Ade 17
17
Nzule mɔɔ vi bodane nu
(Ɛdi 20.1-13)
1Yizilayɛma kɔsɔɔti vile fienemgbole ne anu zɔle bɛ adendulɛ ne azo ngyikyi ngyikyi, kɛmɔ Ɛdɛnkɛma ngyehyɛlɛ ne se la, na bɛyɛle azokoɛleɛ wɔ Relɛfedem, na ɛnee nzule mɔɔ bɛno la ɛnle ɛkɛ. 2Yemɔti menli ne hɔle Mosisi anwo zo na bɛzele ye kɛ, “Maa yɛ nzule yɛnlo.”
Na Mosisi hanle hilele bɛ kɛ, “Duzu ati a bɛra me nwo zo bɛbabɔ me somolɛ a? Duzu ati a bɛlɛsɔ Ɛdɛnkɛma bɛanlea a?”
3Nzuhɔne hunle menli ne na bɛdendɛle bɛtiale Mosisi, bɛhanle kɛ, “Duzu ati a ɛvale yɛ ɛvile Yigyibiti, kɛ ɛ nee yɛ ba wɔamaa nzuhɔne ahu yɛ, ahu yɛ mra nee yɛ nlankɛ ɛ?”
4Na Mosisi zunle zɛlɛle Ɛdɛnkɛma kɛ, “Menli ɛhye mɔ, kɛ menyɛ bɛ ɛ? Asɛɛ bɛzi me awolɛ bɛwie.”
5Ɛdɛnkɛma zele Mosisi kɛ, “Fa Yizilayɛ mgbanyima ne mɔ bie na ɛ nee bɛ ɛze ɛli menli ne anyunlu. Fa kpɔma ne mɔɔ ɛvale ɛbɔle Azule Naele ne anu la kɔ. 6Nea, mebagyinla bodane bie azo wɔ ɛ nyunlu wɔ Saenae Boka; ɛbava wɔ kpɔma ne wɔabɔ bolɛ ne, na nzule vi nu bara, amaa menli ne anyia bie anlo.” Na Mosisi yɛle ye zɔhane wɔ Yizilayɛ mgbanyima ne mɔ anyunlu.
7Na ɔvɛlɛle ɛleka zɔhane Masa#17.7 Masa: Ɔ bo a le “Sɔnea.” nee Mɛleba#17.7 Mɛleba: Ɔ bo a le “Kpolerazulɛ.” ɔboalekɛ Yizilayɛma ne mɔ bɔle tokule zɔle Ɛdɛnkɛma nleanle, na bɛhanle kɛ, “Asoo Ɛdɛnkɛma wɔ yɛ avinli anzɛɛ ɔnle yɛ avinli?”
Bɛ nee Amalɛkema konle ne
8Amalɛkema nee Yizilayɛma hɔhonle wɔ Relɛfedem.
9Na Mosisi hanle hilele Dwɔhyua kɛ, “Ye menli, ɛ nee bɛ nee Amalɛkema ɛhɔho. Ɛhyema mebalɛ Nyamenle kpɔma ne me sa nu meahɔgyinla boka ne azo.” 10Yemɔti Dwɔhyua yɛle mɔɔ Mosisi hanle hilele ye la na ɔ nee Amalɛkema hɔhonle. Na Mosisi, Aalɔn, yɛɛ Hɛɛle hɔle boka ne azo. 11Na mekɛ biala mɔɔ Mosisi kɛmaa ɔ sa zo la, ɛnee Yizilayɛma asa ɛla Amalɛkema anwo zo; saa ɔgua ɔ sa aze a, ɛnee Amalɛkema asa ɛla Yizilayɛma anwo zo. 12Na Mosisi asa akee bule, yemɔti bɛvale bolɛ bɛdole ɛkɛ bɛmanle ɔdɛnlanle zolɛ. Akee Aalɔn nee Hɛɛle sosɔle ɔ sa, ko lɛ fema ne yɛɛ ko lɛ bɛne ne. Yemɔti yeanga ɔ sa aze toonwo sɛnzɛne ne dɔle.
13Na Dwɔhyua vale ye konle dadeɛ ne biale Amalɛkema takaa.
14 #
Mɛla 25.17-19; 1 Sam 15.2-9 Akee Ɛdɛnkɛma zele Mosisi kɛ, “Kɛlɛ ɛhye wɔ buluku nu maa ɔyɛ ngakyelɛ na kenga kile Dwɔhyua kɛ: Mebanunu Amalɛkema abo zo bɔkɔɔ wɔ aleɛabo.”
15Na Mosisi zile azukponle, na ɔdonle ye “Ɛdɛnkɛma le me Fɛlɛnra.”
16Ɔse, “Bɛmaa Ɛdɛnkɛma fɛlɛnra ne zo! Ɔvi awolɛndoazo mɔɔ kɔ awolɛndoazo la, Ɛdɛnkɛma baho atia Amalɛkema.”
Currently Selected:
Ade 17: NB
Highlight
Copy
Compare
Share
Want to have your highlights saved across all your devices? Sign up or sign in
Bible in Nzema © Bible Society of Ghana, 1998.
