Levitiko 6
6
Lao o le failaulau
1Na masau loa le Eteleno kia Moisese, o pati : 2Tuku le fakatotonu leinei kia Alone mo ona vosa, o pati : Ko leinei le lao ki le failaulau. E tuku loa le failaulau i aluga o le aletale i le po katoa o kaku ki le usu, ti e kaka loa le afi i le aletale. 3E tui loa e le tagata faisakilifisio lona kofu tea mo ona vavae loto tea ki lona tino ; ti e too loa e ia i le aletale le mugalafu o le sakilifisio tutu, ti e tanaki loa e ia a ia i tafa o le aletale. 4Ti e tatala loa e ia ona kofu, kae toe tui loa e ia ni iki ake a kofu ke ave ai le mugalafu ki fafo o le nofolaga, ki se ganea mea. 5E kaka loa le afi i le aletale, e leaise toe mate loa a ia. I usu fuli, e tutu loa e le tagata faisakilifisio se fafie i ai, ti e teki loa e ia le failaulau ki aluga o le fafie, i mua o le tutu o le gako o sakilifisio fakafetai. 6E tonu ke kaka tuumau le afi i aluga o le aletale, e leaise toe mate loa a ia.
Lao o le moliga falina
7Ko leinei le lao ki le moliga nea kai. E momoli loa a ia e vosa o Alone ki le Eteleno, i mua o le aletale. 8E too loa e le kau faisakilifisio i le moliga nea kai se ga falina leia na alii ki le alofilima ti kua filo mo le lolo, ti mo le iseso katoa, ti e tutu loa e ia le vaega lena, leia e igoa ko le fakamanatu, i aluga o le aletale. E manogi malie lona afu ki le Eteleno. 9E kai loa e Alone mo ona vosa le nea leia e toe loa i le moliga ; e kai loa a ia sala fakatupu ; e lotou kai loa a ia i se ganea tapu, i le lotoa o le falela tapu. 10E leaise fakamoso fakatasi loa a ia mo se fakatupu. Talie ko se vaega a ia leia kua kau tuku kia latou i aku moliga tutu. Ko se nea maokioki lasi a ia, ofaipe le sakilifisio ki le agasala mo le sakilifisio ki le faisala.
11E kai loa ki ai a tagata fuli o fanau a Alone. Ko se lao lee gato a ia ki okoutou sakoga, o uiga mo moliga tutu ki le Eteleno : ko leia e lave loa ki ai, e maokioki loa a ia.
12Na masau loa le Eteleno kia Moisese, o pati :
13I le aso leia e fakatapui ai loa Alone mo ona vosa, e lotou momoli loa ki le Eteleno ni kilo falina e tolu i le aso, ko le tasi vaelua i le usu, ti ko le tasi vaelua i le afiafi. 14E teuteui loa a ia i le fakapaku o fakatasi mo le lolo, ti e ke ave loa a ia kua oki i le fakapaku. E ke momoli loa a ia kua moso ti kua tofi ofaipe se moliga, ko se nea manogi malie a ia ki le Eteleno. 15Ko le tagata faisakilifisio leia, i vosa o Alone, e pani loa ki le lolo ke fetogi ia a ia, e toe fai ia loa le moliga nea kai lena. Ko se lao lee gato a ia i mua o le Eteleno : e tutu katoa loa a ia e le afi. 16Talie ko moliga nea kai fuli ala e fai e se tagata faisakilifisio e tutu katoa loa e le afi : e leaise kai loa latou.
Lao o le sakilifisio o le totogi
17Na masau loa le Eteleno kia Moisese, o pati :
18Masau kia Alone mo ona vosa, o ke pati kia latou : Ko leinei le lao o le sakilifisio ki le agasala. E tamate loa le vikitima i mua o le Eteleno, i le ganea leia e tamate ai a manu o failaulau. Ko se nea maokioki lasi a ia. 19Ti e kai loa a ia e le tagata faisakilifisio leia e momoli ia loa le vikitima ki le agasala ; e kai loa a ia i se ganea tapu, i le lotoa o le falela tapu. 20Ko nea fuli ala e lave loa ki le sakilifisio lena, e liliu loa o maokioki. Ti kapau e pipii loa se ga toto ki se kofu, ti e fakamea loa le potu o le kofu lena na totototoa i se ganea mea ; 21Kapau na fakamoso a inati i se kulo kele, ti e maumaui loa le kulo lena ; ti kapau na fakamoso a inati i se kulo ukamea, e tonu loa ke olo a ia, ti ke fakamea a ia ki se vai. 22E kai loa ki ai a fanau tagata fuli o le kau tagata faisakilifisio : ko se nea maokioki lasi a ia. 23Kae e leaise kai loa se vikitima ki le agasala, leia na ave loa lona toto ki le falela tapu, ke fai ai le fakamalie i le sagatualio : e tonu ke tutu a ia i le afi.
Currently Selected:
Levitiko 6: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
