Tohi a Paulo ki te kau FILIPE 1
1
Fakaalofa
1Paulo mo Timoteo, ko te u tagata faifekau a Sesu-Kilisito, ki te kau sagato fuli ia Sesu-Kilisito i Filipe, ki te kau epikopo, pea mo te kau tiakono: 2Ke foaki kia koutou te kalasia mo te tokalelei e te Atua tatatou tamai pea mo te Aliki ko Sesu-Kilisito!
Ofa o Paulo ki te kau Filipe
3E au fakafetai ki toku Atua o uhiga mo koutou i te temi fuli e au manatu ai kia koutou, 4o mole toe gata taku hufaki koutou, 5pea mo taku fakaha toku fiafia uhi ko te vaega nee koutou too i te Evaselio, talu mai te uluaki aho o kaku mai ki te aho nei. 6E au iloi papau ko ia ae nee ina kamata ia koutou te gaue lelei aia e ina fakahoko anai ia ke lelei tukupau o uhiga mo te aho o Sesu-Kilisito. 7E totonu ke au manatu fena kia koutou fuli, koteuhi e au amo koutou i toku loto, pee i oku seini, pee i te taofi pea mo te fakamooni o te Evaselio, koutou ae e kau fuli mo au ki te kalasia e tahi. 8Koteuhi e fakamooni te Atua kia au e au ofa mamahi kia koutou fuli i te ofa o Sesu-Kilisito. 9Pea ko te mea e au kole i aku faikole, ke tuputupua tokotou ofa o lahi i te iloilo pea mo te atamai katoa, 10ke koutou filifili te u mea e lelei tukupau, koteuhi ke koutou maa mo hee mele i te aho o Kilisito, 11pea ke koutou fonu i te u gaue lelei o te faitotonu e fakahoko e Sesu-Kilisito ki te fakakololia mo te fakavikiviki o te Atua.
Ko te pilisoni o Paulo e aoga ki te fakamafola o te Evaselio
12E au loto ke kotou iloi, u tehina, ko te mea nee hoko mai kia au nee aoga tafito ia ki te fakalakalaka ki mua o te Evaselio. 13Koia, i te fale katoa o te hau o Loma pea mo te u kogamea fuli, e mole kei puli ki he tahi taku nofo mo te u seini uhi ko Kilisito. 14Pea ko te tokolahi o te u tehina i te Aliki kua natou lotomalohi uhi ko oku hai, pea kua natou asilisili lototoa i te fakaha o te Evaselio, e mole kei natou mataku.
15E mooni, ko ihi e natou akonaki Kilisito i te fakafinenonofo mo te fakafifihi; kae ko ihi e natou akonaki Kilisito mo ni loto fakaofaofa. 16Ko natou aeni e natou fai i te ofa, i tanatou iloi nee fakanofo au e te Atua o uhiga mo te haofaki o te Evaselio. 17Kae ko natou aena e natou akonaki Kilisito mo he loto fakafifihi, mo ni manatu e mole maa; pea e natou manatu ke natou lesili fakamamahii au i oku seini. 18He mea pe! i te mea fuli, pee i te manatu hala, pee i te mooni, e natou fakaha ia Kilisito; pea e au fiafia i te mea aia, pea e au hoko atu anai taku fakafiafia i ai. 19Koteuhi e au iloi e maliu anai te mea aia ki toku fakamauli, uhi ko akotou faikole pea mo te tokoni e aumai e te Laumalie o Sesu-Kilisito. 20O mulimuli ki te mea e au talitali ki ai pea e au amanaki lelei ki ai, e mole au ufiufi anai i he mea, kae i te lakaga nei o hage ko te faiaga fuli, e fakakololiai anai Kilisito i toku sino aki he lototoa katoa, pee aki toku mauli, pee aki toku mate; 21he kia au, ko Kilisito ko toku mauli, pea ko te mate ko toku malo.
22Kae kapau e aoga ki taku gaue ke au mauli i te kakano, e mole au iloi te mea e tonu ke au filifili. 23E toho au e mea e lua: E au mau te holi ke au alu pea ke au fakatahi mo Kilisito, ko he mea ia e lelei tukupau age; 24kae o uhiga mo koutou e aoga age ke au nofo i te kakano. 25Pea e au iloi papau i toku loto, e au iloi e au mauli anai pea e au nofo anai mo koutou fuli, o uhiga mo tokotou fakalakalaka ki mua pea mo tokotou fiafia i te tui, 26pea i taku toe liliu atu kia koutou, e koutou mau anai he mea ke koutou fakakololia ai kia Sesu-Kilisito uhi ko au.
Fakamalohi ki te faakataki
27Kehe pe, ke koutou haele i he haele e tuha mo te Evaselio o Kilisito, koteuhi pe e au alu atu o fakasiosio koutou, pe e au puli, ke au logo e koutou tuumalohi i he loto e tahi, o tau i he laumalie e tahi o uhiga mo te tui o te Evaselio; 28pea ke aua naa koutou mataku i he mea pe e hau mai okotou fili, ko te mea aia ko he fakamooni o te malaia kia natou, kae o te fakamauli kia koutou; 29pea e hau te mea aia mai te Atua, koteuhi kua tuku atu kia koutou te kalasia uhi ko Kilisito, ke aua naa gata pe i takotou tui kia ia, kae ke kotou toe mamahi foki uhi ko ia, 30i takotou too tokotou vaega i te tau ae nee kotou sio nee au fai, pea e kotou logo e au lolotoga fai i te lakaga nei.
Currently Selected:
Tohi a Paulo ki te kau FILIPE 1: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Tohi a Paulo ki te kau FILIPE 1
1
Fakaalofa
1Paulo mo Timoteo, ko te u tagata faifekau a Sesu-Kilisito, ki te kau sagato fuli ia Sesu-Kilisito i Filipe, ki te kau epikopo, pea mo te kau tiakono: 2Ke foaki kia koutou te kalasia mo te tokalelei e te Atua tatatou tamai pea mo te Aliki ko Sesu-Kilisito!
Ofa o Paulo ki te kau Filipe
3E au fakafetai ki toku Atua o uhiga mo koutou i te temi fuli e au manatu ai kia koutou, 4o mole toe gata taku hufaki koutou, 5pea mo taku fakaha toku fiafia uhi ko te vaega nee koutou too i te Evaselio, talu mai te uluaki aho o kaku mai ki te aho nei. 6E au iloi papau ko ia ae nee ina kamata ia koutou te gaue lelei aia e ina fakahoko anai ia ke lelei tukupau o uhiga mo te aho o Sesu-Kilisito. 7E totonu ke au manatu fena kia koutou fuli, koteuhi e au amo koutou i toku loto, pee i oku seini, pee i te taofi pea mo te fakamooni o te Evaselio, koutou ae e kau fuli mo au ki te kalasia e tahi. 8Koteuhi e fakamooni te Atua kia au e au ofa mamahi kia koutou fuli i te ofa o Sesu-Kilisito. 9Pea ko te mea e au kole i aku faikole, ke tuputupua tokotou ofa o lahi i te iloilo pea mo te atamai katoa, 10ke koutou filifili te u mea e lelei tukupau, koteuhi ke koutou maa mo hee mele i te aho o Kilisito, 11pea ke koutou fonu i te u gaue lelei o te faitotonu e fakahoko e Sesu-Kilisito ki te fakakololia mo te fakavikiviki o te Atua.
Ko te pilisoni o Paulo e aoga ki te fakamafola o te Evaselio
12E au loto ke kotou iloi, u tehina, ko te mea nee hoko mai kia au nee aoga tafito ia ki te fakalakalaka ki mua o te Evaselio. 13Koia, i te fale katoa o te hau o Loma pea mo te u kogamea fuli, e mole kei puli ki he tahi taku nofo mo te u seini uhi ko Kilisito. 14Pea ko te tokolahi o te u tehina i te Aliki kua natou lotomalohi uhi ko oku hai, pea kua natou asilisili lototoa i te fakaha o te Evaselio, e mole kei natou mataku.
15E mooni, ko ihi e natou akonaki Kilisito i te fakafinenonofo mo te fakafifihi; kae ko ihi e natou akonaki Kilisito mo ni loto fakaofaofa. 16Ko natou aeni e natou fai i te ofa, i tanatou iloi nee fakanofo au e te Atua o uhiga mo te haofaki o te Evaselio. 17Kae ko natou aena e natou akonaki Kilisito mo he loto fakafifihi, mo ni manatu e mole maa; pea e natou manatu ke natou lesili fakamamahii au i oku seini. 18He mea pe! i te mea fuli, pee i te manatu hala, pee i te mooni, e natou fakaha ia Kilisito; pea e au fiafia i te mea aia, pea e au hoko atu anai taku fakafiafia i ai. 19Koteuhi e au iloi e maliu anai te mea aia ki toku fakamauli, uhi ko akotou faikole pea mo te tokoni e aumai e te Laumalie o Sesu-Kilisito. 20O mulimuli ki te mea e au talitali ki ai pea e au amanaki lelei ki ai, e mole au ufiufi anai i he mea, kae i te lakaga nei o hage ko te faiaga fuli, e fakakololiai anai Kilisito i toku sino aki he lototoa katoa, pee aki toku mauli, pee aki toku mate; 21he kia au, ko Kilisito ko toku mauli, pea ko te mate ko toku malo.
22Kae kapau e aoga ki taku gaue ke au mauli i te kakano, e mole au iloi te mea e tonu ke au filifili. 23E toho au e mea e lua: E au mau te holi ke au alu pea ke au fakatahi mo Kilisito, ko he mea ia e lelei tukupau age; 24kae o uhiga mo koutou e aoga age ke au nofo i te kakano. 25Pea e au iloi papau i toku loto, e au iloi e au mauli anai pea e au nofo anai mo koutou fuli, o uhiga mo tokotou fakalakalaka ki mua pea mo tokotou fiafia i te tui, 26pea i taku toe liliu atu kia koutou, e koutou mau anai he mea ke koutou fakakololia ai kia Sesu-Kilisito uhi ko au.
Fakamalohi ki te faakataki
27Kehe pe, ke koutou haele i he haele e tuha mo te Evaselio o Kilisito, koteuhi pe e au alu atu o fakasiosio koutou, pe e au puli, ke au logo e koutou tuumalohi i he loto e tahi, o tau i he laumalie e tahi o uhiga mo te tui o te Evaselio; 28pea ke aua naa koutou mataku i he mea pe e hau mai okotou fili, ko te mea aia ko he fakamooni o te malaia kia natou, kae o te fakamauli kia koutou; 29pea e hau te mea aia mai te Atua, koteuhi kua tuku atu kia koutou te kalasia uhi ko Kilisito, ke aua naa gata pe i takotou tui kia ia, kae ke kotou toe mamahi foki uhi ko ia, 30i takotou too tokotou vaega i te tau ae nee kotou sio nee au fai, pea e kotou logo e au lolotoga fai i te lakaga nei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland