Levitiko 17
17
Ganea e tasi ke fai ai sakilifisio
1Na masau loa le Eteleno kia Moisese, o pati : 2Masau kia Alone, mo ona vosa, ti mo le kakai katoa o Iselaele, o pati kia latou : ko leinei le nea leia na fakatotonu e le Eteleno.
3Ka tamate e se tagata o le fale o Iselaele se pipi, pe ko se ovi, pe ko se koti fafine, i le nofolaga pe i fafo o le nofolaga, 4ti e leaise aumai loa e ia a ia ki le uluaga o le falela tapu, o momoli ki le Eteleno, i mua o le falela o le Eteleno, e lau loa le toto ki le tagata lena ; kua liligi e ia le toto, e tuuti loa le tagata lena mei lona kakai. 5Ko le nea lena ke aua na tamate e fanau a Iselaele alatou manu i le vao, kae ke lotou aumai latou ki le tagata faisakilifisio, i le uluaga o le falela tapu, ti ke lotou momoli latou ki le Eteleno i ni sakilifisio fakafetai. 6E liligi loa e le tagata faisakilifisio le toto o le manu i aluga o le aletale o le Eteleno, i le uluaga o le falela tapu ; ti e tutu loa e ia le gako, leia e sauga manogi loa ki le Eteleno. 7E leaise lotou toe momoli loa alatou sakilifisio ki ni temonio (ala e fakatata e ni koti tagata), ala e lotou tono ki ai. E tuku loa le lekula lena kia latou mo olatou sakoga o lee gato. 8Ti e ke pati loa kia latou : Ka momoli loa e se tagata o Iselaele pe ko se tagata matapule leia e nofo i loto malie o latou se failaulau pe ko se tasi ake vikitima, 9ti e leaise aumai loa e ia a ia ki le uluaga o le falela tapu, ke momoli ki le Eteleno, e tuuti loa le tagata lena mei le kakai.
Tapu o le kai o le toto
10Kapau e kai loa e se tagata o Iselaele pe ko se tagata matapule leia e nofo i loto malie o latou se toto o se manu, e kau fulusi loa oku mata ki leia kua kai ia le toto, ti e kau tuuti loa a ia mei loku kakai. 11Talie ko le mauli o le tino e nofo i le toto. E kau soli atu a ia kia koutou i aluga o le aletale, o tupu ke fai ai le fakamalie ki okoutou laumalie ; talie ko le toto leia e fai ia le fakamalie ki le laumalie, talie ko le toto ko le mauli a ia. 12Koia na kau pati ai ki fanau a Iselaele : ke aua na kai loa le toto e se tasi o koutou, ti ke aua na kai loa le toto e le matapule leia e nofo i loto malie o koutou. 13Kapau ko se tasi o fanau a Iselaele pe ko matapule ala e nonofo i loto malie o latou, e maua ia loa i lana kapu se manu pe ko se manu lele leia e feala ke kai, e fakasali loa e ia le toto ki le kele ti e tanu loa e ia a ia ki le kele. 14Talie ko le mauli o kanofi fuli, ko lona toto, leia e nofo iate ia. Koia leia na kau pati ai ki fanau a Iselaele : ke aua na kotou kai loa le toto o se manu fua, talie ko le mauli o kanofi fuli ko lona toto. Ko leia e kai ia loa a ia e tuuti loa a ia mei lona kakai.
15Ko leia e kai loa ki se manu leia na mate masaki pe na tamate e se manu fekai, pe ko se tasi o le fenua pe ko se matapule, e tonu ke fo loa e ia ona kofu, ti ke maanu loa a ia i le vai ; ti e kelekele loa a ia o kaku ki le afiafi, ti o mea loa a ia. 16Ti kapau e leaise fo loa e ia ona kofu, ti e leaise maanu loa a ia, ti e agasala loa a ia.
Currently Selected:
Levitiko 17: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
