Mateo 4
4
Abɔnzam so Yesu nea
(Marko 1.12-13; Luka 4.1-13)
1Afei Sunzum ne fale Yesu hɔle ɛserɛ so kyɛ abɔnzam ooso ye nea. 2#Ɛks 34.28; 1 Ahe 19.8 Ɔhyele hɔen eleburanna, eyia ne kɔngɔen, na ɛhɔen huni ye. 3Na bɔ oso mmenia nea ne wale ye berɛ oosele ye kyɛ, “Sɛ wɔ ole Nyameɛ Awa ne a, hyɛ nyɔboɛ hemɔ ma paanoo.” 4#Deut 8.3 Nakoso obuale kyɛ, “Bahyerɛ kyɛ,
‘Nna paanoo ngome so yeɛ sona nate nya ngoa ɔ,
na mmom ɔnate edwirɛ biala bɔ ofi Nyameɛ noa ba ɔ so.’ ”
5 #
Mat 27.53; Neh 11.1; Dan 9.24; Nye 21.10 Afei abɔnzam fale ye hɔle kuro krongron ne anu, na ɔfale ye oogyinane asɔneyɛɛ sua ne ti afia, 6#Edw 91.11-12 na osele ye kyɛ, “Sɛ wɔ ole Nyameɛ Awa ne a, to wɔ nwo ye aseɛnwo dɔ, ofikyɛ bahyerɛ kyɛ,
‘Wɔ ti, ɔkɔfa ahyɛdeɛ kɔma ye abɔfo mɔ,
na bɛkɔsoa wɔ wɔ bɛ sa so,
amaa ɔnate so wɔ gya ambura nyɔboɛ.’ ”
7 #
Deut 6.16
Yesu buale ye kyɛ, “Bahyerɛ ye bieku kyɛ, ‘Nneso Awurade wɔ Nyameɛ nea!’ ” 8Yeɛ abɔnzam fale ye bieku hɔle bokaa tendenn bie aso, na ohyirele ye ewiase ahennie amukoraa ne nu animnyam; 9na osele ye kyɛ, “Sɛ ɛkɔkoto kɔsɔne me a, ahaa ngɔfa ɛhemɔ amukoraa ngɔma wɔ.” 10#Deut 6.13; Mak 8.33 Yeɛ Yesu buale ye kyɛ, “Dwɔso berɛ kɔ dɔ, Satan! Ofikyɛ Bahyerɛ kyɛ,
‘Sɔne Awurade wɔ Nyameɛ,
na ye ngome twe yeɛ so ye ɔ!’ ”
11Yeɛ abɔnzam yakyili ye berɛ, na yieee, abɔfo mɔ wale bɛɛsole ye.
Yesu bɔ ye adwuma bo wɔ Galilea
(Marko 1.14-15; Luka 4.14-15)
12 #
Mat 14.3; Mak 1.14; Luk 4.14; Mat 14.3; Yoh 1.43 Yesu tele kyɛ bafa Yohane bato kuku nu nen, ofili Galilea. 13#Yoh 2.12; Mak 1.21 Otu fili Nasarɛte ɔɔtenane Kapanɔm bɔ ɔwɔ mboanoa, wɔ Sebulɔn ne Nafetali mbɔtam. 14Na ɛhe mane ngɔmhyɛlɛniɛ Yesaya dwirɛ bɔ ɔhane ne wale nu kyɛ,
15 #
Yes 9.1-2 “Sebulɔn aseɛ ne Nafetali aseɛ,
bɔ ɔwɔ ɛpo atee ne aso dɔ, wɔ Yɔɔdan si,
Galilea bɔ ɔte Amaenmaensofoɛ aseɛ;
16maen bɔ ɔte awosii nu ne,
wanwu kanea hyireinn;
na bɛ bɔ bɛte ewue aseɛ awosii kabii so ne,
kanea bie apukye ama bɛ.”
17 #
Mak 1.15; Mat 3.2; 10.7 Ofi mmerɛ sɔ ne yeɛ Yesu hyɛle ye bo hane nzɛmba ne kyɛ, “Ɛ́mɔsakyera ɛmɔ adwene, ofikyɛ nyameɛso ahennie ne apingye!”
Yesu frɛ asuafoɛ nna
(Marko 1.16-20; Luka 5.1-11)
18Né Yesu nate Galilea mboanoa, na onwuni aliɛmaa nyɔ bɔ bɛ ole Simɔn bɔ bɛfrɛ ye Petro, ɔne oliɛma Andrea kyɛ begua asawu ɛpo nu ɔ, ofikyɛ né bɛte mmenia bɔ bɛkɔ po ɔ. 19Yeɛ Yesu sele bɛ kyɛ, “Ɛ́mɔli me si, na ngɔma ɛmɔkɔhwehwe mmenia bɛkɔbrɛ me.” 20Na berɛ ne ala, bɛyakyili b’asawu nemɔ berɛ beelili ye si. 21Ɔhɔle moa kãa nen, onwuni aliɛmaa nyɔ bieku, bɔ bɛ ole Sebedeo awa Yakobo ɔne oliɛma Yohane, kyɛ bɛ ne bɛ baba Sebedeo bɛte ɛlɛen nu bɛpomba b’asawu ɔ. Na ɔfrɛle bɛ. 22Na berɛ ne ala, bɛyakyili ɛlɛen ne ne bɛ baba berɛ beelili ye si.
Yesu ka nzɛmba na osa sa anwonyerɛ
(Luka 6.17-19)
23 #
Mat 9.35; Mak 1.39 Yesu hyinini Galilea amukoraa yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba ne, na ɔsale anwonyerɛ ne anwommerɛlɛ ahoroɔ wɔ maen ne anu. 24Ye nwo dwirɛ trɛ hɔle Siria amukoraa, na bɛfale bɛ bɔ bɛnde apɔ amukoraa bɔ anwonyerɛ ne anwondutuo ahoroɔ ayɛ bɛ ɔ, bɛ bɔ sunzummɔne wɔ bɛ so ɔ, ɔne bɛ bɔ ɛpɛlɛ ne apreprɛ wɔ bɛ so ɔ bɛbrɛle ye, na ɔsale bɛ anwonyerɛ. 25Na mmenia pee fili Galilea ne Dekapoli,#4.25: DEKAPOLI: Dekapoli bo kyire Nguro Buru. Yerusalem, Yudea, yeɛ Yɔɔdan si dɔ beelili ye si.
Currently Selected:
Mateo 4: EBP
Highlight
Copy
Compare
Share
Want to have your highlights saved across all your devices? Sign up or sign in
Esahie Bible © Bible Society of Ghana, 2018.