Ekesote 38
38
Le aletale o failaulau
1Na fai loa e ia le aletale o failaulau ki le akasia ; ko lona loa ko meta e lua vaelua, ti ko lona laulasi ko meta e lua vaelua ; na tapa fa tatau, ti ko lona taualuga na meta tasi vaelua. 2Na fai loa e ia, i tifi e fa, ni tala ala na ulu mei le aletale, ti na kofu loa e ia le aletale ki le sila. 3Na fai loa e ia a nea gaoi fuli o le aletale, mo tanakiaga mugalafu, mo supeti, mo pesini, mo suki ti mo tanakiaga malala, na fai loa e ia a nea fuli ki le sila. 4Na fai loa e ia ki le aletale se ukamea pupu sila, o fakaulu i loto o le aletale, i le vaelua mei lalo ki aluga. 5Na fai loa e ia a kavei e fa, o fakapipiki ki tifi e fa o le ukamea pupu, ke fakaulu ai a amo. 6Na fai loa e ia a amo ki le akasia, ti na aofi loa e ia ki le sila. 7Na fakaulu loa e ia ki kavei i fetuu o le aletale a amo ala ke amo ai. Na fai loa e ia le aletale ki ni papa, o tupu ke popoko a loto.
Le tanoa sila
8Na fai loa e ia le tanoa sila mo lona tuuaga sila, o fakaaoga ki ai a tiloata o fafine ala na fakatasi i le matapa o le falela tapu.
Le malae mo lona matapa
9Na fai loa e ia le lotoa. I le fetuu saute, na fai loa e ia le lotoa ki ni kie tea makeke, ko lona loa ko le kau lima meta, 10mo fa pou e kau lua o fakatuu ki ni tuuaga sila e kau lua ; ti na fai loa e ia ki le siliva a tautauaga o pou mo tautauaga o lito. 11I le fetuu noleto, na tau loa e ia se kie, ko lona loa ko le kau lima meta, mo fa pou e kau lua mo olatou tuuaga sila e kau lua ; ti na fai loa e ia ki le siliva a tautauaga o pou mo tautauaga o lito. 12I le fetuu uesite, na i ai se kie, ko lona loa ko meta e kau lima, mo ni fa pou e kau agafulu mo olatou tuuaga e kau agafulu ; na fai loa ki le siliva a tautauaga o pou mo lito. 13I le fetuu esite, i le kau lua tupu lima o le laulasi o le lotoa, 14na i ai, mei le tasi a tifi o le lotoa o kaku ki le matapa, se kie leia na meta fitu vaelua lona loa, mo ni pou e tolu mo olatou tuuaga e tolu, 15ti na i ai mei leia a tifi o kaku mai ki le matapa, se tasi a kie leia na meta fitu vaelua lona loa, mo ni pou e tolu mo olatou tuuaga e tolu. 16Na fai a kie fuli ala na takatakai ia le lotoa ki le kie tea makeke. 17Na fai a tuuaga o pou ki le sila, ti na fai a tautauaga o pou mo lito ki le siliva, ti na aofi a ulu o pou ki le siliva. Ko pou fuli o le lotoa na fakapipiki fuli ki ni fa ukamea siliva. 18Na tui fakateuteu le lito o le matapa o le lotoa ki le filo usi, mo kula malie, mo kula fakapouli, ti mo le filo tea makeke ; ko lona loa ko meta e kau agafulu, ti ko lona laulasi ko meta e lua vaelua, ofaipe le laulasi o kie o le lotoa ; 19Na fai ki le sila ona fa pou e fa mo olatou tuuaga e fa, ti na fai ki le siliva a tautauaga o pou mo tautauaga o le lito, ti na fai ki le siliva a ulu o pou. 20Na fai ki le sila a pike o le falela mo le lotoa.
Le lasi o nea gaoi o le Tapenakulo
21Ko leinei le lasi o nea ala na fakaaoga ki le tapenakulo, ki le tapenakulo tapu, o mulimuli ki le fakatotonu a Moisese, mo lona tanaki e le kau levita, i le takitaki a Itamale, vosa o le tagata faisakilifisio ko Alone. 22Na fai e Petesaleele, vosa o Uli, vosa o Ulu mei le faasiga o Suta, a nea fuli ala na fakatotonu e le Eteleno kia Moisese ; 23Na tokoi kiate ia Ooliape, vosa o Aisamake mei le faasiga o Tane, leia ko se tagata poto i le togi laakau, mo le fai o ni nea foou, ti mo le tuitui fakateuteu o ni kie usi, mo kula malie, mo kula fakapouli, ti mo ni kie tea makeke. 24Ko le mamafa o le aulo leia na fakaaoga ki gaoi fuli o le sagatualio, le aulo leia na maua mei moliga, ko kilo e kau lelau valu kau fitu tupu fitu, o mulimuli ki le fua o le sagatualio. 25Ko le siliva a le kakai leia na tosi, ko kilo e afe tolu tupu valu, o mulimuli ki le fua o le sagatualio. 26Ko le totogi o le tagata e tasi ko kalami siliva e lima, leia ko le vaelua o le sikele e tasi, o mulimuli ki le sikele o le sagatualio, ki tagata fuli ala na kau i le tosi, mei le fetuu kau lua o ano ki aluga, ti na maua loa ko fa tagata e tino lelau ono tupu tolu afe tino lelau lima kau lima. 27Na saka loa ni kilo siliva e tolu afe ke fai ai a vae o le sagatualio mo vae o le lito tapu, ko tuuaga e kau lelau ki kilo siliva e tolu afe, ko kilo e kau tolu ki le tuuaga e tasi. 28Ko kilo siliva e kau agafulu tupu valu na fakaaoga loa ki tautauaga o pou mo tautauaga lito ki pou, ti na kofu loa a ulu o pou. 29Na kaku le sila o moliga ki kilo e afe lua kau lelau kau lua tupu fa. 30Na fai loa ki ai a tuuaga o le uluaga o le falela tapu, mo le aletale sila mo lona ukamea pupu, ti mo nea gaoi fuli o le aletale ; 31mo tuuaga o le lotoa i lona takatakai katoa, mo tuuaga o le matapa o le lotoa, ti mo pike fuli o le tapenakulo mo le lotoa.
Currently Selected:
Ekesote 38: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
