Asomafoɛ 1

1 # Luk 1.1-4 O Tiofilo, me nwomaa bɔ ngyerɛle bɔ oli moa ne anu ne, ngane nikyee biala bɔ Yesu yɔle, ná ohyirele fi mmerɛ bɔ ɔhyɛle ye adwuma bo 2bɔ ɔkwaadwu kyẽa bɔ bɛfale ye bɛhɔle nyameɛso ɔ. Na anzana bɛbaafa ye bɛkɔ nyameɛso ne, ɔnate Sunzum Krongron so mane mmenia bɔ waneanea nu waye bɛ kyɛ ye asomafoɛ nemɔ ahyɛdeɛ. 3Na Yesu wue ne asi ne, ɔnate atee ne sue ahoroɔ nu ngyẽa eleburanna yele ye nwo ali lili adanzeɛ hyirele ye asuafoɛ nemɔ kyɛ ɔte ase. Benwuni ye, na ɔhane Nyameɛ ahennie ne nwo dwirɛ hyirele bɛ. 4#Luk 24.49 Ɛlɛho bie, ɔne bɛ yiale, na ɔhyɛle bɛ kyɛ, “Nnɛma ɛmɔfi Yerusalem bɛkɔ, na mmom ɛmɔnwondɛ me Baba anohoba bɔ ngane ye nwo dwirɛ ngyirele ɛmɔ ne. 5#Mat 3.11; Mak 1.8; Luk 3.16; Yoh 1.33 Yohane de, ɔfale nzue yeɛ ɔbɔle asu ɔ; na ɛmɔ de, ɔngɔhyɛ biala Nyameɛ kɔfa Sunzum Krongron ne yeɛ ɔkɔbɔ ɛmɔ asu ɔ.”

Bɛfale Yesu bɛhɔle nyameɛso

(Marko 16.19-20; Luka 24.50-53)

6Mmerɛ bɔ asomafoɛ nemɔ ne Yesu yiale ne, bebisale ye kyɛ, “Awurade, yiti mmerɛ he anu yeɛ ekosa kɔfa Ahennie ne kɔma Yisrael anaa?” 7Na Yesu buale bɛ kyɛ, “Me Baba bɔbɔ yeɛ ole ye tumi wahyehyɛ mmerɛ ne ngyẽa ɔ, na onhia kyɛ ɛmɔkonwu mmerɛ bɔ ɛhemɔ kosi ɔ. 8#Mat 28.19; Mak 16.15; Luk 24.47-48 Na sɛ Sunzum Krongron ne ba ɛmɔ so a, ɛmɔkonya tumi ná ɛmɔayɛ m’adanzefoɛ wɔ Yerusalem, ne Yudea amukoraa ne Samaria maa waadwu aseɛ so nekaa biala.” 9#Mak 16.19; Luk 24.50-51 Na ɔhane ɛhe yiele, ná begu so bɛnea ye ne, bɛfale ye bɛhɔle nyameɛso, na munungum pɛle ye nwo yiale bɔ bannwu ye ko.

10 # Luk 24.10 Ɔkɔ nen, né bɛnea anwuro haa, na yieee, mmienzua nyɔ bie bɔ bewura ndaadeɛ fufue ɔ beegyinane bɛ nwo berɛ, 11#Luk 21.27 na besele bɛ, “Galileafoɛ, nzu ati yeɛ ɛmɔgyi wa bɛnea anwuro ye? Yesu he ala bɔ bafa ye bafi ɛmɔ nwo bahɔ nyameɛso ne, kyɛbɔ ɛmɔnwu ye kyɛ ɔ́kɔ nyameɛso ne, sɔ ala yeɛ okosa kɔwa ɔ.”

Asomafoɛ ne yiale wɔ Yerusalem

(Mateo 27.3-10)

12 # Luk 24.50, 52-53 Afei befili Olive Bokaa bɔ opingye Yerusalem ne aso besa bɛhɔle Yerusalem. Ɔte kɔyɛ afofikyẽa ɛnatelɛ atee. 13#Mat 10.2-4; Mak 3.16-19; Luk 6.14-16 Bedwuli kuro ne anu ne, bɛhɔle sua bie anu wɔ aborɔsaen so; na berɛ yeɛ né Petro, Yohane, Yakobo ne Andrea, Filipo ne Tɔmase, Batolomeo ne Mateo, Alfeo awa Yakobo, Simɔn Selote,#1.13: SELOTE: Sona bɔ ɔko ɔpere fawɔnwodi ma ye maen. yeɛ Yakobo awa Yudase bɛte ɔ. 14#Aso 2.1 Bɛ mukoraa bɛmane b’adwene yɛle ko betuli bɛ nwo besiele berɛ bɛbɔle mbaeɛ, bɛne mmrasua nemɔ ne Yesu maame Maria ne Yesu aliɛmaa mɔ.

Bɛfale Matiase besili Yudase gya nu

15Ngyẽa kãa bie asi ne, agyidifoɛ ne yiale, na né bɛte kɔyɛ ɛyaa ko ne aburanyɔ. Petro dwɔso gyinane b’afia na ɔhane kyɛ, 16#Edw 41.9 “Aliɛmaa mɔ, odi kyɛ ahyerɛlɛ bɔ Sunzum Krongron ne fale Dawide so hane ne ba nu wɔ Yudase nwo. Sɔ Yudase ne yeɛ olili bɛ bɔ bɛhyele Yesu ne nyunu ɔ. 17Né ɔboka yɛ asuafoɛ fekue ne aso, ofikyɛ bɛyele ye maa onyane kyɛfa wɔ adwuma he anu.” 18#Mat 27.3-8 (Sɔ Yudase ne, ɔfale sikaa bɔ onya fili ye amumuyɛɛ ne anu tɔle aseɛ, na ye kɔme ɔɔwɔle berɛ nen, ye ko pakyele, na ye nyaa mukoraa tu guale. 19Na bɛ bɔ bɛte Yerusalem amukoraa bɛtele sɔ dwirɛ ne. Yiti bɛfrɛ sɔ aseɛ ne wɔ bɛ bɔbɔ bɛ dwudwolɛ nu kyɛ, “Akeldama”, bɔ ye bo kyire kyɛ, “Mogya Aseɛ.”) 20#Edw 69.25; 109.8 “Ofikyɛ bahyerɛ ye Edwein Nwomaa ne anu kyɛ,

‘Ma ye atenaleɛ ɔyɛ dandue,

nnɛma ebiala tena nu.’

‘Yeɛ ye diberɛ ne, ma ebie ɔfa!’

21“Yiti mmenia bɔ bɛne yɛ natele mmerɛ amukoraa bɔ Awurade Yesu ɔne yɛ lili akɔneaba, 22#Mat 3.16; Mak 1.9; 16.19; Luk 3.21; 24.51 fi Yohane asubɔlɛ#1.22: Anaakyɛ fili mmerɛ bɔ Yohane bɔle Yesu asu. ne aso kodwu kyẽa bɔ bɛfale Yesu befili yɛ wa bɛhɔle nyameɛso ne, ɔsɛ kyɛ bɛ nu ko baboka yɛ so maa yɛyɛ ye wutingyelɛ ne anwo adanzefoɛ.”

23Yiti besusuli mmenia nyɔ: Yosef bɔ bɛfrɛ ye Basaba bɔ bɛtole ye dumaa Yusto, ɔne Matiase. 24Na bɛbɔle mbaeɛ kyɛ, “Awurade, wɔ yeɛ ɛse ebiala ti anu dwirɛ ɔ, yiti mmenia nyɔ he, kyire yɛ bɛ nu ko bɔ aye ye 25kyɛ ɔyɛ asomafoɛ adwuma ne osi Yudase, bɔ ofili yɛ nu tele ye nwo hɔle nekaa bɔ ɔsɛ kyɛ ɔkɔ ɔ ne gya nu.” 26Beguale bɛ munyɔ bɛ so serewa, na serewa ne yele Matiase; na bɛfale ye bɛbokale asomafoɛ buru ne ko ne aso.

Currently Selected:

Asomafoɛ 1: EBP

Highlight

Copy

Compare