HABAKUKA 3
3
MOKUNA III.
1 Ka pule a ke kāula. 3 Hōʻike mai nō ia i nā hana kahiko a ke Akua no kā ʻIseraʻela, i mea e lana ai ka manaʻo e hoʻopakele hou mai ke Akua iā lākou. 16 Haʻalulu nō ia no nā mea e hiki mai ana ma luna o lākou; akā, hauʻoli nō i loko o ke Akua.
1¶ ʻO ka pule a Habakuka, ke kāula, me ka mele lanakila.
2¶ E Iēhova, ua lohe au i ka mea āu i ʻōlelo ai, a weliweli ihola au;
E Iēhova, e hoʻāla hou mai ʻoe i kāu hana i waena o nā makahiki,
I waena o nā makahiki e hōʻike mai;
I loko o ka huhū, e hoʻomanaʻo mai ʻoe i ke aloha.
3¶ ʻO ke Akua kai hele mai, mai Temana mai,
A ʻo ka Mea Hemolele mai ka mauna ʻo Parana mai. Sila.
Uhi mai kona nani i ka lani,
A ua piha ka honua i kona hoʻoleʻa.
4ʻO kona ʻōlinolino ua like me ka lā,
Mai kona lima mai nā kukuna mālamalama,
A ma laila ka hūnā ʻana o kona mana.
5I mua ona i hele aku ai ke ahulau,
A ʻo ka make wela i hele aku ma kona mau wāwae.
6Kū aʻela ia, a ana akula i ka honua,
Nānā aʻela ia, a hoʻohaʻalulu i nā lāhui kanaka;
Ua hoʻoheleleʻi ʻia nā mauna kahiko,
A ua hoʻohaʻahaʻa ʻia nā puʻu mau loa;
ʻO ia kona mau ʻaoʻao i ka wā kahiko.
7ʻIke akula au i nā halelewa o Kusana i ka pōpilikia;
A haʻalulu nā pākū halelewa o ka ʻāina ʻo Midiana.
8¶ Ua huhū anei ʻo Iēhova i nā muliwai?
A ua kūʻē kou inaina i nā kahawai?
Ua makaʻē kou huhū i ke kai?
I ka manawa āu i holo ai ma luna o kou mau lio,
Kou mau hale kaʻa o ke ola?
9Ua wehe loa ʻia kāu kakaka,
ʻO nā ihe ʻehiku, ʻo ia ka ʻōlelo. Sila.
Ua hoʻonahae ʻoe i ka honua me nā muliwai.
10ʻIke aku nā mauna iā ʻoe, haʻalulu ihola;
A holo akula ka wai nui,
A hoʻopuka mai ka hohonu i kona leo,
Hoʻokiʻekiʻe aʻela ia i kona mau lima i luna.
11ʻO ka lā, ʻo ka mahina, kū mālie ma ko lāua wahi;
Ma ka mālamalama o kou mau pua, hele akula lākou,
A ma ka wakawaka o kāu ihe huali.
12Me ka inaina i hele aku ʻoe ma waena o ka ʻāina,
Me ka huhū i hahi iho ʻoe i nā lāhui kanaka.
13Ua hele aku ʻoe e hoʻōla i kou poʻe kānaka,
E hoʻopakele i kou mea i poni ʻia;
Ua ʻulupā ʻoe i ke poʻo o ka mea no ka ʻohana hewa,
Ua hōʻike aʻe i ka hohonu, a hiki i ka ʻāʻī. Sila.
14Ua ʻō hou aku ʻoe i ke poʻo o kona poʻe aliʻi,
Me kāna mau ihe,
Holo mai lākou, me he ʻino lā, e hoʻopuehu iaʻu;
ʻO ko lākou ʻoliʻoli, ua like me
Ka ʻoliʻoli o ka luku ʻana i ka mea ʻilihune ma kahi malū.
15Ua hele ʻoe i waena o ke kai me kou poʻe lio,
Ma ke ʻaleʻale o nā wai nui.
16¶ Lohe ihola au, a haʻalulu koʻu ʻōpū;
Haʻalulu kuʻu lehelehe i ka leo;
Komo mai ka popopo i loko o kou mau iwi,
A haʻalulu au ma kuʻu wahi ma lalo;
He ʻoiaʻiʻo, e hoʻomaha au i ka lā o ka pōpilikia,
A piʻi kūʻē mai nā kānaka, e hoʻopilikia mai.
17I ka manawa e pua ʻole mai ai ka lāʻau kū,
ʻAʻole hoʻi he hua ma nā kumu waina;
A e mae ka hua o ka lāʻau ʻoliva,
ʻAʻole hoʻi e hua mai nā kīhāpai i ka ʻai;
A e ʻoki ʻia aku ka poʻe hipa mai ka pā hipa aku,
ʻAʻole hoʻi he bipi ma loko o nā wahi hānai bipi.
18E ʻoliʻoli nō au i loko o Iēhova,
E hauʻoli nō au i loko o ke Akua o kuʻu ola.
19ʻO Iēhova ka Haku, ʻo ia koʻu ikaika,
A e hoʻohālike mai ia i koʻu wāwae, me nā wāwae o nā dia,
A e hoʻohele nō ia iaʻu ma luna o kuʻu mau wahi kiʻekiʻe.
Na ka luna mele ma nā mea kani.
Currently Selected:
HABAKUKA 3: KBH
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.
HABAKUKA 3
3
MOKUNA III.
1 Ka pule a ke kāula. 3 Hōʻike mai nō ia i nā hana kahiko a ke Akua no kā ʻIseraʻela, i mea e lana ai ka manaʻo e hoʻopakele hou mai ke Akua iā lākou. 16 Haʻalulu nō ia no nā mea e hiki mai ana ma luna o lākou; akā, hauʻoli nō i loko o ke Akua.
1¶ ʻO ka pule a Habakuka, ke kāula, me ka mele lanakila.
2¶ E Iēhova, ua lohe au i ka mea āu i ʻōlelo ai, a weliweli ihola au;
E Iēhova, e hoʻāla hou mai ʻoe i kāu hana i waena o nā makahiki,
I waena o nā makahiki e hōʻike mai;
I loko o ka huhū, e hoʻomanaʻo mai ʻoe i ke aloha.
3¶ ʻO ke Akua kai hele mai, mai Temana mai,
A ʻo ka Mea Hemolele mai ka mauna ʻo Parana mai. Sila.
Uhi mai kona nani i ka lani,
A ua piha ka honua i kona hoʻoleʻa.
4ʻO kona ʻōlinolino ua like me ka lā,
Mai kona lima mai nā kukuna mālamalama,
A ma laila ka hūnā ʻana o kona mana.
5I mua ona i hele aku ai ke ahulau,
A ʻo ka make wela i hele aku ma kona mau wāwae.
6Kū aʻela ia, a ana akula i ka honua,
Nānā aʻela ia, a hoʻohaʻalulu i nā lāhui kanaka;
Ua hoʻoheleleʻi ʻia nā mauna kahiko,
A ua hoʻohaʻahaʻa ʻia nā puʻu mau loa;
ʻO ia kona mau ʻaoʻao i ka wā kahiko.
7ʻIke akula au i nā halelewa o Kusana i ka pōpilikia;
A haʻalulu nā pākū halelewa o ka ʻāina ʻo Midiana.
8¶ Ua huhū anei ʻo Iēhova i nā muliwai?
A ua kūʻē kou inaina i nā kahawai?
Ua makaʻē kou huhū i ke kai?
I ka manawa āu i holo ai ma luna o kou mau lio,
Kou mau hale kaʻa o ke ola?
9Ua wehe loa ʻia kāu kakaka,
ʻO nā ihe ʻehiku, ʻo ia ka ʻōlelo. Sila.
Ua hoʻonahae ʻoe i ka honua me nā muliwai.
10ʻIke aku nā mauna iā ʻoe, haʻalulu ihola;
A holo akula ka wai nui,
A hoʻopuka mai ka hohonu i kona leo,
Hoʻokiʻekiʻe aʻela ia i kona mau lima i luna.
11ʻO ka lā, ʻo ka mahina, kū mālie ma ko lāua wahi;
Ma ka mālamalama o kou mau pua, hele akula lākou,
A ma ka wakawaka o kāu ihe huali.
12Me ka inaina i hele aku ʻoe ma waena o ka ʻāina,
Me ka huhū i hahi iho ʻoe i nā lāhui kanaka.
13Ua hele aku ʻoe e hoʻōla i kou poʻe kānaka,
E hoʻopakele i kou mea i poni ʻia;
Ua ʻulupā ʻoe i ke poʻo o ka mea no ka ʻohana hewa,
Ua hōʻike aʻe i ka hohonu, a hiki i ka ʻāʻī. Sila.
14Ua ʻō hou aku ʻoe i ke poʻo o kona poʻe aliʻi,
Me kāna mau ihe,
Holo mai lākou, me he ʻino lā, e hoʻopuehu iaʻu;
ʻO ko lākou ʻoliʻoli, ua like me
Ka ʻoliʻoli o ka luku ʻana i ka mea ʻilihune ma kahi malū.
15Ua hele ʻoe i waena o ke kai me kou poʻe lio,
Ma ke ʻaleʻale o nā wai nui.
16¶ Lohe ihola au, a haʻalulu koʻu ʻōpū;
Haʻalulu kuʻu lehelehe i ka leo;
Komo mai ka popopo i loko o kou mau iwi,
A haʻalulu au ma kuʻu wahi ma lalo;
He ʻoiaʻiʻo, e hoʻomaha au i ka lā o ka pōpilikia,
A piʻi kūʻē mai nā kānaka, e hoʻopilikia mai.
17I ka manawa e pua ʻole mai ai ka lāʻau kū,
ʻAʻole hoʻi he hua ma nā kumu waina;
A e mae ka hua o ka lāʻau ʻoliva,
ʻAʻole hoʻi e hua mai nā kīhāpai i ka ʻai;
A e ʻoki ʻia aku ka poʻe hipa mai ka pā hipa aku,
ʻAʻole hoʻi he bipi ma loko o nā wahi hānai bipi.
18E ʻoliʻoli nō au i loko o Iēhova,
E hauʻoli nō au i loko o ke Akua o kuʻu ola.
19ʻO Iēhova ka Haku, ʻo ia koʻu ikaika,
A e hoʻohālike mai ia i koʻu wāwae, me nā wāwae o nā dia,
A e hoʻohele nō ia iaʻu ma luna o kuʻu mau wahi kiʻekiʻe.
Na ka luna mele ma nā mea kani.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.