DIPESALEME 113
113
Ho rokwa ya nyollang motho ya ikokobeditseng.
1Bokang Jehova! Rorisang, lona bahlanka ba Jehova, rorisang lebitso la Jehova! 2Ho bokwe lebitso la Jehova jwale le ka ho sa yeng kae! 3Lebitso la Jehova a le ke le roriswe, ho nka botjhabela ho isa bophirimela. 4Jehova o phahamile kahodimo ho ditjhaba kaofela, le kganya ya hae e kahodimo ho mahodimo.
5Ke mang ya tshwanang le Jehova, Modimo wa rona? O ahile nqalong tse hodimodimo; 6o inamela ho nyarela mahodimong le lefatsheng. 7O tsosa ya madimabe leroleng, o ntsha ya lesitsi thotobolong; 8a tle a ba dudise le mahosana, e, le mahosana a setjhaba sa hae. 9Mosadi ya nyopileng o etsa hore a be le ntlo, o mo nea le bana bao a thabang ka bona. Bokang Jehova!
Currently Selected:
DIPESALEME 113: SSO61-SO
Highlight
Copy
Compare
Share
Want to have your highlights saved across all your devices? Sign up or sign in
© Bible Society of South Africa 1961. Used with permission. All rights reserved.
