ZEPANIA 2
2
MOKUNA II.
1 Ua aʻo ʻia lākou e ʻimi koke i ke Akua, i maluhia ai. 4 He wānana no ko Pilisetia, ko Moaba, ko ʻAmona, ko ʻAitiopa, a no ko ʻAsuria.
1¶ E hoʻāʻo iā ʻoukou iho, a e hoʻāʻo ʻia hoʻi,
E ka lāhui kanaka hilahila ʻole;
2Ma mua o ka hiki ʻana mai o ka ʻōlelo paʻa,
Ma mua o ka hele ʻana o ka lā e like me ka ʻōpala;
Ma mua mai o ke kau ʻana mai o ka inaina ʻenaʻena o Iēhova iā ʻoukou;
Ma mua mai o ke kau ʻana mai o ka lā o ko Iēhova inaina iā ʻoukou.
3E ʻimi ʻoukou iā Iēhova,
E ka poʻe akahai a pau o ka honua,
Ka poʻe i hahai i kona makemake;
E ʻimi i ka pono, e ʻimi i ke akahai;
I maluhia ai paha ʻoukou
I ka lā o ko Iēhova inaina.
4¶ No ka mea, e haʻalele ʻia auaneʻi ʻo Gaza,
E neoneo auaneʻi hoʻi ʻo ʻAsekelona.
E hoʻokuke ʻia auaneʻi ʻo ʻAsedoda i ka wā awakea,
A e hoʻokahuli ʻia ʻo ʻEkerona.
5Auē ka poʻe e noho ana ma kahakai!
ʻO ka poʻe Kereti!
Ke kūʻē nei ka ʻōlelo a Iēhova iā ʻoukou.
E Kanaʻana, ka ʻāina o ko Pilisetia,
E hoʻopau auaneʻi au iā ʻoe
I koe ʻole kekahi kanaka.
6A e lilo auaneʻi ka ʻāina kahakai
I wahi no nā hale kahu hipa, a me nā pā hipa.
7A e lilo ua ʻāina lā
No ke koena o ka ʻohana a Iuda;
E ʻai auaneʻi lākou i loko o laila;
A i ke ahiahi, e moe lākou i loko o nā hale o ʻAsekelona;
No ka mea, e ʻike mai auaneʻi ʻo Iēhova ko lākou Akua iā lākou,
A e hoʻihoʻi mai i ko lākou poʻe pio.
8¶ “Ua lohe au i ka hoʻohewa ʻana mai a kā Moaba,
A me ka ʻōlelo hōʻino ʻana a kā ʻAmona,
I ka mea a lākou i hōʻino ai i koʻu poʻe kānaka,
A hoʻokiʻekiʻe aʻela e kūʻē mai i ko lākou palena ʻāina.
9“No laila, ma kuʻu ola ʻana,” wahi a Iēhova o nā kaua,
ʻO ke Akua no kā ʻIseraʻela,
“E like auaneʻi ʻo Moaba me Sodoma,
A ʻo kā ʻAmona e like me Gomora,
He nāhelehele ʻoʻoi, me nā lua paʻakai,
A me ka neoneo mau loa;
Na ke koena o koʻu poʻe kānaka lākou e hao aku,
A e lilo lākou no ke koena o koʻu poʻe kānaka.”
10E hiki nō ia mea iā lākou, no ko lākou hoʻohanohano ʻana, no ka ʻōlelo hōʻino ʻana a lākou i haʻanoʻu ai, a me ka hoʻokiʻekiʻe kūʻē i ka poʻe kānaka o Iēhova o nā kaua.
11He mea hoʻoweliweli auaneʻi ʻo Iēhova iā lākou; no ka mea, e hoʻohoka auaneʻi ʻo ia i nā akua a pau o ka honua; a e hoʻomana aku iā ia ko nā ʻāina a pau o kānaka ʻē, ʻo kēlā mea kēia mea ma kona wahi iho.
12¶ “ʻOukou nō hoʻi, e ko ʻAitiopa, e hou ʻia auaneʻi hoʻi ʻoukou i kuʻu pahi kaua.”
13E ʻō aku hoʻi ʻo ia i kona lima e kūʻē i ke kūkulu ʻākau,
A e luku aku iā ʻAsuria;
A e hoʻoneoneo iā Nineva,
A panoa e like me ka wao akua.
14E moe iho nā ʻohana hipa i loko ona,
A me nā holoholona a pau o nā ʻāina;
E moe nō hoʻi ka pelikana, a me ke kipoda
Ma luna o nā kia pōhaku ona;
E hoʻokani ko lākou leo ma nā puka makani ona;
He neoneo ma nā paepae puka; no ka mea, e wehe ʻia auaneʻi nā papa kedera ona.
15ʻO kēia ke kūlanakauhale ʻoliʻoli
I noho nanea,
Ka mea i ʻōlelo iho i loko o kona naʻau,
“ʻO wau wale nō, ʻaʻohe lua!”
Nani kona lilo ʻana i mea neoneo,
Kahi e moe ai nā holoholona hihiu!
ʻO ka mea e māʻalo aʻe ana ia wahi,
E kāhāhā ia me ka hoʻoluliluli aku i kona lima.
Currently Selected:
ZEPANIA 2: KBH
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.
ZEPANIA 2
2
MOKUNA II.
1 Ua aʻo ʻia lākou e ʻimi koke i ke Akua, i maluhia ai. 4 He wānana no ko Pilisetia, ko Moaba, ko ʻAmona, ko ʻAitiopa, a no ko ʻAsuria.
1¶ E hoʻāʻo iā ʻoukou iho, a e hoʻāʻo ʻia hoʻi,
E ka lāhui kanaka hilahila ʻole;
2Ma mua o ka hiki ʻana mai o ka ʻōlelo paʻa,
Ma mua o ka hele ʻana o ka lā e like me ka ʻōpala;
Ma mua mai o ke kau ʻana mai o ka inaina ʻenaʻena o Iēhova iā ʻoukou;
Ma mua mai o ke kau ʻana mai o ka lā o ko Iēhova inaina iā ʻoukou.
3E ʻimi ʻoukou iā Iēhova,
E ka poʻe akahai a pau o ka honua,
Ka poʻe i hahai i kona makemake;
E ʻimi i ka pono, e ʻimi i ke akahai;
I maluhia ai paha ʻoukou
I ka lā o ko Iēhova inaina.
4¶ No ka mea, e haʻalele ʻia auaneʻi ʻo Gaza,
E neoneo auaneʻi hoʻi ʻo ʻAsekelona.
E hoʻokuke ʻia auaneʻi ʻo ʻAsedoda i ka wā awakea,
A e hoʻokahuli ʻia ʻo ʻEkerona.
5Auē ka poʻe e noho ana ma kahakai!
ʻO ka poʻe Kereti!
Ke kūʻē nei ka ʻōlelo a Iēhova iā ʻoukou.
E Kanaʻana, ka ʻāina o ko Pilisetia,
E hoʻopau auaneʻi au iā ʻoe
I koe ʻole kekahi kanaka.
6A e lilo auaneʻi ka ʻāina kahakai
I wahi no nā hale kahu hipa, a me nā pā hipa.
7A e lilo ua ʻāina lā
No ke koena o ka ʻohana a Iuda;
E ʻai auaneʻi lākou i loko o laila;
A i ke ahiahi, e moe lākou i loko o nā hale o ʻAsekelona;
No ka mea, e ʻike mai auaneʻi ʻo Iēhova ko lākou Akua iā lākou,
A e hoʻihoʻi mai i ko lākou poʻe pio.
8¶ “Ua lohe au i ka hoʻohewa ʻana mai a kā Moaba,
A me ka ʻōlelo hōʻino ʻana a kā ʻAmona,
I ka mea a lākou i hōʻino ai i koʻu poʻe kānaka,
A hoʻokiʻekiʻe aʻela e kūʻē mai i ko lākou palena ʻāina.
9“No laila, ma kuʻu ola ʻana,” wahi a Iēhova o nā kaua,
ʻO ke Akua no kā ʻIseraʻela,
“E like auaneʻi ʻo Moaba me Sodoma,
A ʻo kā ʻAmona e like me Gomora,
He nāhelehele ʻoʻoi, me nā lua paʻakai,
A me ka neoneo mau loa;
Na ke koena o koʻu poʻe kānaka lākou e hao aku,
A e lilo lākou no ke koena o koʻu poʻe kānaka.”
10E hiki nō ia mea iā lākou, no ko lākou hoʻohanohano ʻana, no ka ʻōlelo hōʻino ʻana a lākou i haʻanoʻu ai, a me ka hoʻokiʻekiʻe kūʻē i ka poʻe kānaka o Iēhova o nā kaua.
11He mea hoʻoweliweli auaneʻi ʻo Iēhova iā lākou; no ka mea, e hoʻohoka auaneʻi ʻo ia i nā akua a pau o ka honua; a e hoʻomana aku iā ia ko nā ʻāina a pau o kānaka ʻē, ʻo kēlā mea kēia mea ma kona wahi iho.
12¶ “ʻOukou nō hoʻi, e ko ʻAitiopa, e hou ʻia auaneʻi hoʻi ʻoukou i kuʻu pahi kaua.”
13E ʻō aku hoʻi ʻo ia i kona lima e kūʻē i ke kūkulu ʻākau,
A e luku aku iā ʻAsuria;
A e hoʻoneoneo iā Nineva,
A panoa e like me ka wao akua.
14E moe iho nā ʻohana hipa i loko ona,
A me nā holoholona a pau o nā ʻāina;
E moe nō hoʻi ka pelikana, a me ke kipoda
Ma luna o nā kia pōhaku ona;
E hoʻokani ko lākou leo ma nā puka makani ona;
He neoneo ma nā paepae puka; no ka mea, e wehe ʻia auaneʻi nā papa kedera ona.
15ʻO kēia ke kūlanakauhale ʻoliʻoli
I noho nanea,
Ka mea i ʻōlelo iho i loko o kona naʻau,
“ʻO wau wale nō, ʻaʻohe lua!”
Nani kona lilo ʻana i mea neoneo,
Kahi e moe ai nā holoholona hihiu!
ʻO ka mea e māʻalo aʻe ana ia wahi,
E kāhāhā ia me ka hoʻoluliluli aku i kona lima.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.