Numelo 1
1
Tosi o le kau Iselaele i le toafa o Sinai
1Na masau loa le Eteleno kia Moisese i le toafa o Sinai, i le falela tapu, i le uluaki aso o le lua masina, i le lua fetuu ki le mavae i Esipito. Na pati loa a ia : 2Kotou tosi le kakai katoa o Iselaele, i faasiga, mo famili, o lau a igoa o tagata fuli. 3Ko Alone mo koe e kolua lau ia loa a tagata fuli ala kua fetuu kau lua o fai ki aluga, latou ala kua aoga ki le solia, ke lotou liliu loa ko le solia o Iselaele. 4E kau loa mo koulua ki le tosi lena se tagata i le faasiga, ko se tagata leia e pule i lona famili.
5Ko nei a igoa o tagata ala e tokoi loa kia koulua. Kia Lupeni : ko Elisule, vosa o Seteule ;
6Kia Simeone : ko Selumiele, vosa o Sulisatai.
7Kia Suta : ko Nasoni, vosa o Aminatape.
8Kia Isakale : ko Netaneele, vosa o Sua.
9Kia Sapulone : ko Eliape, vosa o Elone.
10Ki vosa o Sosefo, kia Efalaimi : ko Elisama, vosa o Amiute ; kia Manase : ko Kameliele, vosa o Petasuli.
11Kia Pesamino : ko Apitane, vosa o Kiteoni.
12Kia Tane : ko Aiesele, vosa o Amikatai.
13Kia Asele : ko Pakiele, vosa o Okalane.
14Kia Kate : ko Eliasafe, vosa o Teueli.
15Kia Nefetali : ko Aila, vosa o Enani.
16Ko igoa ana o latou ala na kau i le tosi o fanau a Iselaele. Ko latou ana kua filifili ko ni pule latou o famili o Iselaele, mo ni pule o kau solia o Iselaele.
17Na too loa e Moisese mo Alone a tagata ana, ala na tuku olatou igoa kia laua. 18Ti na la fakatasii loa le kakai katoa o Iselaele, i le uluaki aso o le lua masina. Ko tagata fuli o Iselaele, ala kua fetuu kau lua o fai ki aluga, ti kua aoga ki le solia, na ano loa o tosi olatou igoa o mulimuli ki olatou faasiga, mo olatou famili. 19Na tosi loa e Moisese olatou igoa i le toafa o Sinai, o mulimuli ki fakatotonu ala na tuku kiate ia e le Eteleno.
20Ki vosa o Lupeni, ko le uluaki o Iselaele, o mulimuli ki tautagata, mo faasiga, mo famili, na tosi loa a igoa o tagata fuli, mei le fetuu kau lua o fai ki aluga, latou fuli ala kua aoga ki le solia, 21ti na maua loa i le tosi o le faasiga o Lupeni : ko le tino fa tupu ono afe tino lelau lima
22Ki vosa o Simeone, o mulimuli ki tautagata, mo faasiga, mo famili, na tosi loa a igoa o tagata fuli, mei le fetuu kau lua o fai ki aluga, latou fuli ala kua aoga ki le solia, 23ti na maua loa i le tosi o le faasiga o Simeone ko le : tino lima tupu iva tino lelau tolu (59 300)
24Ki vosa o Kate, o mulimuli ki tautagata, mo faasiga, mo famili, na tosi loa a igoa o tagata fuli, mei le fetuu kau lua o fai ki aluga, latou fuli ala kua aoga ki le solia, 25ti na maua loa i le tosi o le faasiga o Kate : ko le tino fa tupu lima afe tino lelau ono tino lima (45 650).
26Ki vosa o Suta, o mulimuli ki tautagata, mo faasiga, mo famili, na tosi loa a igoa o tagata fuli, mei le fetuu kau lua o fai ki aluga, latou fuli ala kua aoga ki le solia, 27ti na maua loa i le tosi o le faasiga o Suta : ko le tino fitu tupu fa tino lelau ono (74 600).
28Ki vosa o Isakale, o mulimuli ki tautagata, mo faasiga, mo famili, na tosi loa a igoa o tagata fuli, mei le fetuu kau lua o fai ki aluga, latou fuli ala kua aoga ki le solia, 29ti na maua loa i le tosi o le faasiga o Isakale : ko le tino lima tupu fa afe tino lelau fa (54 400).
30Ki vosa o Sapulone, o mulimuli ki tautagata, mo faasiga, mo famili, na tosi loa a igoa o tagata fuli, mei le fetuu kau lua o fai ki aluga, latou fuli ala kua aoga ki le solia, 31ti na maua loa i le tosi o le faasiga o Sapulone : ko le tino lima tupu fitu tino lelau fa (57 400).
32Ki vosa o Sosefo, ki vosa o Efalaimi, o mulimuli ki tautagata, mo faasiga, mo famili, na tosi loa a igoa o tagata fuli, mei le fetuu kau lua o fai ki aluga, latou fuli ala kua aoga ki le solia, 33ti na maua i le tosi o le faasiga o Efalaimi : ko le tino fa afe tino lelau lima (40 500).
34Ki vosa o Manase, o mulimuli ki tautagata, mo faasiga, mo famili, na tosi loa a igoa o tagata fuli, mei le fetuu kau lua o fai ki aluga, latou fuli ala kua aoga ki le solia, 35ti na maua loa i le tosi o le faasiga o Manase : ko le tino tolu tupu lua afe tino lelau lua (32 200).
36Ki vosa o Pesamino, o mulimuli ki tautagata, mo faasiga, mo famili, na tosi loa a igoa o tagata fuli, mei le fetuu kau lua o fai ki aluga, latou fuli ala kua aoga ki le solia, 37ti na maua loa i le tosi o le faasiga o Pesamino : ko le tino tolu tupu lima afe tino lelau fa (35 400).
38Ki vosa o Tane, o mulimuli ki tautagata, mo faasiga, mo famili, na tosi loa a igoa o tagata fuli, mei le fetuu kau lua o fai ki aluga, latou fuli ala kua aoga ki le solia, 39ti na maua loa i le tosi o le faasiga o Tane : ko le tino ono tupu lua afe tino lelau fitu (62 700).
40Ki vosa o Asele, o mulimuli ki tautagata, mo faasiga, mo famili, na tosi loa a igoa o tagata fuli, mei le fetuu kau lua o fai ki aluga, latou fuli ala kua aoga ki le solia, 41ti na maua loa i le tosi o le faasiga o Asele : ko le tino fa tupu tasi afe tino lelau lima (41 500).
42Ki vosa o Nefetali, o mulimuli ki tautagata, mo faasiga, mo famili, na tosi loa a igoa o tagata fuli, mei le fetuu kau lua o fai ki aluga, latou fuli ala kua aoga ki le solia, 43ti na maua loa i le tosi o le faasiga o Nefetali : ko le tino lima tupu tolu afe tino lelau fa (53 400).
44Ko le lasi lena o le kakai leia na tosi e Moisese mo Alone ti mo le kau tagata pule o Iselaele e kau agafulu tupu lua : ko le famili mo lona fa tagata. 45Ko vosa fuli o Iselaele, o mulimuli ki tautagata, mo faasiga, mo famili, na tosi loa a igoa o tagata fuli, mei le fetuu kau lua o fai ki aluga, latou fuli ala kua aoga ki le solia, 46Ti na maua loa i le tosi o le kakai katoa o Iselaele : ko le tino lelau ono tupu tolu afe tino lelau lima tino lima (603 550).
Tuulaga kese o le famili o Levi
47Kae na leaise tosi loa le kau Levi mo la ake fanau a Iselaele. 48Na pati loa le Eteleno kia Moisese : 49Aua na ke tosi fakatasi loa le kau Levi mo la ake fanau a Iselaele. 50Tuku loa ki le kau Levi ke tokaga ki le falela tapu, mo ona nea gaoi fuli, ti mo nea fuli ala e tuku i ai. E lotou amo loa le falela, ti mo ona nea gaoi fuli, ti e lotou fai ia loa lona tausi, ti e lotou nofo loa i ona tafatafa. 51Ka ano loa le falela tapu, e vete loa a ia e le kau Levi ; ka fakatuu loa le falela tapu, e fakatuu loa a ia e le kau Levi ; ti ko le matapule leia e fakafeofi ake loa ki le falela tapu e tautea loa a ia ki le mate. 52E tasi nofo loa a fanau a Iselaele i lona nofolaga, i le ganea leia e tuu ai lona manumanu, o mulimuli ki lona solia. 53Kae e nofo loa le kau Levi o takatakai le falela tapu, o tupu ke aua na malaga loa loku sausau ki fanau a Iselaele. E tausi loa e le kau Levi le falela tapu. 54Na fai loa e fanau a Iselaele a fakatotonu fuli ala na tuku e le Eteleno kia Moisese.
Currently Selected:
Numelo 1: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
