Wahyu 10

Esa malaékat wo esa gulungan kitap teké'

1Wo sérénku si esa malaékat walina si kumete-keter tumumpa mai an sorga owo. En owakna pakasaputen ing kambung, wo awéan limbawa an dangka' in do'kosna. Eng giona tanuoka si yéndo wo eng kécéina tanuoka totombol in api. 2Eng kamana makatimboi ing gulungan kitap teké' si makawuka'. Eng kécéi kakanna am bawo in ta'sic wo eng kécéi ka'birina am bawo ing katanaan. 3Wo sia kumua ang karapi in taangko' tanu si singa mengauwang. Kekawusna imangko', sé pitu erut mapalinga in suara éra. 4Makanuwu' mai sé pitu erut itu, casalé'ku woo e matic sapa sé pinali- ngaku. Taan kalingaanku en suara an sorga icumua in tana'i, “Ségélen owo sapa en aicua é pitu erut itu wo ra'ipé' toro ipaticmu.”

5 # Kel. 20:11; Ul. 32:40; Dan. 12:7; Am. 3:7 Wo si malaékat sinéréku makatulung am bawo in ta'sic wo am bawo ing katanaan, sia mangkai ing kama kakan maturu' an langit, 6wo sumumpa ai Sia si menonou akar ing kauré- uré, si méma' in langit wo pakasa sé an untepna, in tana' wo pakasa sé an untepna, in ta'sic wo pakasa sé an untepna. Icua i malaékat itu in tana'i, “En témpona ra'io ka'i pelando-landoi! 7An tutuw i malaékat kapitu sumengo in terompétna, asi témpo ituo si Amang Kasuruan lumekep im pawasa-wasan sé ipakaenep-Napé' tanu sé sumangkumo aicua-Na a sé ata-Na, sérao sé nabi.”

8 # Yeh. 2:8–3:3 Wo en suara si liningakuo an langit itu icumua ka'i a yaku, “Mangéo indon eng gulungan kitap si makawuka' ang kama i malaékat si makatulung am bawo in ta'sic wo am bawo ing katanaan itu.” 9Wo aku mangé a si malaékat itu, mekiupus ai sia wosama' iwééna a yaku eng gulungan ing kitap itu. Wo icuana a yaku, “Indono wo kaneno. Eng gulungan itu méma' oka im pootmu mananam pentu', taan am ba'ba'mu eng gulungan itu mananam tombal tanu im biluk.” 10Wo indonku eng gulungan kitap ang kama i malaékat itu, wo kanenku. Am ba'ba'ku eng gulungan itu mananam tombal tanu im biluk taan kelo'motku mako, an untep im poot kananaman pentu'. 11Kekawus in itu, awéan en cumua a yaku, “Musti icuamu ka'i sumawel e nunuwuun i Amang Kasuruan andumoro' in sapa sé mamuali oka a sé kelian bangsa, negara, nunuwu' wo ka'i a sé kolano.”

Currently Selected:

Wahyu 10: TNT

Highlight

Copy

Compare