Lua tohi a Paulo ki te kau KOLINITO 4
4
1Koia, i tama mau te gaue aeni o mulimuli ki te manavaofa nee tuku mai kia maua, e mole ma lotovaivai. 2E ma siaki te u mea fakaufiufi ae e fai fakafufu, pea e mole ma mau he mauli fakaoloolo, pea e mole ma kakaai te folafola a te Atua. Kae e ma fakaha te mooni, pea e ma tuku maua ki te loto o te u tagata fuli ia mua o te Atua. 3Kapau kei fakapulou tama Evaselio, pea e fakapulou ia kia natou ae e mamate, 4ki te kau tui gataa ae kua fakakivi onatou mata e te atua o te sekulo aeni, ke aua naa natou sio ki te gigila o te malama o te Evaselio o te kololia o Kilisito, ae ko te paaki o te Atua. 5E mole ma akonaki kia maua totonu; ko te Sesu-Kilisito te Aliki ae e ma fakaha, pea e ma ui ko maua ko akotou tagata faifekau uhi ko Sesu. 6Koteuhi ko te Atua ae nee ina ui, ke mu te malama i te fakapouli! Pea kua fakamu te malama aena i otatou loto ke fakagigila ai te iloi o te kololia o te Atua i te fofoga o Kilisito.
Ko he koloa i loto o ni ipu kele
7E ma amo te koloa aena i he u ipu kele, koteuhi ke tuku te malohi lahi aia ki te Atua, kae mole kia maua. 8Koteuhi kua tatao maua e te u mamahi kehekehe, kae mole ma taomia; tuania, kae mole lotovaivai; 9fakatagai, kae e mole siaki; li ki te kele, kae mole mate. 10E ma amo tuumau i oma sino te mate o Sesu, ke fakaha foki te mauli o Sesu i oma sino. 11Koteuhi ko maua ae e mauuli, e tuku tuumau maua ki te mate uhi ko Sesu, ke fakaha foki te mauli o Sesu i oma sino mate gafua.
12Koia e gaue ai te mate ia maua, kae e gaue te mauli ia koutou. 13Pea e tupu e tou mau foki te Laumalie e tahi o te tui ae nee fakaha i te u kupu aeni o te Tohi: Nee au tui, koia nee au palalau ai! Nee ma tui foki, pea koia nee ma palalau ai, 14o ma iloi ko ia ae nee ina toe fakatuu ake te Aliki ko Sesu, e ina toe fakatuuake anai maua foki mo Sesu, pea e ina fakaha anai maua mo koutou i ona mua. 15Koteuhi e hoko te u mea fuli aena ko koutou, ke liuliuga te kalasia ae e ina fakalahi te u fakafetai a he kaugamalie ki te kololia o te Atua.
Mamahi o te temi nei mo te kololia o te temi ka hau
16Koia e mole ma lotovaivai ai. Pea kapau foki e maumau toma tagata i tafa, e fakafoou toma tagata loto i te aho takitahi. 17Koteuhi ko oma mamahi maamaa i te temi aeni, ae e osi vave, e natou fakatupu kia maua, o lahi age i te u fuafua fuli, 18he fua lelei heegata o te kololia, koteuhi e ma sio, o mole ki te u mea e sio ki ai te u mata, kae ki te u mea e mole sio ki ai te u mata; koteuhi ko te u mea e sio ki ai te u mata e fakatemi; kae ko te u mea e mole sio ki ai te u mata e heegata.
Currently Selected:
Lua tohi a Paulo ki te kau KOLINITO 4: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Lua tohi a Paulo ki te kau KOLINITO 4
4
1Koia, i tama mau te gaue aeni o mulimuli ki te manavaofa nee tuku mai kia maua, e mole ma lotovaivai. 2E ma siaki te u mea fakaufiufi ae e fai fakafufu, pea e mole ma mau he mauli fakaoloolo, pea e mole ma kakaai te folafola a te Atua. Kae e ma fakaha te mooni, pea e ma tuku maua ki te loto o te u tagata fuli ia mua o te Atua. 3Kapau kei fakapulou tama Evaselio, pea e fakapulou ia kia natou ae e mamate, 4ki te kau tui gataa ae kua fakakivi onatou mata e te atua o te sekulo aeni, ke aua naa natou sio ki te gigila o te malama o te Evaselio o te kololia o Kilisito, ae ko te paaki o te Atua. 5E mole ma akonaki kia maua totonu; ko te Sesu-Kilisito te Aliki ae e ma fakaha, pea e ma ui ko maua ko akotou tagata faifekau uhi ko Sesu. 6Koteuhi ko te Atua ae nee ina ui, ke mu te malama i te fakapouli! Pea kua fakamu te malama aena i otatou loto ke fakagigila ai te iloi o te kololia o te Atua i te fofoga o Kilisito.
Ko he koloa i loto o ni ipu kele
7E ma amo te koloa aena i he u ipu kele, koteuhi ke tuku te malohi lahi aia ki te Atua, kae mole kia maua. 8Koteuhi kua tatao maua e te u mamahi kehekehe, kae mole ma taomia; tuania, kae mole lotovaivai; 9fakatagai, kae e mole siaki; li ki te kele, kae mole mate. 10E ma amo tuumau i oma sino te mate o Sesu, ke fakaha foki te mauli o Sesu i oma sino. 11Koteuhi ko maua ae e mauuli, e tuku tuumau maua ki te mate uhi ko Sesu, ke fakaha foki te mauli o Sesu i oma sino mate gafua.
12Koia e gaue ai te mate ia maua, kae e gaue te mauli ia koutou. 13Pea e tupu e tou mau foki te Laumalie e tahi o te tui ae nee fakaha i te u kupu aeni o te Tohi: Nee au tui, koia nee au palalau ai! Nee ma tui foki, pea koia nee ma palalau ai, 14o ma iloi ko ia ae nee ina toe fakatuu ake te Aliki ko Sesu, e ina toe fakatuuake anai maua foki mo Sesu, pea e ina fakaha anai maua mo koutou i ona mua. 15Koteuhi e hoko te u mea fuli aena ko koutou, ke liuliuga te kalasia ae e ina fakalahi te u fakafetai a he kaugamalie ki te kololia o te Atua.
Mamahi o te temi nei mo te kololia o te temi ka hau
16Koia e mole ma lotovaivai ai. Pea kapau foki e maumau toma tagata i tafa, e fakafoou toma tagata loto i te aho takitahi. 17Koteuhi ko oma mamahi maamaa i te temi aeni, ae e osi vave, e natou fakatupu kia maua, o lahi age i te u fuafua fuli, 18he fua lelei heegata o te kololia, koteuhi e ma sio, o mole ki te u mea e sio ki ai te u mata, kae ki te u mea e mole sio ki ai te u mata; koteuhi ko te u mea e sio ki ai te u mata e fakatemi; kae ko te u mea e mole sio ki ai te u mata e heegata.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland