Lua tohi a Paulo ki te kau KOLINITO 5
5
Fakaamu a Paulo
1Koteuhi e ma iloi, ka maumaui anai te falela aeni e ma nonofo ai i te kele, e ma mau anai i te lagi he fale nee fai e te Atua, ko he nofoaga heegata ae nee mole fai e te nima o te u tagata. 2Koteuhi e ma lauga i te falela aeni, o holi lahi ke ma kofu toma nofoaga mai Selo, 3moka mau mai maua e ma kofu, kae mole ma telefua. 4Koteuhi i te temi katoa e ma nonofo ai i te falela aeni, e ma lauga i te mafasia, koteuhi e ma loto, ke aua naa hui oma kofu uli, kae ke ma kofu oma sino fakaselo, koteuhi ke folo e te mauli te mea ae e mate. 5Pea ko ia ae kua ina teuteui maua ki te mea aena, ko te Atua, ae kua ina foaki foki kia maua te u fakamooni o te Laumalie.
6Koia e ma fonu tuumau ai i te falala, pea e ma iloi i tama nofo i te sino aeni e ma nofo mamao mai te Aliki, 7koteuhi e ma haele aki te tui, kae e mole aki te sio; 8e ma fonu i te falala, pea e ma lelei ia age tama mavae i te sino aeni, o nofo mo te Aliki. 9Koia foki ae e ma faiga ai ke ma lelei kia ia, pee ma nofo i te sino aeni, pee ma mavae i ai. 10Koteuhi e tonu ke tou tutuu fuli ia mua o te fakamaauaga a Kilisito, ke tali e te tagata takitahi o mulimuli ki te lelei mo te kovi nee ina fai i te sino.
Gaue o te fakatokatoka
11I tama iloi te hauhau o te Aliki, e ma faiga ke fakalotoi te u tagata; e iloi maua e te Atua, pea e au amanaki e kotou iloi foki maua i okotou loto. 12Koteuhi e mole ma fia matalelei atu kia koutou, kae e ma tuku atu kia koutou te faigamalie ke kotou fakakololia ai o uhiga mo maua, pea ke kotou mau ai he tali kia natou ae e natou fakakololia i te u mea e ha i tafa kae e mole hau mai loto. 13Koteuhi, kapau kua au vale, e uhiga ia mo te Atua; kapau e au poto, e uhiga ia mo koutou. 14Koteuhi e ekenaki maua e te ofa o Kilisito, he ma iloi kapau nee mate he toko tahi o uhiga mo te tagata fuli, pea nee mate te tagata fuli; 15pea nee mate ia o uhiga mo te tagata fuli, koteuhi ko natou ae e mauli ke aua naa natou mauli kia natou totonu, kae kia ia ae nee mate pea nee toe tuuake o uhiga mo natou. 16Koia, i te temi nei, e mole ma iloi he tahi pe i te kakano; pea kapau nee ma iloi ia Kilisito i te kakano, i te temi nei e mole kei ma iloi ia i te fai aena. 17Koia kapau e nofo he tahi ia Kilisito, ko he keleatula foou ia: Kua puli te u mea afea; koeni kua liliu te u mea fuli o foou. 18Pea ko te u mea fuli aena e hau mai te Atua, ae nee natou fakatokatoka tatou mo ia ia Kilisito, pea nee natou foaki kia tatou te gaue o te fakatokatoka. 19Koteuhi nee nofo te Atua ia Kilisito, o ina fakatokatoka te malamanei mo ia totonu, o mole lau ki te u tagata anatou agahala; pea nee ina tuku kia maua te folafola o te fakatokatoka. 20Pea koeni, e ma fai te gaue a te u tagata fakafofoga o Kilisito, o hage e fakakolekole e te Atua ia maua; e ma kolekole atu kia koutou i te higoa o Kilisito: Koutou fakatokatoka mo te Atua! 21Ko ia ae nee mole ina iloi te agahala, nee fakaliliu ia e te Atua ko te agahala kia tatou, ke tou liliu ia ia ko te faitotonu a te Atua.
Currently Selected:
Lua tohi a Paulo ki te kau KOLINITO 5: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Lua tohi a Paulo ki te kau KOLINITO 5
5
Fakaamu a Paulo
1Koteuhi e ma iloi, ka maumaui anai te falela aeni e ma nonofo ai i te kele, e ma mau anai i te lagi he fale nee fai e te Atua, ko he nofoaga heegata ae nee mole fai e te nima o te u tagata. 2Koteuhi e ma lauga i te falela aeni, o holi lahi ke ma kofu toma nofoaga mai Selo, 3moka mau mai maua e ma kofu, kae mole ma telefua. 4Koteuhi i te temi katoa e ma nonofo ai i te falela aeni, e ma lauga i te mafasia, koteuhi e ma loto, ke aua naa hui oma kofu uli, kae ke ma kofu oma sino fakaselo, koteuhi ke folo e te mauli te mea ae e mate. 5Pea ko ia ae kua ina teuteui maua ki te mea aena, ko te Atua, ae kua ina foaki foki kia maua te u fakamooni o te Laumalie.
6Koia e ma fonu tuumau ai i te falala, pea e ma iloi i tama nofo i te sino aeni e ma nofo mamao mai te Aliki, 7koteuhi e ma haele aki te tui, kae e mole aki te sio; 8e ma fonu i te falala, pea e ma lelei ia age tama mavae i te sino aeni, o nofo mo te Aliki. 9Koia foki ae e ma faiga ai ke ma lelei kia ia, pee ma nofo i te sino aeni, pee ma mavae i ai. 10Koteuhi e tonu ke tou tutuu fuli ia mua o te fakamaauaga a Kilisito, ke tali e te tagata takitahi o mulimuli ki te lelei mo te kovi nee ina fai i te sino.
Gaue o te fakatokatoka
11I tama iloi te hauhau o te Aliki, e ma faiga ke fakalotoi te u tagata; e iloi maua e te Atua, pea e au amanaki e kotou iloi foki maua i okotou loto. 12Koteuhi e mole ma fia matalelei atu kia koutou, kae e ma tuku atu kia koutou te faigamalie ke kotou fakakololia ai o uhiga mo maua, pea ke kotou mau ai he tali kia natou ae e natou fakakololia i te u mea e ha i tafa kae e mole hau mai loto. 13Koteuhi, kapau kua au vale, e uhiga ia mo te Atua; kapau e au poto, e uhiga ia mo koutou. 14Koteuhi e ekenaki maua e te ofa o Kilisito, he ma iloi kapau nee mate he toko tahi o uhiga mo te tagata fuli, pea nee mate te tagata fuli; 15pea nee mate ia o uhiga mo te tagata fuli, koteuhi ko natou ae e mauli ke aua naa natou mauli kia natou totonu, kae kia ia ae nee mate pea nee toe tuuake o uhiga mo natou. 16Koia, i te temi nei, e mole ma iloi he tahi pe i te kakano; pea kapau nee ma iloi ia Kilisito i te kakano, i te temi nei e mole kei ma iloi ia i te fai aena. 17Koia kapau e nofo he tahi ia Kilisito, ko he keleatula foou ia: Kua puli te u mea afea; koeni kua liliu te u mea fuli o foou. 18Pea ko te u mea fuli aena e hau mai te Atua, ae nee natou fakatokatoka tatou mo ia ia Kilisito, pea nee natou foaki kia tatou te gaue o te fakatokatoka. 19Koteuhi nee nofo te Atua ia Kilisito, o ina fakatokatoka te malamanei mo ia totonu, o mole lau ki te u tagata anatou agahala; pea nee ina tuku kia maua te folafola o te fakatokatoka. 20Pea koeni, e ma fai te gaue a te u tagata fakafofoga o Kilisito, o hage e fakakolekole e te Atua ia maua; e ma kolekole atu kia koutou i te higoa o Kilisito: Koutou fakatokatoka mo te Atua! 21Ko ia ae nee mole ina iloi te agahala, nee fakaliliu ia e te Atua ko te agahala kia tatou, ke tou liliu ia ia ko te faitotonu a te Atua.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland