Ɛdi 36
36
Nwuvolɛ mraalɛ agyadeɛ
1Meekɛ ara Geleade mɔɔ le Dwosefi ara Manasɛ anlɔnra la mbusua ekpulike ekpulike ne mgbanyinli nee Yizilayɛ mgbanyima ne mɔ hɔle Mosisi anwo ɛkɛ. 2#Ɛdi 27.7 Bɛhanle kɛ, “Ɛdɛnkɛma se ɛgua nzeleba na ɛhyɛ azɛlɛ ne ɛmaa Yizilayɛma. Eza ɔse ɛva yɛ diema Zilɔfɛhade agyadeɛ ne mɔ ɛmaa ɔ mra mraalɛ ne mɔ. 3Noko akee saa mrenya mɔɔ vi abusua gyɛne nu la gyigya bɛ a, ninyɛne zɔhane mɔ bapɛ ali mbusua ekpunli zɔhane lɔ, yemɔti yɛ agyadeɛ ne azo bade. 4Wɔ Ninyɛne Ɛzianenlɛ Ɛvolɛ ne anu, mekɛ mɔɔ bɛsiane ninyɛne mɔɔ bɛdɔnenle bɛ la bɛkɔmaa bɛ menle mɔ la dwu a, bɛbava Zilɔfɛhade amra mraalɛ agyadeɛ ne mɔ bɛahɔboka mbusua ekpunli ne mɔɔ nuhua mrenya ɛgyigya bɛ la ɛdeɛ ne mɔ anwo, na yɛmɛ yɛ abusua ekpunli ne aminli agyadeɛ ɛhye mɔ.”
5Yemɔti Mosisi vale Ɛdɛnkɛma mɛla ɛhye manle Yizilayɛma. Ɔse, “Edwɛkɛ mɔɔ Dwosefi abusua ekpunli ne anu amra ɛha la le fɔɔnwo, 6yemɔti Ɛdɛnkɛma se, ‘Zilɔfɛhade amra mraalɛ ne mɔ lɛ adenle gya mrenya mɔɔ bɛdabɛ bɛkulo la, noko bɛgya mrenya mɔɔ vi bɛdabɛ bɛ ze abusua ekpunli ne anu la. 7Ɔnle kɛ bɛfa Yizilayɛma mbusua ekpunli ne mɔ anu agyadeɛ ne bie bɛfi ko anu bɛkɔ ko anu. Ɔwɔ kɛ abusua ekpunli ko biala sɔ ye agyadeɛ ne mɔ anu kpundii. 8Ɔwɔ kɛ raalɛ biala mɔɔ kɛli agya wɔ Yizilayɛ abusua ekpunli nu la gya nrenya mɔɔ vi abusua ekpunli ko ne ala anu la. Ɛhye bamaa Yizilayɛnli biala asa aha ye mgbanyima anzɛɛ ɔ ze mɔ agyadeɛ ne mɔ, 9na agyadeɛ ne mɔ vi abusua ekpunli ko anu angɔ abusua ekpunli gyɛne nu.’ ”
10-11Yemɔti Zilɔfɛhade amra mraalɛ ne mɔ, Maala, Tɛza, Hɔgela, Melekaa, yɛɛ Nowa yɛle kɛmɔ Ɛdɛnkɛma zele Mosisi la. Bɛgyigyale bɛ ze mɔ amediema mrenya ne mɔ amra mrenya. 12Bɛgyigyale Dwosefi ara Manasɛ abusua ekpunli ne mbusua ekpulike ekpulike ne mɔ anu mrenya. Yemɔti bɛ agyadeɛ ne mɔ hale bɛ ze mɔ abusua ekpunli ne anu.
13Mɛla ɛhye mɔ a Ɛdɛnkɛma luale Mosisi anwo zo vale manle Yizilayɛma wɔ Mowabe ɛsɛlɛ ne anu, wɔ Azule Dwɔdan ne anloa, mɔɔ bikye Gyɛleko la a.
Currently Selected:
Ɛdi 36: NB
Highlight
Copy
Compare
Share
Want to have your highlights saved across all your devices? Sign up or sign in
Bible in Nzema © Bible Society of Ghana, 1998.
