SOFONI 1
1
Fakamaaui o Suta kua vave osi
1Nee fakaha leva te folafola a te Eteleno kia Sofoni, foha o Kusi, foha o Ketalia, foha o Amalia, foha o Esekiasi, i te temi o Sosiasi, foha o Amone, hau o Suta.
2E au maumaui anai te u mea fuli i oluga o te kele,
E ui e te Eteleno.
3E au maumaui anai te u tagata mo te u manu,
Te u manulele o te lagi mo te u ika o te tai,
Te u mea fakatupu higa mo te kau agakovi mo natou;
E au tuusi anai te u tagata i te fuga o te kele,
E ui e te Eteleno.
4E au faoi anai toku nima kia Suta,
Pea mo te hahai fuli o Selusalemi;
E au tuusi anai i te kogamea aeni te toega o Paale,
Mo te higoa o ana minisi pea mo ana pelepitelo mo natou,
5Mo natou ae e punonou i oluga o te u ato o te u fale i mua o te solia o te atu lagi,
Mo natou ae e punonou o fakapapau i te huafa o te Eteleno,
Pea mo toe fakapapau foki i te higoa o tonatou hau ko Malekame,
6Mo natou ae nee maliu kehe i te Eteleno,
Pea mo natou ae e mole natou kumi te Eteleno,
Natou ae e mole natou kumi tona finegalo.
Te aho o te Eteleno
7Fakalologo i mua o te Aliki, te Eteleno!
Koteuhi kua ovi te aho o te Eteleno,
Koteuhi kua teuteui e te Eteleno te sakilifisio, pea kua ina filifili ana kau fakaafe.
8I te aho o te sakilifisio a te Eteleno,
E au tauteai anai te u aliki mo te u foha o te hau,
Pea mo natou fuli ae e natou kofu ki ni kofu matapule.
9I te aho aia, e au tauteai anai natou fuli ae e hopo i te mua matapa o hage ko ni pagani,
Natou ae e natou fakafonu te fale o tonatou pule aki te agamalohi mo te kaka.
10I te aho aia, e ui e te Eteleno,
E i ai anai ni tagi i te matapa o te u ika,
Mo ni tagi laulau i te kolo foou,
Pea mo he maumau lahi i te u mouga liliki.
11Koutou fetagihi, hahai o Maketesi!
Koteuhi kua maumaui natou fuli ae e faikoloa,
Pea kua mamate te tagata fuli ae nee tanaki paaga.
12I te aho aia, e au ina anai ia Selusalemi aki ni malama,
Pea e au tauteai anai te tagata ae e malolo fakafifimalie o hage ko te takele o te vino i te foi poe,
Pea e ui i onatou loto: E mole fai e te Eteleno he lelei pee ko he kovi.
13E kaihaa anai onatou koloa,
Pea e maumaui anai onatou fale.
E natou kinakina anai i te fakatuu o ni fale kae e mole natou nonofo anai i ai.
E natou kinakina anai i te to o ni vite kae e mole natou inu anai ki tona vino.
14Kua ovi te aho lahi o te Eteleno,
Kua ovi mai ia ia, pea e hau fakavilivili ia ia.
E fakaha e te aho o te Eteleno tona leo,
Pea e fai e te tagata toa ni tagi mamahi.
15Ko te aho aia ko he aho o te hauhau,
Ko he aho o te mamahi mo te tuania,
Ko he aho o te maveuveu mo te maumau,
Ko he aho o te fakapouli mo te pouli,
Ko he aho o te u ao mo te u kakapu,
16Ko he aho e tagi ai anai te fakatagi pupuhi mo ni kalaga tau
Ki te u kolo tau mo te u tule maoluga.
17E au tuku anai te u tagata ki te mamahi,
E au liligi anai tonatou toto o hage ko te efu,
Pea mo tonatou kakano o hage ko ni otaota.
Koteuhi nee natou agahala ki te Eteleno;
E au liligi anai tonatou toto o hage ko te efu,
Pea mo tonatou kakano o hage ko ni otaota.
18E mole feala anai ke haofaki natou e tanatou paaga mo tanatou aulo,
I te aho o te hauhau o te Eteleno;
E tutu anai te fenua katoa e te afi o tona finenonofo;
Koteuhi e ina maumaui fakapunamauli anai te hahai fuli o te fenua.
Currently Selected:
SOFONI 1: WB2011
Highlight
Copy
Compare
Share
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
SOFONI 1
1
Fakamaaui o Suta kua vave osi
1Nee fakaha leva te folafola a te Eteleno kia Sofoni, foha o Kusi, foha o Ketalia, foha o Amalia, foha o Esekiasi, i te temi o Sosiasi, foha o Amone, hau o Suta.
2E au maumaui anai te u mea fuli i oluga o te kele,
E ui e te Eteleno.
3E au maumaui anai te u tagata mo te u manu,
Te u manulele o te lagi mo te u ika o te tai,
Te u mea fakatupu higa mo te kau agakovi mo natou;
E au tuusi anai te u tagata i te fuga o te kele,
E ui e te Eteleno.
4E au faoi anai toku nima kia Suta,
Pea mo te hahai fuli o Selusalemi;
E au tuusi anai i te kogamea aeni te toega o Paale,
Mo te higoa o ana minisi pea mo ana pelepitelo mo natou,
5Mo natou ae e punonou i oluga o te u ato o te u fale i mua o te solia o te atu lagi,
Mo natou ae e punonou o fakapapau i te huafa o te Eteleno,
Pea mo toe fakapapau foki i te higoa o tonatou hau ko Malekame,
6Mo natou ae nee maliu kehe i te Eteleno,
Pea mo natou ae e mole natou kumi te Eteleno,
Natou ae e mole natou kumi tona finegalo.
Te aho o te Eteleno
7Fakalologo i mua o te Aliki, te Eteleno!
Koteuhi kua ovi te aho o te Eteleno,
Koteuhi kua teuteui e te Eteleno te sakilifisio, pea kua ina filifili ana kau fakaafe.
8I te aho o te sakilifisio a te Eteleno,
E au tauteai anai te u aliki mo te u foha o te hau,
Pea mo natou fuli ae e natou kofu ki ni kofu matapule.
9I te aho aia, e au tauteai anai natou fuli ae e hopo i te mua matapa o hage ko ni pagani,
Natou ae e natou fakafonu te fale o tonatou pule aki te agamalohi mo te kaka.
10I te aho aia, e ui e te Eteleno,
E i ai anai ni tagi i te matapa o te u ika,
Mo ni tagi laulau i te kolo foou,
Pea mo he maumau lahi i te u mouga liliki.
11Koutou fetagihi, hahai o Maketesi!
Koteuhi kua maumaui natou fuli ae e faikoloa,
Pea kua mamate te tagata fuli ae nee tanaki paaga.
12I te aho aia, e au ina anai ia Selusalemi aki ni malama,
Pea e au tauteai anai te tagata ae e malolo fakafifimalie o hage ko te takele o te vino i te foi poe,
Pea e ui i onatou loto: E mole fai e te Eteleno he lelei pee ko he kovi.
13E kaihaa anai onatou koloa,
Pea e maumaui anai onatou fale.
E natou kinakina anai i te fakatuu o ni fale kae e mole natou nonofo anai i ai.
E natou kinakina anai i te to o ni vite kae e mole natou inu anai ki tona vino.
14Kua ovi te aho lahi o te Eteleno,
Kua ovi mai ia ia, pea e hau fakavilivili ia ia.
E fakaha e te aho o te Eteleno tona leo,
Pea e fai e te tagata toa ni tagi mamahi.
15Ko te aho aia ko he aho o te hauhau,
Ko he aho o te mamahi mo te tuania,
Ko he aho o te maveuveu mo te maumau,
Ko he aho o te fakapouli mo te pouli,
Ko he aho o te u ao mo te u kakapu,
16Ko he aho e tagi ai anai te fakatagi pupuhi mo ni kalaga tau
Ki te u kolo tau mo te u tule maoluga.
17E au tuku anai te u tagata ki te mamahi,
E au liligi anai tonatou toto o hage ko te efu,
Pea mo tonatou kakano o hage ko ni otaota.
Koteuhi nee natou agahala ki te Eteleno;
E au liligi anai tonatou toto o hage ko te efu,
Pea mo tonatou kakano o hage ko ni otaota.
18E mole feala anai ke haofaki natou e tanatou paaga mo tanatou aulo,
I te aho o te hauhau o te Eteleno;
E tutu anai te fenua katoa e te afi o tona finenonofo;
Koteuhi e ina maumaui fakapunamauli anai te hahai fuli o te fenua.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland