Lua tohi a Paulo ki te kau KOLINITO 6
6
Fakamalalo mo te agatonu a Paulo
1Koteuhi e ma kau gaue mo te Atua, e ma kolekole foki kia koutou ke aua naa kotou tuku ke tonoa te kalasia o te Atua. 2Koteuhi e ui i te Tohi:
I te temi faigamalie nee au tali ia koe,
I te aho o te fakamauli nee au tokoni kia koe. Sio, koeni te temi faigamalie; sio, koeni te aho o te fakamauli. 3E mole ma loto ke higa he tahi i he mea, ke aua naa liliu te gaue ko he mea fakatupu laukovi. 4Kae e ma faiga ke ma lelei kia koutou i te u mea fuli, o hage ko ni tagata faifekau a te Atua, i he kataki fualoa i te u mamahi, i te masiva, i te u tuutamaki, 5i te u haha, i te u pilisoni, i te u maveuveu, i te u gaue mamahi, i te u alaala pouli, i te u sesunio; 6i te maonioni, i te iloilo, i te kataki fualoa, i te agalelei, i te Laumalie Maonioni, i te ofa mooni, 7i te folafola o te mooni, i te malohi o te Atua, i te u mahafu tau mo te u mahafu tali tau o te maonioni; 8i te lotomalie o te kololia mo te matagafua, i te lotomalie o te logologona lelei mo te logologona kovi; o hage ko ni tagata kaka, kae e ma mooni; 9o hage ko ni tagata e mole iloi, kae e iloi lelei maua; o hage ko ni tagata kua mate, pea koeni e ma mauli; o hage ko ni tagata e tautea, kae e mole tamatei; 10o hage ko ni tagata e loto mamahi, kae e ma fiafia tuumau; o hage ko ni masisiva, kae e ma fakakoloa te kaugamalie; o hage ko ni tagata e mole hama u mea, kae e ma mau te mea fuli.
Kalaga ki te mavae mo te fakamaa
11Kua ava atu oma gutu kia koutou, kau Kolinito, kua avahi fakalaulahi atu kia koutou oma loto, 12e mole kotou gaohaaia pe i ai, kae ko tokotou loto ae kua lauveliveli kia maua. 13Ke kotou liufaki mai kia maua te tatau, e au palalau atu kia koutou o hage ki ni aku fanau totonu, koutou fakalaulahi foki tokotou loto!
14Aua naa kotou kau fakatahi mo te kau hee agatonu i lalo o he akau taki matapule. Koteuhi e fakatahi feafeai te maonioni mo te agahala? Pe e fakatahi feafeai te malama mo te fakapouli? 15Pe e i ai he felogoi ia Kilisito mo Peliale (Satana)? Pe e vaega tahi ae e tui mo ae e mole tui? 16Ko te mea fea e fakatahi ai te fale tapu o te Atua mo te u taulaatua? Koteuhi ko te fale tapu tatou o te Atua mauli, o hage ko te ui a te Atua: E au nofo anai pea e au haele anai i te lotomalie o natou; e au liliu anai ko tonatou Atua, pea e natou liliu anai ko taku hahai. 17Koia e ui ai e te Aliki: Koutou omai kehe maia natou, Pea kotou mavae kehe, e ui e te Aliki; Aua naa kotou fafa ki te mea ae e uli, Pea e au tali anai koutou. 18E au hage anai kia koutou ko he Tamai, Pea e kotou hage anai kia au ko ni foha mo ni ofafine, E folafola te Aliki Mafimafi.
Currently Selected:
Lua tohi a Paulo ki te kau KOLINITO 6: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Lua tohi a Paulo ki te kau KOLINITO 6
6
Fakamalalo mo te agatonu a Paulo
1Koteuhi e ma kau gaue mo te Atua, e ma kolekole foki kia koutou ke aua naa kotou tuku ke tonoa te kalasia o te Atua. 2Koteuhi e ui i te Tohi:
I te temi faigamalie nee au tali ia koe,
I te aho o te fakamauli nee au tokoni kia koe. Sio, koeni te temi faigamalie; sio, koeni te aho o te fakamauli. 3E mole ma loto ke higa he tahi i he mea, ke aua naa liliu te gaue ko he mea fakatupu laukovi. 4Kae e ma faiga ke ma lelei kia koutou i te u mea fuli, o hage ko ni tagata faifekau a te Atua, i he kataki fualoa i te u mamahi, i te masiva, i te u tuutamaki, 5i te u haha, i te u pilisoni, i te u maveuveu, i te u gaue mamahi, i te u alaala pouli, i te u sesunio; 6i te maonioni, i te iloilo, i te kataki fualoa, i te agalelei, i te Laumalie Maonioni, i te ofa mooni, 7i te folafola o te mooni, i te malohi o te Atua, i te u mahafu tau mo te u mahafu tali tau o te maonioni; 8i te lotomalie o te kololia mo te matagafua, i te lotomalie o te logologona lelei mo te logologona kovi; o hage ko ni tagata kaka, kae e ma mooni; 9o hage ko ni tagata e mole iloi, kae e iloi lelei maua; o hage ko ni tagata kua mate, pea koeni e ma mauli; o hage ko ni tagata e tautea, kae e mole tamatei; 10o hage ko ni tagata e loto mamahi, kae e ma fiafia tuumau; o hage ko ni masisiva, kae e ma fakakoloa te kaugamalie; o hage ko ni tagata e mole hama u mea, kae e ma mau te mea fuli.
Kalaga ki te mavae mo te fakamaa
11Kua ava atu oma gutu kia koutou, kau Kolinito, kua avahi fakalaulahi atu kia koutou oma loto, 12e mole kotou gaohaaia pe i ai, kae ko tokotou loto ae kua lauveliveli kia maua. 13Ke kotou liufaki mai kia maua te tatau, e au palalau atu kia koutou o hage ki ni aku fanau totonu, koutou fakalaulahi foki tokotou loto!
14Aua naa kotou kau fakatahi mo te kau hee agatonu i lalo o he akau taki matapule. Koteuhi e fakatahi feafeai te maonioni mo te agahala? Pe e fakatahi feafeai te malama mo te fakapouli? 15Pe e i ai he felogoi ia Kilisito mo Peliale (Satana)? Pe e vaega tahi ae e tui mo ae e mole tui? 16Ko te mea fea e fakatahi ai te fale tapu o te Atua mo te u taulaatua? Koteuhi ko te fale tapu tatou o te Atua mauli, o hage ko te ui a te Atua: E au nofo anai pea e au haele anai i te lotomalie o natou; e au liliu anai ko tonatou Atua, pea e natou liliu anai ko taku hahai. 17Koia e ui ai e te Aliki: Koutou omai kehe maia natou, Pea kotou mavae kehe, e ui e te Aliki; Aua naa kotou fafa ki te mea ae e uli, Pea e au tali anai koutou. 18E au hage anai kia koutou ko he Tamai, Pea e kotou hage anai kia au ko ni foha mo ni ofafine, E folafola te Aliki Mafimafi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland