Loma 12

Le mauli i le Atua

1Koia e kau fakamakeke koutou, fetaina, i manavaalofa o le Atua, ke kotou momoli okoutou tino ofaipe se sakilifisio mauli, mo maokioki, mo malie ki le Atua ; ko lena lakoutou atolasio maoki kiate ia. 2Aua na kotou fakatatau ki le sekulo nei, kae ke fetogi koutou e le fakafoou o le loto, o tupu ke kotou iloa le finegalo o le Atua : le nea leia e malie, mo aoga, ti mo saosaoa.

3I le kalasia leia kua soli mai kiate au, e kau fakasa ki le tagata taki toka tasi o koutou, ke aua na maua ia se manatu lei e taualuga ake iate ia totonu, kae ke kofu ni manatu totonu, o mulimuli ki le lasi o le tui leia kua vaevae e le Atua ki le tagata taki toka tasi. 4Talie ofaipe le tino e tasi, e maua ia ni koga tino e mauke, ti ko koga tino fuli e leaise maua ia le gaoi e tasi, 5e tatau foki mo tatou, e tou toka api, ti e tou fau se tino e tasi ia Kilisito, ti e tou feaogaaki fuli, ofaipe ni koga tino e pipiki tasi. 6Kae tupu e tou maua ni nea alofa kesekese, o mulimuli ki le kalasia kua soli mai kia tatou, ko leia e fai kikite ke fai e ia o fakatatau ki le lasi o le tui ; 7ko leia kua kalagai ke fakasausau, ke pipiki ki le fakasausau ; ko leia e akonaki ke pipiki ki lana akonaki, 8ko leia e fakamakeke ke pipiki a ia ki le fakamakeke ; ko leia e soli ke fai e ia mo le loto malie ; ko leia e takitaki ke fai e ia mo le loto katoa ; ti ko leia e alofa ki le kau mativa ke fai e ia mo le loto fiafia.

Le mauli o fanau a le Atua

9Ke puli le malualoi i le alofa. Ke kotou fakalialia ki le veli ti ke kotou pipiki fakamakeke ki le malie. 10Ke kotou fealofani i se alofa fakatautaina ; ke kotou tokaga ki le fakaapaapa i okoutou vasaa. 11Ke kotou mafi, kae aua na kotou gasueveli. Ke kotou loto vevela. Ke kotou tausi ki le Aliki. 12Ke kotou fakafiafia i le amanaki malie. Ke kotou kataki fualoa i le mamae. Ke kotou agatonu i le faikole. 13Ke kotou tokaga ki nea ala e aoga ki le kau sagato mativa. Ke kotou fakatalitali kaiga.

14Ke kotou tapuaki kia latou e fakaveliveli atu kia koutou, kotou tapuaki kae aua na kotou tutuku.

15Ke kotou fakafiafia mo latou e fiafia ; ke kotou tagi mo latou e tagi. 16Ke kotou maua ni manatu loto tatau i okoutou vasaa. Ke aua na kotou oli ki nea taualuga, kae ke kotou oli ki nea taulalo. Ke aua na kotou fia poto.

Le kilisiteano mo latou i tafa

17Aua na kotou totogi ki se tasi le veli ki le veli. Kotou afa le nea e malie i mua o tagata fuli. 18Kapau e feala, ti e fakalogo kia koutou, ke kotou mauli i le tokamalie mo tagata fuli. 19Aua na kotou taui koutou totonu, alofaaga, kae kotou tuku le ita ke fai, talie e tuu i le Tosi : E pati le Aliki : a aku le lagavaka, a aku le totogi, 20Kae kapau e fia kai lou fili, soli kiate ia se nea ke kai ; kapau e fia inu a ia, soli kiate ia se nea ke inu ; talie i lau fai le nea a ia, e ke tanaki loa ni malala kaka ki lona fa ulu. 21Ke aua na ke tuku a koe ke lava i le veli, kae ke ke malo i le veli i le malie.

Currently Selected:

Loma 12: FB2000

Highlight

Copy

Compare