Wahyu 6

Si Toyaang i Domba muka' in enem ségél

1Wo kaséréanku si Toyaang i Domba muka' in ségél kataré asé pitu ségél. Wo kalingaanku esa asé epat mahluk itu maangko', tanuoka in erut maténgé. Icuana, “Mayoo!” 2#Za. 1:8, 6:2-6 #Za. 1:8, 6:2-6 Wo kaséréanku esa kawayo kulo'. Si tou si makasaké asi cawayo itu makatimboi im pana. Wo sia winéan mahkota, wo melala'us angé eng kumala sé kaséké'na wo muntung.

3An tutuw i Toyaang i Domba muka' in ségél karua, kalingaanku si mahluk karua kumua, “Mayoo!” 4Wo mapaturu'o mai si esa kawayo walina, si cawayo itu réindang tanuoka embung in api. Wo si tou si makasaké asi cawayo itu winéan kawasa e mindo ing kaeluran ang kayo'baan, akar sé tou mempam-patéan. Wo sia winéan esa sa'bel wangker.

5An tutuw i Toyaang i Domba muka' in ségél katelu, kalingaanku si mahluk katelu kumua, “Mayoo!” Wo kaséréanku esa kawayo wuring. Si tou makasaké asi cawayo itu eng kamana makatimboi in esa timbangan. 6Wo palinganku tanu awéan suara an uner é epat mahluk itu makua in tana'i, “Sanga liter sléi em bééna esa dinar, wo telu liter gandum em bééna esa dinar.#6:6 ‘Esa dinar’ puté wo en laasa aiwér a si tou itumawoi sangando. Taan tioo peléwoon en solo wo en anggor itu.”

7An tutuw i Toyaang i Domba muka' in ségél kaepat, kali- ngaanku si mahluk kaepat kumua, “Mayoo!” 8#Yeh. 14:21 Wo kaséréanku esa kawayo kulo tina'. Wo si tou makasaké asi cawayo itu, e ngaranna ‘Papaté’, wo pakiiten ing kakolanoan im papaté. Séra in dua winéan kawasa e maté sé sangapeepat tou ang kayo'baan anio' ang karapi in sa'bel, ang karapi ing kaareman, ang karapi in sakit malawé, wo ang karapi é binatang léwo' sé ang kayo'baan.

9Wo tutuw i Toyaang i Domba muka' in ségél kalima, kaséréanku sé mu'kur an darem im pawetaan i raragés sé pinatéo ampa'paan in Taar i Amang Kasuruan wo ampa'paan ing kasairi-sairian éra. 10Wo sé mu'kur itu kumua in taangko' keli, “O Kasuruan Si Makakawasa si le'nas wo wutul! Urépé' réén sé tou ang kayo'baan akimen i Casuruan? Wo kawisa réén suliin-Mu sé tou imaté icami?” 11Wo sé mu'kur itu winéan mekélé esa karai lambot kulo' wo séra kinuanan i mento'pé' toyo' ka'i akar eng kakeli éra malekep. Ampa'paan awéané' sé kara-karapi éra maselewir wo sé poo-poow éra esa paémanen sé patén oka tanu iséra.

12 # Yes. 13:10; Yl. 2:10, 31, 3:15; Mat. 24:29; Mrk. 13:24-25; Luk. 21:25; Why. 11:13, 16:18 Kaséréanku, an tutuw i Toyaang i Domba muka' in ségél kaenem, mangéroo mai eng kayo'baan repet keli. Si yéndo imawuring tanu ing karai wuring si kanaramen pengapakén é mala'lu wo si serap maréindang tanu in enda'. 13#Yes. 34:4; Why. 16:20 Wo sé sumesendot an langit merongko-rongkor ang kayo'baan tanu in tuura in ara mengarongkor im bua-wua'na sé rowaré' pakésé in deges repet. 14Wo en langit makala'us icatala tanuoka ing gulungan kitap si ginulung, eng kuntu-kuntung wo em pulo-pulou icaéra an tampana. 15#Yes. 2:19, 21 Wo sé kolano ang kayo'baan, sé tou wangko', sé kikiiten é suraro, sé tou siya', sé tou makatimboi ing kawasa, sé ata wo sé tou ra'ica pakakawasan é tou walina, séra im pakasa rumaméji menep an untep im bo'bo-wo'bok wangker, wo am paawuu-paawuun im batu- watu ing kuntung. 16#Hos. 10:8; Luk. 23:30 Wo icua éra a sé kuntung wo a sé watu itu, “Mapokalo mai wo tawunano mai kami wosama' kami caenep ai Sia si makalukut asi palukutan pasiri-siriin itu wo icaséip ang kae'bowan i Toyaang i Domba itu. 17#Yl. 2:11; Mal. 3:2 Ampa'paan imayo en endo si kaindéén, si endo i Amang Kasuruan wo si Toyaang i Domba makim pakasa in tou. Si séi réén e ro'na makatang?”

Currently Selected:

Wahyu 6: TNT

Highlight

Copy

Compare