HAPAKUKE 3
3
Katiko a Hapakuke
1Ko te kole a te polofeta ko Hapakuke, ae nee faufau o hage ko he hiva mate.
2Eteleno, nee au logo ki te mea ae nee ke fakaha, pea kua au fonu i te mataku.
Oi Eteleno, fakahoko tau gaueaga lolotoga te u tau ka hoko mai!
Io, fakaha ia ia i te u tau ka hoko mai! Kae i tou hauhau, manatui ou manavaofa!
3E hau te Atua mai Temane,
E hau te Sagato mai te mouga o Palani…
— Mamanava.
E fakafonu e tana afio te atu lagi,
Pea e fakafonu e tona kololia te kele.
4E hage ko te gigila o te malama;
E mavae ni kave gigila i tona nima,
I hena e nofo ai tona malohi.
5I ona mua e haele ai te taimahaki,
Pea e muli ia ia te taimahaki.
6E tuu ia ia, pea e ina fuafua te kele aki ona mata;
E sio ia ia, pea e ina fakatete te atu puleaga.
E mafahifahi te u mouga lalahi afea,
E holo te u mouga liliki afea,
E avaava te u ala afea i ona mua.
7E au sio kua nonofo i te mamahi te u falela o Etiopia,
Pea kua nonofo i te mataku te u falela o te fenua o Matiane.
8Pe e ita te Eteleno ki te u vaitafe?
Pe e mu tou ita ki te u vaitafe?
Pe ko te tai ae e ke liligi ki ai tou hauhau,
Ke ke heka ai ki au hosi,
Pea mo tau saliote o te malo?
9Kua telefua tau nahau,
Ko te u malaia ko te u nahau o au folafola…
— Mamanava.
E ke fahii te kele ke hali ai te u vaitafe.
10E tete te u mouga i tanatou sisio kia koe,
E fakalofia e te u ua malohi te kele,
E gugulu te moana loloto,
E ina lagai ona galu o kaku ki te lagi.
11I te malama o au nahau ae e lele,
I mua o te tapa gigila o tau tao,
E tutuu te laa mo te mahina i ona nofoaga.
12E ke folii te kele i tou itaita,
E ke malamalaki te atu puleaga i tou hauhau.
13E ke ulu mai o haofaki tau hahai,
O haofaki tau filifiliia.
E ke fasii te fakafisi o te fale o te tagata agakovi,
E ke maumaui osi tona fale katoa…
— Mamanava.
14E ke hoka aki au nahau te ulu o ona pule,
Ae e oho mai kia au o hage ko he afa, ke natou fakamavetevete au,
Kua natou taukalaga fakafiafia,
O hage kua natou folo te tagata fakaofaofa i tona nonoaga.
15E ke malamalaki te tai aki au hosi, mo te pela o te atu vai lalahi.
16Nee au logo… Pea nee malave i oku tootooga.
I te leo aia, e tete oku laugutu,
E osiosi oku hui,
Pea e tete oku tuli:
E tonu ke au talitali fakalologo ki te aho o te mamahi,
Te aho ae e haele ai anai te tagata fakataga ki te hahai.
17Koteuhi e mole matala anai te fiki,
E mole tuku anai e te vite he mea,
E puli anai te fua o te oliveto,
E mole tuku anai e te u gaueaga he meakai;
E pupuli anai te u ovi i te u lotoa manu,
Pea e mole toe mau anai ni pipi i te u fale manu.
18Kae, e au loto ke au fakafiafia i te Eteleno,
E au loto ke au fakafiafia i te Atua o toku fakamauli.
19Ko te Eteleno, te Aliki, ko toku malohiaga;
E ina fakaliliu oku vae o hage ko ae o te u tia fafine,
Pea e ina fakahaele au i oku potu maoluga.
Ki te pule o te kau hiva. Ki ni mea faimusika uka.
Currently Selected:
HAPAKUKE 3: WB2011
Highlight
Copy
Compare
Share
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
HAPAKUKE 3
3
Katiko a Hapakuke
1Ko te kole a te polofeta ko Hapakuke, ae nee faufau o hage ko he hiva mate.
2Eteleno, nee au logo ki te mea ae nee ke fakaha, pea kua au fonu i te mataku.
Oi Eteleno, fakahoko tau gaueaga lolotoga te u tau ka hoko mai!
Io, fakaha ia ia i te u tau ka hoko mai! Kae i tou hauhau, manatui ou manavaofa!
3E hau te Atua mai Temane,
E hau te Sagato mai te mouga o Palani…
— Mamanava.
E fakafonu e tana afio te atu lagi,
Pea e fakafonu e tona kololia te kele.
4E hage ko te gigila o te malama;
E mavae ni kave gigila i tona nima,
I hena e nofo ai tona malohi.
5I ona mua e haele ai te taimahaki,
Pea e muli ia ia te taimahaki.
6E tuu ia ia, pea e ina fuafua te kele aki ona mata;
E sio ia ia, pea e ina fakatete te atu puleaga.
E mafahifahi te u mouga lalahi afea,
E holo te u mouga liliki afea,
E avaava te u ala afea i ona mua.
7E au sio kua nonofo i te mamahi te u falela o Etiopia,
Pea kua nonofo i te mataku te u falela o te fenua o Matiane.
8Pe e ita te Eteleno ki te u vaitafe?
Pe e mu tou ita ki te u vaitafe?
Pe ko te tai ae e ke liligi ki ai tou hauhau,
Ke ke heka ai ki au hosi,
Pea mo tau saliote o te malo?
9Kua telefua tau nahau,
Ko te u malaia ko te u nahau o au folafola…
— Mamanava.
E ke fahii te kele ke hali ai te u vaitafe.
10E tete te u mouga i tanatou sisio kia koe,
E fakalofia e te u ua malohi te kele,
E gugulu te moana loloto,
E ina lagai ona galu o kaku ki te lagi.
11I te malama o au nahau ae e lele,
I mua o te tapa gigila o tau tao,
E tutuu te laa mo te mahina i ona nofoaga.
12E ke folii te kele i tou itaita,
E ke malamalaki te atu puleaga i tou hauhau.
13E ke ulu mai o haofaki tau hahai,
O haofaki tau filifiliia.
E ke fasii te fakafisi o te fale o te tagata agakovi,
E ke maumaui osi tona fale katoa…
— Mamanava.
14E ke hoka aki au nahau te ulu o ona pule,
Ae e oho mai kia au o hage ko he afa, ke natou fakamavetevete au,
Kua natou taukalaga fakafiafia,
O hage kua natou folo te tagata fakaofaofa i tona nonoaga.
15E ke malamalaki te tai aki au hosi, mo te pela o te atu vai lalahi.
16Nee au logo… Pea nee malave i oku tootooga.
I te leo aia, e tete oku laugutu,
E osiosi oku hui,
Pea e tete oku tuli:
E tonu ke au talitali fakalologo ki te aho o te mamahi,
Te aho ae e haele ai anai te tagata fakataga ki te hahai.
17Koteuhi e mole matala anai te fiki,
E mole tuku anai e te vite he mea,
E puli anai te fua o te oliveto,
E mole tuku anai e te u gaueaga he meakai;
E pupuli anai te u ovi i te u lotoa manu,
Pea e mole toe mau anai ni pipi i te u fale manu.
18Kae, e au loto ke au fakafiafia i te Eteleno,
E au loto ke au fakafiafia i te Atua o toku fakamauli.
19Ko te Eteleno, te Aliki, ko toku malohiaga;
E ina fakaliliu oku vae o hage ko ae o te u tia fafine,
Pea e ina fakahaele au i oku potu maoluga.
Ki te pule o te kau hiva. Ki ni mea faimusika uka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland