Sonasi 2
2
Kole a Sonasi i le manava o se ika
1Na kakau mai loa e le Eteleno se ika lasi ke folo ia Sonasi, ti na nofo loa Sonasi i le manava o le ika i aso e tolu mo po e tolu.
2Na faikole loa Sonasi i le manava o le ika ki le Eteleno, lona Atua.
3Na pati loa a ia :
I loku mamae, na kau fetapa ki le Eteleno,
Ti na tali mai a ia kiate au ;
I le manava o le nofoaga o le kau mate na kau tagi,
Ti na ke logo ki loku leo.
4Na ke ti au ki le moana, ki le takele o le tai,
Ti na takatakai au e vai tatafe ;
Na fakalaka iate au au galu fuli mo au piau fuli.
5Na kau pati : Kua kapu au o mamao i ou mata !
Kae e kau toe tio loa ki lou faletapu maokioki.
6Na kofu au e atu vai o kaku ki le too o loku mauli,
Na takatakai au e le loloto,
Na takatakai loku ulu e le limu.
7Na kau ifo o kaku ki fakatafito o mauga,
Na tapono au e matapa ukamea o le kele o lee gato ;
Kae na ke toe fakapale mauli ake au mei le popoko,
Eteleno, loku Atua !
8I le temi leia na gaegae ai loku laumalie iate au,
Na kau manatui a koe, Eteleno,
Ti na kaku laku kole kiate koe,
I lou faletapu maokioki.
9Ko latou ala e pipiki ki ni taulaatua noa
E fakamamao ia le manavaalofa ia latou.
10Kiate au, e kau momoli loa kiate koe ni failaulau mo ni kalaga fakafetai,
E kau fai loa a fakapapau ala na kau fai :
E au le fakamauli mei le Eteleno.
11Na masau loa le Eteleno ki le ika, ti na luluai loa e le ika a Sonasi ki le kele malo.
Currently Selected:
Sonasi 2: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
