Mbete 1 Tesaloniri 1
1
1A bi Pɔl, Silas, Timote, nah vbeh mbete-ay hi̧ wuri sa̧w in Ŋgermbay ké i ƴo mbu̧h hani ké Tesaloni#1.1 Ɓay nzukri ké kaɓ Tesaloni na ɓil Mbete Fe laɓna Tempuki 17.1-9., a woiri ké i ƴo ziŋ baah Ŋgerzah, ké i ƴo ziŋ Gaŋ tul feri riw a ye Ŋgermbay Zezu. Nah vah wuri ke lawsuki ke ɗeŋ.
2Nah ƴo el ke tumbɔl hi̧ Ŋgerzah kpatara ɓay tul woiri gbam. Nah ƴo ɗi riŋ woiri mgbiŋriŋ ɓil goŋna wah ké pol Ŋgerzah ké ɓa Bah wah. 3Ɓil goŋna wah, nah yȩkre pihna ké i ƴo tulu ɓay law woiri ké te sa tul Ŋgermbay ra ya, nah yȩkre law sana ké i ta̧h ke laɓu ké tul nzukri ya, nah yȩkre su̧hlaw woiri ké i tasa̧y ko suki Gaŋ wah Ŋgermbay Zezu ké i ƴo geŋu ra ya pi. 4Yi̧n wahri ɓil Ŋgermbay i ɓa gunri ké Ŋgerzah sa wuri sa, ke ɗi wuri ɓa sa̧w ye, 5mí nah tu ɓahri, ɓaysuki hul Ŋgermbay ké nah ka-kah-u ké ta̧w woiri ra ɓa ɓay ɓahna kaŋto ya wara le, gi ke huhrumun pi, gi ke Tempuki pi dara mí ɓaysuki-u ɓar sa̧w ɓil law woiri, kandɔk ké i ko ké ɓil siŋ sina wah ɓay tul woiri.
6A woiri ra i ndɔl siŋ sina wah ke siŋ sina Gaŋ tul feri riw ndɔ-ndɔl. I ya̧ nzak pihna-aw ke koseh ɓa ŋgi̧-u pi, ke law rihna ké Tempuki hi̧ pi. 7Bale i el ti̧h ɓa fe ndɔlna hi̧ nzukri ké kan law tul Ŋgermbay ké Maseduwan pi, ké Akay pi. 8Ɓay tul woiri mí mberem Gaŋ tul feri riw ya̧ gel ké Maseduwan ke Akay kaŋto ya. Le mberem ké si tul law woiri ké te sa tul Ŋgerzah ra ya̧ gelri gbam. Kaŋ mí nah ta ke ɓay a ɓoru ké dɔɓ tul ɓayri ké si tul woiri ya. 9Nzukri ƴo ɓah ɓay tul woiri. Ku ƴo ndazi ani mí i ya̧ na ma law woiri, ani mí i sɔɓ fal hi̧ záhri el ko gel ma tul Ŋgerzah a ye záh ké-e ƴo ri sew ke sew, záh a kpakpaŋu, mí i ƴo laɓ pihna hi̧ ni, 10i ƴo geŋ elna gun ye Zezu ké nunmbam, a ye ké Ŋgerzah ten ni ke puh záh ke pa̧ymun a foyu ra, ke hi̧ na, nah ti̧h ɓil ɓay law fa̧hna Ŋgerzah ké ƴo gina.
Currently Selected:
Mbete 1 Tesaloniri 1: SIAFNK
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
