Numelo 7
7
Moliga a pule e kau agafulu tupu lua
1I le oki loa o le fakatuu o le falela tapu e Moisese, na fakatapui loa e ia a ia ki le lolo, mo ona nea gaoi fuli, ti mo le aletale mo ona nea gaoi fuli ; na liligi loa e ia ki aluga le lolo tapu ke fakatapui ai latou. 2Ti na fakafeofi ake loa a pule o Iselaele, pule o fale o olatou tamana, o momoli alatou moliga : ko pule latou o faasiga o Iselaele, latou ala na fai ia le tosi kaiga. 3Na lotou ave loa lalatou moliga ki le Eteleno : ko saliote e ono ala kua teuteui ofaipe ni palepale, ti mo ni pipi tagata e kau agafulu tupu lua, ko le saliote e tasi ki pule e toka lua, ti ko le pipi tagata e tasi ki le pule e tasi ; ti na lotou ave loa latou ki mua o le tapenakulo.
4Na masau loa le Eteleno kia Moisese, o pati : 5Too a nea ana mei olatou lima, ke fakaaoga ki le tausi o le falela tapu ; e ke soli loa latou ki le kau Levi, ki le tagata taki toka tasi o mulimuli ki lana gaoi. 6Na too loa e Moisese a saliote mo pipi, ti na tuku loa e ia latou ki le kau Levi. 7Na soli loa e ia a saliote e lua mo pipi tagata e fa ki vosa o Kelesoni, o mulimuli ki alatou gaoi. 8Na soli loa e ia a saliote e fa mo pipi tagata e fa ki vosa o Melali, o mulimuli ki alatou gaoi, ala na taki e Itamale, vosa o le tagata faisakilifisio ko Alone. 9Kae na leaise soli loa e ia se nea ki vosa o Keati, talie, o mulimuli ki alatou gaoi, na tonu ke lotou amo a nea taputapu ki olatou tuauma.
Moliga ki le fakatapu o le aletale
10Na ave loa e pule o famili lalatou moliga ki le ului o le aletale, i le aso leia na fakatapui ai le aletale ; na ave loa e pule lalatou moliga ki mua o le Eteleno. 11Na pati loa le Eteleno kia Moisese : E tonu loa ke fakaoloolo a pule i aso taki tasi, o momoli alatou moliga ki le fakatapu o le aletale.
12Ko leia na momoli ia loa lana moliga i le uluaki aso ko Nasoni, vosa o Aminatape, o le faasiga o Suta. 13Ko lana moliga : ko se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana na apele lualua i le falina mea leia kua lusi fakatasi mo le lolo, ki le moliga nea kai ; 14mo se ipu aulo e kau agafulu fa sikele leia na apele i le kaloni fakamanogi ; 15mo se pipi tagata muli, mo se ovi tagata, mo se akeno fetuu tasi, ki le failaulau ; 16mo se koti tagata ki le sakilifisio fakamalie ; 17mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Nasoni, vosa o Aminatape.
18I le lua o aso, na ave loa e Netaneele, vosa o Sua, ko le pule o Isakale, lana moliga. 19Na momoli loa e ia : se pa siliva e kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i se falina mea kua lusi fakatasi mo le lolo, ki le moliga nea kai ; 20mo se ipu aulo e kau agafulu fa sikele kua apele i le kaloni fakamanogi ; 21mo se pipi tagata muli, mo se ovi tagata, mo se akeno fetuu tasi, ki le failaulau ; 22mo se koti tagata, ki le sakilifisio fakamalie ; 23mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Nataneeli, vosa o Sua.
24I le tolu o aso, na fai loa e Eliape, vosa o Elone, ko le pule o vosa o Sapulone, lana moliga. 25Na momoli loa e ia : se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i le falina mea kua lusi fakatasi mo le lolo, ki le moliga nea kai ; 26mo se ipu aulo e kau aga fulu fa sikele kua apele i le kaloni fakamanogi ; 27mo se pipi tagata muli, mo se ovi tagata, mo se akeno fetuu tasi, ki le failaulau ; 28mo se koti tagata, ki le sakilifisio fakamalie ; 29mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Eliape, vosa o Elone.
30I le fa o aso, na fai loa e Elisule, vosa Seteule, ko le pule o vosa o Lupeni, lana moliga. 31Na momoli loa e ia : se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i le falina mea kua lusi fakatasi mo le lolo, ki le moliga nea kai ; 32mo se ipu aulo e kau agafulu fa sikele kua apele i le kaloni fakamanogi ; 33mo se pipi tagata muli, mo se ovi tagata, mo se akeno fetuu tasi, ki le failaulau ; 34mo se koti tagata, ki le sakilifisio fakamalie ; 35mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Elisule, vosa o Seteule.
36I le lima o aso, na fai loa e Selumiele, vosa o Sulisatai, ko le pule o vosa o Simeone, lana moliga. 37Na momoli loa e ia : se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i le falina mea kua lusi fakatasi mo le lolo, ki le moliga nea kai ; 38mo se ipu aulo e kau agafulu fa sikele kua apele i le kaloni fakamanogi ; 39mo se pipi tagata muli, mo se ovi tagata, mo se akeno fetuu tasi, ki le failaulau ; 40mo se koti tagata, ki le sakilifisio fakamalie ; 41mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Selumiele, vosa o Sulisatai.
42I le ono o aso, na fai loa e Eliasafe, vosa o Teueli, ko le pule o vosa o Kate, lana moliga. 43Na momoli loa e ia : se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i le falina mea kua lusi fakatasi mo le lolo, ki le moliga nea kai ; 44mo se ipu aulo e kau agafulu fa sikele kua apele i le kaloni fakamanogi ; 45mo se pipi tagata muli, mo se ovi tagata, mo se akeno fetuu tasi, ki le failaulau ; 46mo se koti tagata, ki le sakilifisio fakamalie ; 47mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Eliasafe, vosa o Teueli
48I le fitu o aso, na fai loa e Elisama, vosa o Amiute, ko le pule o vosa o Efalaimi, lana moliga. 49Na momoli loa e ia : se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i le falina mea kua lusi fakatasi mo le lolo, ki le moliga nea kai ; 50mo se ipu aulo e kau agafulu fa sikele, kua apele i le kaloni fakamanogi ; 51mo se pipi tagata muli, mo se ovi tagata, mo se akeno fetuu tasi, ki le failaulau ; 52mo se koti tagata, ki le sakilifisio fakamalie ; 53mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Elisama, vosa o Amiute.
54I le valu o aso, na fai loa e Kameliele, vosa o Petasu, ko le pule o vosa o Manase, lana moliga. 55Na momoli loa e ia : se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i le falina mea leia kua lusi fakatasi mo le lolo, ki le moliga nea kai ; 56mo se ipu aulo e kau agafulu fa sikele leia kua apele i le kaloni fakamanogi ; 57mo se pipi tagata muli, mo se ovi tagata, mo se akeno fetuu tasi, ki le failaulau ; 58mo se koti tagata, ki le sakilifisio fakamalie ; 59mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Kameliele, vosa o Petasu.
60I le iva o aso, na fai loa e Apitane, vosa o Kiteoni, ko le pule o vosa o Pesamino, lana moliga. 61Na momoli loa e ia : se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i le falina mea leia kua lusi fakatasi mo le lolo, ki le moliga nea kai ; 62mo se ipu aulo e kau agafulu fa sikele leia kua apele i le kaloni fakamanogi ; 63mo se pipi tagata muli, mo se ovi tagata, mo se akeno fetuu tasi, ki le failaulau ; 64mo se koti tagata, ki le sakilifisio fakamalie ; 65mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Apitane, vosa o Kiteoni.
66I le kau agafulu o aso, na fai loa e Aiesele, vosa o Amisatai, ko le pule o vosa o Tane, lana moliga. 67Na momoli loa e ia : se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i le falina mea leia kua lusi fakatasi mo le lolo, ki le moliga nea kai ; 68mo se ipu aulo e kau agafulu fa sikele leia kua apele i le kaloni fakamanogi ; 69mo se pipi tagata muli, mo se ovi tagata, mo se akeno fetuu tasi, ki le failaulau ; 70mo se koti tagata, ki le sakilifisio fakamalie ; 71mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Aisele, vosa o Amisatai.
72I le kau agafulu tupu tasi o aso, na fai loa e Pakiele, vosa o Okalane, ko le pule o vosa o Asele, lana moliga. 73Na momoli loa e ia : se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i le falina mea leia kua lusi fakatasi mo le lolo, ki le moliga nea kai ; 74mo se ipu aulo e kau agafulu fa sikele leia kua apele i le kaloni fakamanogi ; 75mo se pipi tagata muli, mo se ovi tagata, mo se akeno fetuu tasi, ki le failaulau ; 76mo se koti tagata, ki le sakilifisio fakamalie ; 77mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Pakiele, vosa o Okilane.
78I le kau agafulu tupu lua o aso, na fai loa e Aila, vosa o Enani, ko le pule o vosa o Nefetali, lana moliga. 79Na momoli loa e ia : se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana kua apele lualua i le falina mea leia kua lusi fakatasi mo le lolo, ki le moliga nea kai ; 80mo se ipu aulo e kau agafulu fa sikele leia kua apele i le kaloni fakamanogi ; 81mo se pipi tagata muli, mo se ovi tagata, mo se akeno fetuu tasi, ki le failaulau ; 82mo se koti tagata, ki le sakilifisio fakamalie ; 83mo pipi tagata e lua, mo ovi tagata e lima, mo koti tagata e lima, ti mo akeno fetuu taki tasi e lima, ki le sakilifisio fakafetai. Ko lena le moliga a Aila, vosa o Enani.
84Ko na moliga o pule o Iselaele ki le ului o le aletale, i le aso leia na fakatapu ai a ia ki le lolo : ko pa siliva e kau agafulu tupu lua, mo ipu siliva e kau agafulu tupu lua, mo ipu aulo e kau agafulu tupu lua ; 85ko le pa siliva e tasi na kau lelau kau tolu fa sikele, ti ko le ipu siliva e tasi na kau fitu fa sikele, ti ko le ipu aulo e tasi na kau agafulu fa sikele. Na fakatasi ko kilo siliva e lua afe kau lelau fa (2 400) fa sikele, o mulimuli ki le fa sikele o le sagatualio ; 86ko le ipu aulo na kau agafulu fa sikele ; ti ko ipu aulo e kau lelau kau lua fa sikele ; na lotou apele fuli i le kaloni fakamanogi. 87Ko le lasi o manu ki le failaulau : ko pipi tagata e kau agafulu tupu lua, mo ovi tagata e kau agafulu tupu lua, mo akeno fetuu taki tasi e kau agafulu tupu lua, mo moliga ala na kau mo latou. Ti mo koti tagata e kau agafulu tupu lua, ki sakilifisio fakamalie. 88Ko le lasi o manu ki le sakilifisio fakafetai : ko pipi tagata e kau lua tupu fa, mo ovi tagata e kau ono, mo koti tagata e kau ono, mo akeno fetuu taki tasi e kau ono. Ko moliga fuli ana na fai ki le ului o le aletale i le oki o lona fakatapui ki le lolo.
89I le temi leia na ulu ai loa Moisese ki le falela tapu o masau mo le Eteleno, na logo loa Moisese ki le leo o le Eteleno : na ulu mai le leo lena mei le vasa o selupino, i aluga o le tapono o le aleka leia na tuku ai a fatu o le fakapapau. Ti na masau loa le Eteleno mo Moisese.
Currently Selected:
Numelo 7: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
