DIPESALEME 114
114
Dintho tse hlodilweng kamoo di tshabileng ya pholositseng Baiseraele Egepeta kateng.
1Enereha Iseraele a etswa Egepeta, le ntlo ya Jakobo ha e tloha setjhabeng sa puo esele, 2Juda a fetoha sehalalelo sa Jehova, Iseraele ya eba mmuso wa hae.
3Lewatle eitse ha le mmona, la baleha, Jordane a kgutlela morao, 4dithaba tsa tlola jwaloka dipheleu, le dithabana jwaloka dikonyana.
5O ne o na le eng, wena lewatle, ha o tla baleha, le wena Jordane, ha o tla kgutlela morao? 6le lona, dithaba, ha le tla tlola jwaloka dipheleu, le lona dithabana, jwaloka dikonyana?
7Wena lefatshe, o ke o thothomele pela sefahleho sa Morena, pela sefahleho sa Modimo wa Jakobo, 8o fetolang lefika matsha a metsi, le lehakwe le thata mohlwedi o tsaratsehang!
Currently Selected:
DIPESALEME 114: SSO61-SO
Highlight
Copy
Compare
Share
Want to have your highlights saved across all your devices? Sign up or sign in
© Bible Society of South Africa 1961. Used with permission. All rights reserved.
