2 Saameeli 9
9
Daawiti Mefiboshetich Ariqqo
1Ikke areddoon taatoo Daawiti “Yonaataanicha getiree biich deꞌoon ta deeyemmoyich, Saaꞌooli kechi asheenaꞌo daggoochee echeti asho beete?” iꞌi echehe.#1 Saam. 20:15-17
2Arooba Saaꞌooli kexooch aafee bushoo tuneti, Siibi getteebeeti ikke uro beehe. Biinoo Daawit waan ceeggii deebiyeete. Taatoo biin “Siibi getteebeeto neene?” iꞌi echehe.
Biyoo “Ta doonocho, eeha, taane” iye.
3Taatoo biin “Yeeri aafooch wogoon ta giyetoommon, biich ta deeyemmoyich, Saaꞌooli kechi asheenaꞌo daggoochee echeto beete?” iye.
Siibiyoo taatoyich “Yonaataani bushoo beetone. Biyoo gutte baata sheqqoone” iye.#2 Saam. 4:4
4Taatoo “Aabiichiye bi beeto?” iꞌi echehe.
Siibiyoo “Lodebaari katemooch, Ameli bushoo Makiri kexoochiye” iye.
5Ebina taatoo Daawiti wochiiꞌi, Lodebaar beeti Ameli bushoo Makiri kexoochee bi woyemmoyich tuniihe.
6Saaꞌooli bushoo tuneti Yonaataanichi bushoo Mefibosheti Daawit waan waahe. Biyoo Daawitich oogoon imoyich, baroona showooch guufehe.
Daawitiyoo “Mefibosheto!” iꞌi ceeggiye.
Biyoo “Ta doonocho, hini tawoche” iye.
7Daawitiyoo biich ishichiye: “Shattaahine; ne nihoo Yonaataanicha getiree neech deeyemmo taane. Ne nihinihoo Saaꞌoolicho tuneti showoo bullin neech wochemmo taane. Bulli aaboonoo ta madoochee maayemmo neene” iye.
8Mefibosheti wochinnoon baroona showooch guufeechii ishichiye: “Ebi qititi kunaanoommi ta waan ne ciinnemmoyich, ne guuno ta, koni taane?” iye.
9Taatoo aroochee Saaꞌoolichi aafee bushoo Siibin ceeggiꞌi, “Saaꞌoolinaa bi kechi asheenaꞌonocho tuneto bullin ne doono bushoochi bushoo Mefiboshetich immeto taane. 10Ne, ne bushiisheenaꞌonaa ne naayinaꞌona ne doono bushoochi bushoo bi maayemmon bi danemmoyich bi showoon goyote; maayoonoo gotebote. Tunebaani Mefibosheti bi qelloona bulli aaboon ta madoocheeniye bi maayemmo” iye. Arooba Siibich aaraa uuche anaami bushiisheenaꞌonaa hiye naayinaꞌona beetinaꞌone.
11Siibiyoo taatoyich “Ta doono ne gettetoommon, ne guuno ta, tuniyemmo taane” iye.
Ebina Mefibosheti taatoochi bushiishoochee ikkoochoommon bi madoochee maa beehe.
12Mefiboshetich Miki getteebeeti, ikke giisheche bushoo beetone. Siibi kexooch beetinaꞌo bulli Mefiboshetich maddee beeheete. 13Mefiboshetiyoo taatoochi madoochee maabee Yerusaalem beehe. Biyoo gutte baata sheqqoone.
Currently Selected:
2 Saameeli 9: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
2 Saameeli 9
9
Daawiti Mefiboshetich Ariqqo
1Ikke areddoon taatoo Daawiti “Yonaataanicha getiree biich deꞌoon ta deeyemmoyich, Saaꞌooli kechi asheenaꞌo daggoochee echeti asho beete?” iꞌi echehe.#1 Saam. 20:15-17
2Arooba Saaꞌooli kexooch aafee bushoo tuneti, Siibi getteebeeti ikke uro beehe. Biinoo Daawit waan ceeggii deebiyeete. Taatoo biin “Siibi getteebeeto neene?” iꞌi echehe.
Biyoo “Ta doonocho, eeha, taane” iye.
3Taatoo biin “Yeeri aafooch wogoon ta giyetoommon, biich ta deeyemmoyich, Saaꞌooli kechi asheenaꞌo daggoochee echeto beete?” iye.
Siibiyoo taatoyich “Yonaataani bushoo beetone. Biyoo gutte baata sheqqoone” iye.#2 Saam. 4:4
4Taatoo “Aabiichiye bi beeto?” iꞌi echehe.
Siibiyoo “Lodebaari katemooch, Ameli bushoo Makiri kexoochiye” iye.
5Ebina taatoo Daawiti wochiiꞌi, Lodebaar beeti Ameli bushoo Makiri kexoochee bi woyemmoyich tuniihe.
6Saaꞌooli bushoo tuneti Yonaataanichi bushoo Mefibosheti Daawit waan waahe. Biyoo Daawitich oogoon imoyich, baroona showooch guufehe.
Daawitiyoo “Mefibosheto!” iꞌi ceeggiye.
Biyoo “Ta doonocho, hini tawoche” iye.
7Daawitiyoo biich ishichiye: “Shattaahine; ne nihoo Yonaataanicha getiree neech deeyemmo taane. Ne nihinihoo Saaꞌoolicho tuneti showoo bullin neech wochemmo taane. Bulli aaboonoo ta madoochee maayemmo neene” iye.
8Mefibosheti wochinnoon baroona showooch guufeechii ishichiye: “Ebi qititi kunaanoommi ta waan ne ciinnemmoyich, ne guuno ta, koni taane?” iye.
9Taatoo aroochee Saaꞌoolichi aafee bushoo Siibin ceeggiꞌi, “Saaꞌoolinaa bi kechi asheenaꞌonocho tuneto bullin ne doono bushoochi bushoo Mefiboshetich immeto taane. 10Ne, ne bushiisheenaꞌonaa ne naayinaꞌona ne doono bushoochi bushoo bi maayemmon bi danemmoyich bi showoon goyote; maayoonoo gotebote. Tunebaani Mefibosheti bi qelloona bulli aaboon ta madoocheeniye bi maayemmo” iye. Arooba Siibich aaraa uuche anaami bushiisheenaꞌonaa hiye naayinaꞌona beetinaꞌone.
11Siibiyoo taatoyich “Ta doono ne gettetoommon, ne guuno ta, tuniyemmo taane” iye.
Ebina Mefibosheti taatoochi bushiishoochee ikkoochoommon bi madoochee maa beehe.
12Mefiboshetich Miki getteebeeti, ikke giisheche bushoo beetone. Siibi kexooch beetinaꞌo bulli Mefiboshetich maddee beeheete. 13Mefiboshetiyoo taatoochi madoochee maabee Yerusaalem beehe. Biyoo gutte baata sheqqoone.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.