Popular Bible Verses from Wahyu 10

Share

An tutuw i malaékat kapitu sumengo in terompétna, asi témpo ituo si Amang Kasuruan lumekep im pawasa-wasan sé ipakaenep-Napé' tanu sé sumangkumo aicua-Na a sé ata-Na, sérao sé nabi.”

Kekawus in itu, awéan en cumua a yaku, “Musti icuamu ka'i sumawel e nunuwuun i Amang Kasuruan andumoro' in sapa sé mamuali oka a sé kelian bangsa, negara, nunuwu' wo ka'i a sé kolano.”

Wo sérénku si esa malaékat walina si kumete-keter tumumpa mai an sorga owo. En owakna pakasaputen ing kambung, wo awéan limbawa an dangka' in do'kosna. Eng giona tanuoka si yéndo wo eng kécéina tanuoka totombol in api.

Wo aku mangé a si malaékat itu, mekiupus ai sia wosama' iwééna a yaku eng gulungan ing kitap itu. Wo icuana a yaku, “Indono wo kaneno. Eng gulungan itu méma' oka im pootmu mananam pentu', taan am ba'ba'mu eng gulungan itu mananam tombal tanu im biluk.” Wo indonku eng gulungan kitap ang kama i malaékat itu, wo kanenku. Am ba'ba'ku eng gulungan itu mananam tombal tanu im biluk taan kelo'motku mako, an untep im poot kananaman pentu'.