Tohi a Paulo ki te kau EFESO 6
6
Fanau mo matua
1U fanau, kotou fakalogo ki akotou matua i te Aliki, he ko te mea aia e tonu. 2Fakaapaapa ki tau tamai mo tau fae, ko te uluaki fakatotonu aia, pea e muli i ai he fakapapau, 3koteuhi ke ke mau te manuia mo te mauli loa i te kele.
4Pea ko koutou, u tamai, aua naa koutou fakatupu ita ki akotou fanau, kae ke koutou taupau natou o tuku he ako pea mo he lekula i te Aliki.
Pule mo te u tagata faifekau
5U faifekau, kotou fakalogo ki okotou pule fakamalama, i te mataku mo te lulu, i te loto faigafua, o hage kia Kilisito, 6o mole gata pe i onatou mua, o hage ke matalelei ki te u tagata, kae o hage ko ni tagata faifekau a Kilisito, ae e natou fai i te lotokatoa te finegalo o te Atua. 7Koutou tauhi natou i te lotolelei, o hage e kotou tauhi ki te Aliki kae mole ki ni tagata, 8o kotou iloi e tali anai e te tagata takitahi, pee popula, pee ateaina, mai te Aliki o mulimuli ki te lelei nee ina fai.
9Pea ko koutou, u pule, koutou fai fena kia natou, pea aua naa koutou fakamatakui natou, ke kotou iloi e i te lagi tonatou pule mo tokotou, pea e mole ina fakakehei he tahi i ona mua.
Mahafu a te kilisitiano
10Fakaosi, kotou fakamalohii koutou i te Aliki, pea kotou fakamalohii aki tona malohi mafimafi. 11Kotou kofu te u mahafu tau fuli a te Atua, ke feala ai takotou tuu o fehagai ki te u puleaki kaka a te tiapolo. 12He ko tatatou tau e mole ko he tau fakafehagai ki te kakano mo te toto, kae fakafehagai ki te u lagiaki, mo te u pule, mo te u aliki o te malama aeni o te fakapouli, mo te u laumalie agakovi i te u potu fakalagi. 13Koia, kotou too te u mahafu tau fuli a te Atua, ke feala ai takotou tuu mau i te aho kovi, pea mo takotou tutuu malohi moka osi takotou malo i te u mea fuli. 14Koia, kotou tuu ke mau: Kotou tui i okotou vakavaka te kilii pipi o te mooni, kotou tui ki te fatafata te kofu tau o te faitotonu, 15kotou tui ki okotou vae te u sulie o te mafi e foaki e te Evaselio o te tokalelei; 16kotou too i oluga o te u mea fuli aena te paletau o te tui, ke feala ai takotou tamatei te u nahau uloulo fuli a te tagata kovi; 17kotou too foki te puloga tau o te fakamauli, mo te heleta a te Laumalie, ae ko te folafola a te Atua. 18Kotou fai i te temi fuli aki te Laumalie te u kole kehekehe fuli pea mo ni tagi. Kotou tokaga ki te mea aena mo he kataki katoa, pea kotou hufaki te kau sagato fuli. 19Kotou hufaki au, ke foaki mai kia au, mo ka au avahi toku gutu, ke au fakaha i te loto toa pea mo te ateaina te misitelio o te Evaselio, 20ae kua au hoko ai ko tona fakafofoga kua hai ki te u seini, pea ke au toa i te palalau, he ko te maua ke au palalau ki ai.
Fakaalofa
21Pea ke kotou iloi foki te mea o uhiga mo au, mo te mea e au fai, ko Tisike, te tehina ofaina mo te faifekau agatonu a te Aliki, e ina fakaha atu anai kia koutou te u mea fuli. 22Kua au fekaui tafito atu ia kia koutou, ke kotou iloi tomatou aluaga, pea ke ina fakafimaliei okotou loto.
23Ke foaki te tokalelei, mo te ofa, pea mo te tui ki te u tehina e te Atua ko te Tamai pea mo te Aliki ko Sesu-Kilisito! 24Ke nofo te kalasia ia natou fuli e ofa ki totatou Aliki ko Sesu-Kilisito i he ofa hee popo.
Currently Selected:
Tohi a Paulo ki te kau EFESO 6: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Tohi a Paulo ki te kau EFESO 6
6
Fanau mo matua
1U fanau, kotou fakalogo ki akotou matua i te Aliki, he ko te mea aia e tonu. 2Fakaapaapa ki tau tamai mo tau fae, ko te uluaki fakatotonu aia, pea e muli i ai he fakapapau, 3koteuhi ke ke mau te manuia mo te mauli loa i te kele.
4Pea ko koutou, u tamai, aua naa koutou fakatupu ita ki akotou fanau, kae ke koutou taupau natou o tuku he ako pea mo he lekula i te Aliki.
Pule mo te u tagata faifekau
5U faifekau, kotou fakalogo ki okotou pule fakamalama, i te mataku mo te lulu, i te loto faigafua, o hage kia Kilisito, 6o mole gata pe i onatou mua, o hage ke matalelei ki te u tagata, kae o hage ko ni tagata faifekau a Kilisito, ae e natou fai i te lotokatoa te finegalo o te Atua. 7Koutou tauhi natou i te lotolelei, o hage e kotou tauhi ki te Aliki kae mole ki ni tagata, 8o kotou iloi e tali anai e te tagata takitahi, pee popula, pee ateaina, mai te Aliki o mulimuli ki te lelei nee ina fai.
9Pea ko koutou, u pule, koutou fai fena kia natou, pea aua naa koutou fakamatakui natou, ke kotou iloi e i te lagi tonatou pule mo tokotou, pea e mole ina fakakehei he tahi i ona mua.
Mahafu a te kilisitiano
10Fakaosi, kotou fakamalohii koutou i te Aliki, pea kotou fakamalohii aki tona malohi mafimafi. 11Kotou kofu te u mahafu tau fuli a te Atua, ke feala ai takotou tuu o fehagai ki te u puleaki kaka a te tiapolo. 12He ko tatatou tau e mole ko he tau fakafehagai ki te kakano mo te toto, kae fakafehagai ki te u lagiaki, mo te u pule, mo te u aliki o te malama aeni o te fakapouli, mo te u laumalie agakovi i te u potu fakalagi. 13Koia, kotou too te u mahafu tau fuli a te Atua, ke feala ai takotou tuu mau i te aho kovi, pea mo takotou tutuu malohi moka osi takotou malo i te u mea fuli. 14Koia, kotou tuu ke mau: Kotou tui i okotou vakavaka te kilii pipi o te mooni, kotou tui ki te fatafata te kofu tau o te faitotonu, 15kotou tui ki okotou vae te u sulie o te mafi e foaki e te Evaselio o te tokalelei; 16kotou too i oluga o te u mea fuli aena te paletau o te tui, ke feala ai takotou tamatei te u nahau uloulo fuli a te tagata kovi; 17kotou too foki te puloga tau o te fakamauli, mo te heleta a te Laumalie, ae ko te folafola a te Atua. 18Kotou fai i te temi fuli aki te Laumalie te u kole kehekehe fuli pea mo ni tagi. Kotou tokaga ki te mea aena mo he kataki katoa, pea kotou hufaki te kau sagato fuli. 19Kotou hufaki au, ke foaki mai kia au, mo ka au avahi toku gutu, ke au fakaha i te loto toa pea mo te ateaina te misitelio o te Evaselio, 20ae kua au hoko ai ko tona fakafofoga kua hai ki te u seini, pea ke au toa i te palalau, he ko te maua ke au palalau ki ai.
Fakaalofa
21Pea ke kotou iloi foki te mea o uhiga mo au, mo te mea e au fai, ko Tisike, te tehina ofaina mo te faifekau agatonu a te Aliki, e ina fakaha atu anai kia koutou te u mea fuli. 22Kua au fekaui tafito atu ia kia koutou, ke kotou iloi tomatou aluaga, pea ke ina fakafimaliei okotou loto.
23Ke foaki te tokalelei, mo te ofa, pea mo te tui ki te u tehina e te Atua ko te Tamai pea mo te Aliki ko Sesu-Kilisito! 24Ke nofo te kalasia ia natou fuli e ofa ki totatou Aliki ko Sesu-Kilisito i he ofa hee popo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland