Numelo 25
25
Tausi fakavale i le fenua o Moape
1Na nofo loa Iselaele i Sitime ; ti na kamata fai feauaki loa le kakai ki taineliki o Moape. 2Na fakaafe loa e taineliki le kakai ki sakilifisio ki atua o Moape ; ti na kai loa le kakai, ti na punou loa a ia i mua olatou atua. 3Na pipiki loa Iselaele kia Paale-Peoli, ti na mu loa le sausau o le Eteleno ki Iselaele. 4Na pati loa le Eteleno kia Moisese : Fakatasii a pule fuli o le kakai, ti ke tautau latou ala kua agasala i mua o le Eteleno, o fakatio latou ki le laa, o tupu ke maliu kese le sausau o le Eteleno i Iselaele. 5Na pati loa Moisese ki tui fakamaau o Iselaele : Ke tasi tamate e le tagata o koutou latou o lona kakai ala kua pipiki kia Paale-Peoli.
6Ti ko leinei, na au se tagata Iselaele, o aumai ki ona fetaina se fafine Matiane i mata o Moisese mo mata o le fakatasi katoa o fanau a Iselaele, ala na fetagisi i le uluaga o le falela tapu. 7I le tio ki ai a Finesi, vosa o Eleasale, vosa o le pule faisakilifisio ko Alone, na malaga ake loa a ia ki aluga i loto malie o le kakai, ti na too loa e ia se tao i lona lima. 8Na mulii loa e ia le tagata Iselaele o kaku ki lona falela, ti na tooi loa e ia laua toka lua ki le tao, le tagata Iselaele mo le fafine, i le lalo manava. Ti na taofi ai loa le malaia i fanau a Iselaele. 9Ko latou ala na mamate i le malaia lena ko le tino lua tupu fa afe (24 000).
10Na masau loa le Eteleno kia Moisese, o pati : 11Ko Finesi, vosa o Eleasale, vosa o le tagata faisakilifisio lasi ko Alone, na fakamaliu ia loku sausau mei fanau a Iselaele, talie na fakasa e ia le finenonofo o lona Atua i loto malie o fanau a Iselaele ; koia na leaise kau tamate ai latou, i loku finenonofo. 12Koia ke ke pati ai loa kiate ia : E kau soli kiate ia loku sai o le tokamalie. 13Ko le sai lena kiate ia mo lona sakoga, leia e lotou liliu ai ko ni tagata faisakilifisio o lee gato, talie na fakasa e ia lona alofa ki lona Atua ti na fai e ia le fakamalie ki fanau a Iselaele.
14Ko le tagata o Iselaele leia na tamate fakatasi mo le fafine Matiane ko Simeli, vosa o Salu, ko le pule o se famili i le faasiga o Simeone.
15Ko le igoa o le fafine Matiane leia na tamate ko Kosepi, taine o Tesule, ko se pule o ni famili mauke o le faasiga o Matiane.
16Na masau loa le Eteleno kia Moisese, o pati : 17Taui le kau Matiane ofaipe ni fili, ti ke tamate latou ! 18Talie na lotou fai fakapikoi kia koutou ofaipe ni fili, i le faiganea o Peoli, mo le faiganea o Kosepi, taine o se pule o Matiane, lolatou tuagaane, leia na tamate i le aso o le malaia leia na soko loa i le faiganea o Peoli.
Currently Selected:
Numelo 25: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
