Wahyu 4
4
Sé rua ngapulu' epat matu'a wo sé epat binatang
1Kekawus in itu, yaku pinapaturu'an esa papalen si makawuka' an sorga. Wo kalingaanku ka'i en suara si sumangkumo liningaku, en suara itu tanuoka in téngéna in terompét si makua, “Sumosoro mai! Ituru'-Ku oka ai co sapa e mamuali sa.” 2#Yeh. 1:26-28, 10:1 Tutuw ituke' e Roh i Amang Kasuruan kumawasa Yaku, wo kaséréanku an sorga esa palukutan pasiri-siriin, wo awéan esa Tou makalukut am palukutan pasiri-siriin itu. 3Si Tou i makalukut am palukutan pasiri-siriin itu masélap tanuoka in sélap im batu permata yaspis wo sardis. Wo awéan ka'i limbawa lumi'cir im palukutan pasiri-siriin itu, en limbawa itu masélap tanuoka sélapna im batu permata zamrud. 4Wo an li'cir im palukutan pasiri-siriin itu awéan ka'i rua ngapulu' epat palukutan pasiri-siriin walina. Wo asé palukutan pasiri-siriin itu, makalukut rua ngapulu' epat matu'a sé mekarai ing kulo' wo an do'kos éra awéan mahkota mas. 5#Kel. 19:16; Yeh. 1:13; Za. 4:2; Why. 1:4, 8:5, 11:19, 16:18 Wo asi palukutan pasiri-siriin si an unera, kinesotanai in télang ing kilat wo pakiiten in erut ing guntur melio-liondong. An dior im palukutan pasiri-siriin itu awéan pitu obor maembung, siituo sé pitu Roh i Amang Kasuruan. 6#Yeh. 1:22 An dior im palukutan pasiri-siriin itu awéan ta'sic kaca eng kaweresina tanuoka ing kristal. Wo em palukutan pasiri-siriin itu pakali'ciren é epat mahluk, en owak éra wuta im beren an dior wo an somoi.
7 #
Yeh. 1:5-10, 10:14 Si mahluk kataré tanuoka singa, si karua tanuoka sapi kawéléi peranggang, si katelu eng giona tanuoka gio in tou, wo si kaepat tanuoka si rajawali matéléw. 8#Yes. 6:2-3; Yeh. 1:5-10, 10:12 Sé epat mahluk itu maka- anu mekélé enem en tétéléw, en an untep wo ang kesot in tétéléw mawuta-wuta im beren. Endo wo em bengi sé mahluk itu ra'ica maento-ento' i makantar,
“Le'nas, le'nas, le'nas
si Amang Kasuruan Si Makakawasa,
Si awéano indior, intarépé',
wo si maai oka sa.”
9Wo susur é epat mahluk itu kumantar ing kakantaren rarayoan, siri' wo méé makapulu'sama' ai Sia si makalukut asi palukutan pasiri-siriin wo si menonou akar ing kauré-uré itu, 10sé rua ngapulu' epat matu'a itu kumundu an dior-Na si makalukut am palukutan pasiri-siriin itu wo kumuru en sumiri' ai Sia si menonou akar ing kauré-uré. Wo wukaan éra e mahkota, wo iweta' éra an dior im palukutan pasiri-siriin itu wo kumua,
11“O, Kasuruan! O, Amang Kasuruan ami!
Wayake' Ico em patus makéré in darayo, wo in sisiri' wo ing kawasa.
Ampa'paan si Casuruan méma'o im baya-waya,
wo ampa'paano ing kasalé'an-Mu pakasa en itu niéma'o wo awéan.”
Currently Selected:
Wahyu 4: TNT
Highlight
Copy
Compare
Share
Want to have your highlights saved across all your devices? Sign up or sign in
En Taar Weru a nunuwu' é Tontemboan @ LAI 2018
