SOFONI 2
2
Paui ki te fakahemala
1Koutou ulu kia koutou totonu, koutou fakakaukau mua,
Puleaga hala ufiufi,
2I mua o te fakahoko o te fakatotonu,
Pea mo te fakalaka o te aho aia o hage ko te penui fulumeto,
Ia mua o te to o te hauhau kakaha o te Eteleno kia koutou,
Ia mua o te to o te aho o te hauhau o te Eteleno kia koutou!
3Koutou kumi te Eteleno, koutou fuli, kau agamalu o te fenua,
Ae e natou fai ana fakatotonu!
Koutou kumi te faitotonu, koutou kumi te fakamalalo!
Lagi e fakamauli anai koutou i te aho o te hauhau o te Eteleno.
Fakamaau o te atu puleaga
4Koteuhi e siaki anai ia Kasa,
E liliu anai Asekaloni o toafa,
E kapu anai Asetoti i te hoata,
E taaki anai Ekeloni.
5Malaia ki te hahai o te u matatai, ki te puleaga o te kau Keleti!
Nee palalau fehagai te Eteleno kia koe, Kanaane, fenua o te kau Filisitini!
E au maumaui anai ia koe, e mole ke toe mau anai hau hahai.
6E liliu anai te u matatai ko ni fagaiaga manu,
Ko ni nofoaga ki te kau tauhi manu,
Pea ko ni lotoa ki te faga manu.
7Koteuhi e tuku anai te u matatai aia ki te u toega o te fale o Suta;
Ko te kogamea aia e natou fagai ai anai anatou faga manu;
E natou malolo anai i te afiafi i te u fale o Asekaloni;
Koteuhi e mole galoi anai natou e te Eteleno, totatou Atua,
Pea e ina toe aumai anai tonatou kau popula.
8Nee au logo ki te u laukovi a Moape
Pea mo te u nukinuki a te u fanau o Amone,
Ae nee laukovi ki taku hahai,
Pea nee natou fai ni fakatuutuu fiamealahi ki ona tuakoi.
9Koia e ui ai e te Eteleno o te atu fua tau, te Atua o Iselaele: E au mauli!
E hage anai ia Moape ko Sotoma, pea mo te u fanau o Amone ko Komola,
Ko he kogamea fonu i te u vao talatala, ko he lameni masima, ko he toafa ki te heegata;
E maumaui anai ia ia e te toega o taku hahai,
E mau anai natou e te toega o toku puleaga.
10E hoko anai te mea aia kia natou o tupu ko tonatou fiamealahi,
Koteuhi nee natou palalau kovi mo nukinuki i te matasoka
Ki te hahai a te Eteleno o te atu fua tau.
11E mafasia anai te Eteleno kia natou,
Koteuhi e ina tuusi anai te u atua fuli o te kele;
Pea e atolasio anai kia ia te tagata taki toko tahi i tona fenua,
I te u motu fuli o te atu puleaga.
12Ko koutou foki, kau Etiopia,
E taai anai koutou e taku heleta.
13E ina faoi anai tona nima ki te potu noleto,
E ina maumaui anai ia Asilia,
Pea e ina fakaliliu anai ia Ninive ko he kele lavaki,
Ko he kele magemage o hage ko te toafa.
14E momoe anai ni faga manu i lotomalie o Ninive,
Mo ni manu i te u faahiga kehekehe;
Ko te pelikano* mo te eliso
E nonofo fakatahi anai i te u puloga o ona pou;
E tagi anai te u manulele i te u matapa fakamalama o ona fale;
E kamata anai te maumau i te mua matapa,
Koteuhi e tata anai te u papa sete* o te u aofi.
15Koena te ikuaga o te kolo fiafia aena,
Ae nee nofo fakafifimalie,
Pea nee ui i tona loto:
Ko au, pea ko au pe!
Kotea kua hoko, kua maumau ia ia,
Kua liliu ia ia ko he nofoaga o te u manu!
Ko natou fuli ae e fakalaka anai i ona tafatafa
E veka anai mo pasipasi anai onatou nima.
Currently Selected:
SOFONI 2: WB2011
Highlight
Copy
Compare
Share
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
SOFONI 2
2
Paui ki te fakahemala
1Koutou ulu kia koutou totonu, koutou fakakaukau mua,
Puleaga hala ufiufi,
2I mua o te fakahoko o te fakatotonu,
Pea mo te fakalaka o te aho aia o hage ko te penui fulumeto,
Ia mua o te to o te hauhau kakaha o te Eteleno kia koutou,
Ia mua o te to o te aho o te hauhau o te Eteleno kia koutou!
3Koutou kumi te Eteleno, koutou fuli, kau agamalu o te fenua,
Ae e natou fai ana fakatotonu!
Koutou kumi te faitotonu, koutou kumi te fakamalalo!
Lagi e fakamauli anai koutou i te aho o te hauhau o te Eteleno.
Fakamaau o te atu puleaga
4Koteuhi e siaki anai ia Kasa,
E liliu anai Asekaloni o toafa,
E kapu anai Asetoti i te hoata,
E taaki anai Ekeloni.
5Malaia ki te hahai o te u matatai, ki te puleaga o te kau Keleti!
Nee palalau fehagai te Eteleno kia koe, Kanaane, fenua o te kau Filisitini!
E au maumaui anai ia koe, e mole ke toe mau anai hau hahai.
6E liliu anai te u matatai ko ni fagaiaga manu,
Ko ni nofoaga ki te kau tauhi manu,
Pea ko ni lotoa ki te faga manu.
7Koteuhi e tuku anai te u matatai aia ki te u toega o te fale o Suta;
Ko te kogamea aia e natou fagai ai anai anatou faga manu;
E natou malolo anai i te afiafi i te u fale o Asekaloni;
Koteuhi e mole galoi anai natou e te Eteleno, totatou Atua,
Pea e ina toe aumai anai tonatou kau popula.
8Nee au logo ki te u laukovi a Moape
Pea mo te u nukinuki a te u fanau o Amone,
Ae nee laukovi ki taku hahai,
Pea nee natou fai ni fakatuutuu fiamealahi ki ona tuakoi.
9Koia e ui ai e te Eteleno o te atu fua tau, te Atua o Iselaele: E au mauli!
E hage anai ia Moape ko Sotoma, pea mo te u fanau o Amone ko Komola,
Ko he kogamea fonu i te u vao talatala, ko he lameni masima, ko he toafa ki te heegata;
E maumaui anai ia ia e te toega o taku hahai,
E mau anai natou e te toega o toku puleaga.
10E hoko anai te mea aia kia natou o tupu ko tonatou fiamealahi,
Koteuhi nee natou palalau kovi mo nukinuki i te matasoka
Ki te hahai a te Eteleno o te atu fua tau.
11E mafasia anai te Eteleno kia natou,
Koteuhi e ina tuusi anai te u atua fuli o te kele;
Pea e atolasio anai kia ia te tagata taki toko tahi i tona fenua,
I te u motu fuli o te atu puleaga.
12Ko koutou foki, kau Etiopia,
E taai anai koutou e taku heleta.
13E ina faoi anai tona nima ki te potu noleto,
E ina maumaui anai ia Asilia,
Pea e ina fakaliliu anai ia Ninive ko he kele lavaki,
Ko he kele magemage o hage ko te toafa.
14E momoe anai ni faga manu i lotomalie o Ninive,
Mo ni manu i te u faahiga kehekehe;
Ko te pelikano* mo te eliso
E nonofo fakatahi anai i te u puloga o ona pou;
E tagi anai te u manulele i te u matapa fakamalama o ona fale;
E kamata anai te maumau i te mua matapa,
Koteuhi e tata anai te u papa sete* o te u aofi.
15Koena te ikuaga o te kolo fiafia aena,
Ae nee nofo fakafifimalie,
Pea nee ui i tona loto:
Ko au, pea ko au pe!
Kotea kua hoko, kua maumau ia ia,
Kua liliu ia ia ko he nofoaga o te u manu!
Ko natou fuli ae e fakalaka anai i ona tafatafa
E veka anai mo pasipasi anai onatou nima.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland