ZEPANIA 1
1
MOKUNA I.
1 Ua huhū ʻia kā Iuda a me Ierusalema no ka hoʻomana kiʻi. 7 No nā pōpilikia e kau mai ana ma luna o ka poʻe hewa.
1¶ ʻO ka ʻōlelo a Iēhova, ka mea i hiki mai i o Zepania lā i ke keiki a Kusi, ke keiki a Gedalia, ke keiki a ʻAmaria, ke keiki a Hizekia, i nā lā o Iosia ke keiki a ʻAmona, ke aliʻi o kā Iuda.
2¶ “E lawe loa aku auaneʻi au i nā mea a pau
Mai luna aku o ka ʻāina,” wahi a Iēhova.
3“E lawe auaneʻi au i nā kānaka a me nā holoholona;
E lawe auaneʻi au i nā manu o ka lewa,
A me nā iʻa o ke kai,
A me nā mea e hina ai, me ka poʻe hewa;
A e hōʻoki iho hoʻi au i nā kānaka mai luna aku o ka ʻāina,” wahi a Iēhova.
4“E kau aku hoʻi au i kuʻu lima ma luna o kā Iuda,
A me nā kānaka a pau o Ierusalema;
A e hōʻoki iho au i ke koena o ko Baʻala, mai kēia wahi aku,
A me ka inoa o nā mea hoʻomana kiʻi a me nā kāhuna hoʻi.
5“A me ka poʻe hoʻomana i ka pūʻali o ka lani ma luna o nā hale;
A me ka poʻe hoʻomana, a hoʻohiki hoʻi ma Iēhova, a ma ka hoʻohiki ma Malekama;
6“A me ka poʻe i hoʻi i hope mai o Iēhova aku;
A me ka poʻe ʻaʻole i ʻimi iā Iēhova, ʻaʻole hoʻi i nīnau aku nona.”
7¶ E hāmau ʻoe ma ke alo o Iēhova ka Haku;
No ka mea, ua kokoke mai nei ka lā o Iēhova;
No ka mea, ua hoʻomākaukau maila ʻo Iēhova i ka mōhai,
A ua hoʻolaʻa ihola ʻo ia i kona poʻe hoa ʻai.
8“A i ka lā o ko Iēhova mōhai ʻana,
E hoʻopaʻi auaneʻi au i nā aliʻi a me nā keiki a ke aliʻi,
A me ka poʻe a pau i ʻaʻahu ʻia i nā kapa ʻē.
9“Ia lā nō, e hoʻopaʻi au i ka poʻe a pau e lele ana ma luna o ka paepae puka,
A e hoʻopiha i ka hale o ko lākou haku i nā mea i hao wale ʻia a me ka hoʻopunipuni.
10“A ia lā nō,” wahi a Iēhova,
“He leo nō ka uē ʻana mai ka Puka Iʻa mai,
A he ʻaoa ʻana mai ka ʻĀpana ʻAlua mai,
A me ka luku nui ʻana mai nā puʻu mai.
11“E kanikau ʻoukou, e nā kānaka o Maketesa;
No ka mea, ua hōʻoki ʻia aʻe nā kānaka kūʻai a pau;
ʻO ka poʻe a pau i kaumaha i ke kālā, ua ʻoki ʻia.
12“Ia manawa nō,
E huli iho nō wau iā Ierusalema me nā kukui,
A e hoʻopaʻi i ka poʻe e noho paʻakikī ana
Ma luna o ko lākou mākū;
E ʻōlelo ana i loko o ko lākou naʻau,
‘ʻAʻole e hana mai ana ʻo Iēhova i ka maikaʻi, ʻaʻole hoʻi e hana ia i ka ʻino.’
13“No laila, e lilo auaneʻi ko lākou waiwai i pio,
A me nā hale o lākou i neoneo;
E kāpili lākou i nā hale, ʻaʻole hoʻi e noho i loko;
E kanu lākou i nā māla waina, ʻaʻole hoʻi e inu i ka waina o laila.”
14¶ Ua kokoke mai ka lā nui o Iēhova,
Ua kokoke mai, a e wikiwiki loa mai ana
Ka leo no ka lā o Iēhova;
I laila e uē nui ai ke kanaka ikaika.
15He lā no ka inaina ua lā lā,
He lā pōpilikia a me ka pōʻino,
He lā e hao wale ʻia ai a me ka hoʻoneoneo,
He lā pouli wale a me ka pōʻeleʻele,
He lā e uhi mai ai nā ao a me ka pouli paʻapū,
16He lā o ka pū kani a me ka hoʻokani ʻana,
E kūʻē i nā kūlanakauhale i puni i ka pā,
A ma nā hale kiaʻi kiʻekiʻe.
17A e hoʻopilikia nō wau i nā kānaka,
I hele ai lākou e like me nā makapō;
No ka mea, ua hana hewa aku lākou iā Iēhova;
A e ninini ʻia aku ko lākou koko e like me ka lepo,
A ʻo ko lākou ʻiʻo e like me ka ʻōpala.
18ʻAʻole hoʻi e hiki i kā lākou kālā, ʻaʻole hoʻi i kā lākou gula
Ke hoʻopakele iā lākou
I ka lā o ko Iēhova inaina;
Akā, e pau auaneʻi ka ʻāina a pau
I ke ahi o kona lili ʻana;
No ka mea, e hoʻopau koke ana ʻo ia
I ka poʻe a pau
E noho ana ma ka ʻāina.
Currently Selected:
ZEPANIA 1: KBH
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.
ZEPANIA 1
1
MOKUNA I.
1 Ua huhū ʻia kā Iuda a me Ierusalema no ka hoʻomana kiʻi. 7 No nā pōpilikia e kau mai ana ma luna o ka poʻe hewa.
1¶ ʻO ka ʻōlelo a Iēhova, ka mea i hiki mai i o Zepania lā i ke keiki a Kusi, ke keiki a Gedalia, ke keiki a ʻAmaria, ke keiki a Hizekia, i nā lā o Iosia ke keiki a ʻAmona, ke aliʻi o kā Iuda.
2¶ “E lawe loa aku auaneʻi au i nā mea a pau
Mai luna aku o ka ʻāina,” wahi a Iēhova.
3“E lawe auaneʻi au i nā kānaka a me nā holoholona;
E lawe auaneʻi au i nā manu o ka lewa,
A me nā iʻa o ke kai,
A me nā mea e hina ai, me ka poʻe hewa;
A e hōʻoki iho hoʻi au i nā kānaka mai luna aku o ka ʻāina,” wahi a Iēhova.
4“E kau aku hoʻi au i kuʻu lima ma luna o kā Iuda,
A me nā kānaka a pau o Ierusalema;
A e hōʻoki iho au i ke koena o ko Baʻala, mai kēia wahi aku,
A me ka inoa o nā mea hoʻomana kiʻi a me nā kāhuna hoʻi.
5“A me ka poʻe hoʻomana i ka pūʻali o ka lani ma luna o nā hale;
A me ka poʻe hoʻomana, a hoʻohiki hoʻi ma Iēhova, a ma ka hoʻohiki ma Malekama;
6“A me ka poʻe i hoʻi i hope mai o Iēhova aku;
A me ka poʻe ʻaʻole i ʻimi iā Iēhova, ʻaʻole hoʻi i nīnau aku nona.”
7¶ E hāmau ʻoe ma ke alo o Iēhova ka Haku;
No ka mea, ua kokoke mai nei ka lā o Iēhova;
No ka mea, ua hoʻomākaukau maila ʻo Iēhova i ka mōhai,
A ua hoʻolaʻa ihola ʻo ia i kona poʻe hoa ʻai.
8“A i ka lā o ko Iēhova mōhai ʻana,
E hoʻopaʻi auaneʻi au i nā aliʻi a me nā keiki a ke aliʻi,
A me ka poʻe a pau i ʻaʻahu ʻia i nā kapa ʻē.
9“Ia lā nō, e hoʻopaʻi au i ka poʻe a pau e lele ana ma luna o ka paepae puka,
A e hoʻopiha i ka hale o ko lākou haku i nā mea i hao wale ʻia a me ka hoʻopunipuni.
10“A ia lā nō,” wahi a Iēhova,
“He leo nō ka uē ʻana mai ka Puka Iʻa mai,
A he ʻaoa ʻana mai ka ʻĀpana ʻAlua mai,
A me ka luku nui ʻana mai nā puʻu mai.
11“E kanikau ʻoukou, e nā kānaka o Maketesa;
No ka mea, ua hōʻoki ʻia aʻe nā kānaka kūʻai a pau;
ʻO ka poʻe a pau i kaumaha i ke kālā, ua ʻoki ʻia.
12“Ia manawa nō,
E huli iho nō wau iā Ierusalema me nā kukui,
A e hoʻopaʻi i ka poʻe e noho paʻakikī ana
Ma luna o ko lākou mākū;
E ʻōlelo ana i loko o ko lākou naʻau,
‘ʻAʻole e hana mai ana ʻo Iēhova i ka maikaʻi, ʻaʻole hoʻi e hana ia i ka ʻino.’
13“No laila, e lilo auaneʻi ko lākou waiwai i pio,
A me nā hale o lākou i neoneo;
E kāpili lākou i nā hale, ʻaʻole hoʻi e noho i loko;
E kanu lākou i nā māla waina, ʻaʻole hoʻi e inu i ka waina o laila.”
14¶ Ua kokoke mai ka lā nui o Iēhova,
Ua kokoke mai, a e wikiwiki loa mai ana
Ka leo no ka lā o Iēhova;
I laila e uē nui ai ke kanaka ikaika.
15He lā no ka inaina ua lā lā,
He lā pōpilikia a me ka pōʻino,
He lā e hao wale ʻia ai a me ka hoʻoneoneo,
He lā pouli wale a me ka pōʻeleʻele,
He lā e uhi mai ai nā ao a me ka pouli paʻapū,
16He lā o ka pū kani a me ka hoʻokani ʻana,
E kūʻē i nā kūlanakauhale i puni i ka pā,
A ma nā hale kiaʻi kiʻekiʻe.
17A e hoʻopilikia nō wau i nā kānaka,
I hele ai lākou e like me nā makapō;
No ka mea, ua hana hewa aku lākou iā Iēhova;
A e ninini ʻia aku ko lākou koko e like me ka lepo,
A ʻo ko lākou ʻiʻo e like me ka ʻōpala.
18ʻAʻole hoʻi e hiki i kā lākou kālā, ʻaʻole hoʻi i kā lākou gula
Ke hoʻopakele iā lākou
I ka lā o ko Iēhova inaina;
Akā, e pau auaneʻi ka ʻāina a pau
I ke ahi o kona lili ʻana;
No ka mea, e hoʻopau koke ana ʻo ia
I ka poʻe a pau
E noho ana ma ka ʻāina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.