Lua tohi a Paulo ki te kau KOLINITO 7
7
1Koia, u ofaaga, i te mau o te u fakapapau aena, tou fakamaa tatou mai te u mea fuli ae e natou ulihi te sino mo te Laumalie, o fakaosi tatatou fakamaonioni i te kakano i te mataku ki te Atua.
Mamahi i te Atua, fiafia o Paulo
2Kotou tuku mai kia maua he nofoaga i okotou loto! Nee mole ma hala ki he tahi, nee mole ma fakamasivai he tahi, nee mole ma fakagauei he tahi kia maua. 3E mole au palalau fena atu kia koutou ke tautea ai koutou; koteuhi kua osi i taku fakaha e kotou nonofo i oma loto ki te mauli mo te mate. 4E au nofo mo he falala lahi kia koutou, e au mau he fiafia katoa o uhiga mo koutou i te u mea fuli; e au fonu i te fimalie, pea e au fonu gutugutu i te fiafia i te lotomalie o te u mamahi fuli. 5Koteuhi, talu tama kaku mai ki Masetonia nei, nee mole mau pe e oma sino he malolo; nee ma tali te u mamahi kehekehe: Tau i tua, tuania i loto. 6Kae ko te Atua, ae e ina fakafimaliei natou ae kua siaki ki lalo, nee ina fakafimaliei maua ki te kaku mai a Tito, 7pea nee ma toe lotomalohi o mole i tana kaku mai pe, kae toe lahi age i te mea ae nee ina fakamatala mai o uhiga mo takotou fakafimaliei ia ia totonu. Nee ina fakamatala mai kia maua te lahi o tokotou fia sio kia au, mo te lahi o tokotou lotomamahi, mo te lahi o tokotou ofa kia au. Koia i te temi nei kua toe lahi age toku fiafia.
8Koteuhi, kapau nee kotou mamahi i taku tohi, e mole au fakahemala ki te mea aena; pea, kapau nee au fakahemala i te mea aena, koteuhi e au sio nee fakalotomamahii koutou e te tohi aena i he kii temi, 9kae e au fiafia i te hola aeni, o mole tupu ko tokotou lotomamahi, kae o tupu kua ave koutou e te mamahi aena ki te fakahemala, koteuhi nee fakamamahii koutou i te finegalo o te Atua, o tupu ke aua naa ma fai he mea kovi kia koutou. 10Koia, ko te lotomamahi mai te Atua e ina fakatupu he fakahemala ki te mauli, ae e mole tou toe fakahemala ki ai, kae ko te lotomamahi mai te malamanei e ina fakatupu te mate. 11Pea kua kotou sio ki te u fua ae nee fakatupu e te Atua mai te lotomamahi aia, ki te tokaga ae nee kotou mau mai ai! Ki te fia fakatokatoka o te u mea fuli, ki te fehia ki te mea e kovi, ki te tuania, ki te holi mamahi ke kotou sio kia au, ki te holi malohi ki he tua e totonu! Nee kotou fakaha i te u mea fuli e kotou maa i te mea aia.
12Kapau nee au faitohi atu kia koutou, nee mole tupu ko ae nee ina fai te agakovi, pee ko ae nee ina tali te agakovi, kae nee tupu ke fakaha ai, ia mua o te Atua, tokotou ofa lahi kia maua i te lotolotoga o koutou. 13Koia kua ma fimalie i te mea aia. Kae kua toe lahi age toma fiafia o tupu ko te fiafia o Tito, ae nee kotou fakafimaliei tona loto. 14Pea kapau i ona mua nee au fakakololia fakasiisii kia koutou, e mole au ufiufi ai; kae, o hage ko tama fakaha tuumau te mooni, nee toe mooni foki te mea nee ma fakakololia ai ia mua o Tito. 15Pea ko tona manavaofa kia koutou kua toe lahi kehe age, i tana manatu ki takotou fakalogo ia koutou fuli, pea mo takotou tali ia mo he loto fakaapaapa mo he loto tete. 16E au fiafia i taku falala kia koutou i te u mea fuli.
Currently Selected:
Lua tohi a Paulo ki te kau KOLINITO 7: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Lua tohi a Paulo ki te kau KOLINITO 7
7
1Koia, u ofaaga, i te mau o te u fakapapau aena, tou fakamaa tatou mai te u mea fuli ae e natou ulihi te sino mo te Laumalie, o fakaosi tatatou fakamaonioni i te kakano i te mataku ki te Atua.
Mamahi i te Atua, fiafia o Paulo
2Kotou tuku mai kia maua he nofoaga i okotou loto! Nee mole ma hala ki he tahi, nee mole ma fakamasivai he tahi, nee mole ma fakagauei he tahi kia maua. 3E mole au palalau fena atu kia koutou ke tautea ai koutou; koteuhi kua osi i taku fakaha e kotou nonofo i oma loto ki te mauli mo te mate. 4E au nofo mo he falala lahi kia koutou, e au mau he fiafia katoa o uhiga mo koutou i te u mea fuli; e au fonu i te fimalie, pea e au fonu gutugutu i te fiafia i te lotomalie o te u mamahi fuli. 5Koteuhi, talu tama kaku mai ki Masetonia nei, nee mole mau pe e oma sino he malolo; nee ma tali te u mamahi kehekehe: Tau i tua, tuania i loto. 6Kae ko te Atua, ae e ina fakafimaliei natou ae kua siaki ki lalo, nee ina fakafimaliei maua ki te kaku mai a Tito, 7pea nee ma toe lotomalohi o mole i tana kaku mai pe, kae toe lahi age i te mea ae nee ina fakamatala mai o uhiga mo takotou fakafimaliei ia ia totonu. Nee ina fakamatala mai kia maua te lahi o tokotou fia sio kia au, mo te lahi o tokotou lotomamahi, mo te lahi o tokotou ofa kia au. Koia i te temi nei kua toe lahi age toku fiafia.
8Koteuhi, kapau nee kotou mamahi i taku tohi, e mole au fakahemala ki te mea aena; pea, kapau nee au fakahemala i te mea aena, koteuhi e au sio nee fakalotomamahii koutou e te tohi aena i he kii temi, 9kae e au fiafia i te hola aeni, o mole tupu ko tokotou lotomamahi, kae o tupu kua ave koutou e te mamahi aena ki te fakahemala, koteuhi nee fakamamahii koutou i te finegalo o te Atua, o tupu ke aua naa ma fai he mea kovi kia koutou. 10Koia, ko te lotomamahi mai te Atua e ina fakatupu he fakahemala ki te mauli, ae e mole tou toe fakahemala ki ai, kae ko te lotomamahi mai te malamanei e ina fakatupu te mate. 11Pea kua kotou sio ki te u fua ae nee fakatupu e te Atua mai te lotomamahi aia, ki te tokaga ae nee kotou mau mai ai! Ki te fia fakatokatoka o te u mea fuli, ki te fehia ki te mea e kovi, ki te tuania, ki te holi mamahi ke kotou sio kia au, ki te holi malohi ki he tua e totonu! Nee kotou fakaha i te u mea fuli e kotou maa i te mea aia.
12Kapau nee au faitohi atu kia koutou, nee mole tupu ko ae nee ina fai te agakovi, pee ko ae nee ina tali te agakovi, kae nee tupu ke fakaha ai, ia mua o te Atua, tokotou ofa lahi kia maua i te lotolotoga o koutou. 13Koia kua ma fimalie i te mea aia. Kae kua toe lahi age toma fiafia o tupu ko te fiafia o Tito, ae nee kotou fakafimaliei tona loto. 14Pea kapau i ona mua nee au fakakololia fakasiisii kia koutou, e mole au ufiufi ai; kae, o hage ko tama fakaha tuumau te mooni, nee toe mooni foki te mea nee ma fakakololia ai ia mua o Tito. 15Pea ko tona manavaofa kia koutou kua toe lahi kehe age, i tana manatu ki takotou fakalogo ia koutou fuli, pea mo takotou tali ia mo he loto fakaapaapa mo he loto tete. 16E au fiafia i taku falala kia koutou i te u mea fuli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland