DIPESALEME 128
128
Boiketlo ba ba tshabang Modimo matlung a bona.
Sefela sa Mahalothe.
1Ho lehlohonolo motho ka mong ya tshabang Jehova, ya tsamayang ditseleng tsa hae. 2E, o tla ja ditholwana tsa mesebetsi ya matsoho a hao. Menono le lehlohonolo di be ho wena! 3Mosadi wa hao, kahare ho ntlo ya hao, o jwaloka morara o beang haholo; bara ba hao ba teela tafole ya hao hare, jwaloka mehlwaare e metjha.
4Bonang, ya tshabang Jehova o tla hlohonolofatswa jwalo! Jehova a ke a o romele mahlohonolo a hae a le Sione! 5O ke o bone lehlohonolo la Jerusalema ka matsatsi wohle a ho phela ha hao. 6O tla bona le bana ba bana ba hao. Kgotso e be ho Iseraele!
Currently Selected:
DIPESALEME 128: SSO61-SO
Highlight
Copy
Compare
Share
Want to have your highlights saved across all your devices? Sign up or sign in
© Bible Society of South Africa 1961. Used with permission. All rights reserved.
