi taabooto duukkaanoochiye bi beeto” iye.
3Naataaniyoo taatoyich “Doono Yeeri neenna tookkii bi tunetoyich, ne mullooch beeto bullin tuniibe” iye.
4Tunebaani aroobee xum Doono Yeeri Naataanich ishichiye: 5“Ta guuno Daawit waan hamiree, Doono Yeeri ishichiye: ‘Ta beeyemmi kexon taach shuunemmo, ne toono neene. 6Israꞌeeleenaꞌon Gibitsee ta kichiti aaboochee tiijjaꞌa hanaach beddaahaa, duukkaanoon ta beeyi xaaꞌoo tuniyaꞌa, xaaꞌoochee xaaꞌooch guuddaa beehoani, kexooch beetaano taane. 7Israꞌeeleenaꞌo bullina tookkaa ta shaꞌeti xaaꞌoo bulliichaa, ta asheenaꞌo tuneti Israꞌeeleenaꞌon boonoshi quyemmoyich ta getteti ukkireenaꞌo daggoochee, “Yigee mixoochee kexon taach ittoshi hago qajjito, amoyichiye?” iyaꞌa ta echeto beete?’ gete.
8“Andoo ta guuno Daawitich ishichibe: Beshe Mawe Doono Yeeri ishichiye: ‘Neen gaddoochee, bagee quyoochee daammaꞌa, ta asheenaꞌo tuneti Israꞌeeleenaꞌo toommooch ne iraashemmoyich tuniihoye. 9Ne hammeti gommo bulliich neenna tookkaa tunehoye. Ne etteenaꞌo bullin ne aafoochee aalliihoye. Andoo ne shigoon, showee toommooch beeti ogooge iraasheenaꞌochoommon aricheton tuniyemmo taane. 10-11Ta asheenaꞌo tuneti Israꞌeeleenaꞌoyich xaaꞌoon immemmo taane; boonoshinoo arooch manjiyemmo taane. Keqqaalloon boonoshi hajjee xaaꞌooch kotemminaꞌone. Ebiyee aafichoommon, ta asheenaꞌo tuneti Israꞌeeleenaꞌo toommooch woraaferasheenaꞌon ta ukkiriiti yemeenoochoommon gonde asheenaꞌo boonoshin neexi hajjaachemminaꞌone. Ne etteenaꞌo bulli waanee neen kashiyemmo taane. Andoo daakkaꞌa Doono Yeeri ta, taatoo tunemmi shiijjeroon neech immemmo taane. 12Qitaꞌa ne qaabbechinaꞌo duukketooch ne duukkehooba, ne gutenoochee kechiti ne bushoon taatiyemmo taane; bi taatittinoonoo manjiyemmo taane.#Shod. 132:11 13Taach kexon haggemmo, biine. Bi taatittinee qeenonoo bulli yemeenoon manjiyemmo taane. 14Tawoo biich nihoo tunemmo taane; biyoo taach bushoon tunemmone. Gonde mooyon bi shuunehooba, nihoo bi bushoon sheeroommon, gumboona biin sheeremmo taane. 15Tunebaani bi xaaꞌooch ne tunemmoyich, Saaꞌooli toommoochee ta deꞌittinoon ta wokkiitoommon, bi waanee wokkiyaachemmo taane. 16Ne kexonaa ne taatittinoona ta aafooch bulli yemeenoon manjiree beeyemmone. Ne taatee qeenoo bulli yemeenoon manjiree beeyemmone’ itone gete” iye.#Shod. 89:35-37
17Naataani ebi Yeeri biich bekkiiti mooyo bullin Daawitich gettiye.
Daawiti Yeerin Corootoona Galleto
(1 Kiinoo 17:16-27)
18Aroochee taatoo Daawiti danee duukkaanooch giyiye. Doono Yeeri aafooch koteechii ishichiye: “Nuggishoo Doono Yeero, ebiich taan ne bechiti ta, halla koni taane? Ta kechi ashochi, konine? 19Nuggishoo Doono Yeero, ebi ne tuniiti mooyo, ne aafoochaa giisheche mooyon tuneꞌi bekkehe; gubb woyemmi ta shiijjereenaꞌochon gibenikkihine. Nuggishoo Doono Yeero, halla ashich ebiyoommi mooyon tuniyaabeeto neene? 20Nuggishoo Doono Yeero, ne guuno taan ariyaabeeto ne tunetoyich, illa ebiyee beshe amoon neech geton hakkehote. 21Taan dojjoyicha iyaꞌa ebi shaahe ooge mooyon tuniito neene. Ebin ne tuniito, ne gibenikkiti gibenoommona, wotta ne daaggoommonane. 22Nuggishoo Doono Yeero, am shaahe oogoo neene! Neen shaahemmo koniyoona aalloone. No waamona no waayetoommon, neyee bare nuggishoo aalloone. 23Ne hajjee asheenaꞌon tuniyoyich guuchittinoochee ne biisheti Israꞌeeleenaꞌoommi asho showee toommooch aalloone. Boonoshich ne tuniiti, oogeti, worganikkiti mooyona ne shigo showee toommo bulliich arichetone. Ne hajjee asheenaꞌo boonoshi tunemmoyich, Gibitsee ne biisheti asheenaꞌo aaf boonoshi hammimmona, bare asheenaꞌonaa boonoshi nuggisheenaꞌonon boonoshi aafoochee gashaa kichihine.#Yibba. 4:34 24Ne asheenaꞌo tuneti Israꞌeeleenaꞌon bulli yemeenoon ne hajjee asheenaꞌo boonoshi tunemmoyich manjiito neene. Doono Yeero, newoo boonoshich Nuggishoon tunehine.
25“Illa and Nuggishoo Doono Yeero, ne guuno taannaa ta shiijjeroonoyich ne gibenikkiti gibenoon bulli yemeenoon ceechibe; ne gettetoommonoo tuniibe. 26Ne shigo bulli yemeenoon oogeton tunemmone. Asheenaꞌo ‘Beshe Mawe Doono Yeeri Israꞌeelee Nuggishoone’ gettemminaꞌone. Tayee gubb woyemmi, ne guuno ta kechi asheenaꞌo ne aafooch manjoo tunemminaꞌone.
27“Beshe Mawe Doono Yeero, Israꞌeelee Nuggishoocho, ‘Ta neech kexon haggemmo taane’ iyaꞌa ebi mooyon taach ne arichiitoyich, ne guuno ta ebi corootoon ne waan corootoyich aafoon kuppheto taane. 28Nuggishoo Doono Yeero, ne, Nuggishoo neene; ne qaaroo gibeneetone. Ebi gaawe mooyon ne guuno taach gibenikkito neene. 29Ebich and, ne aafooch bulli yemeenoon manjiree bi beeyemmoyich, ne guuno ta shiijjeroon diiribe. Nuggishoo Doono Yeero, ebin ne, ne qelloona gibenikkito neene. Ne diiroo bulli yemeenoon ta kechi asheenaꞌo toommooch tunemmone” iye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.